Аријанит Хоџа – Kurir.mk

Аријанит Хоџа и пратеникот Басри Бајрами формираат нова политичка формација

Ристе Здравков — Thu, 27 Jul 2023 15:03:08 +0000

Аријанит Хоџа, кој беше заменик претседател на Движењето БЕСА и поранешен министер и пратеникот Басри Бајрами денеска на прес-конференција информираа дека ќе формираат нова политичка партија. Хоџа на прес-конференција соопшти дека почнувајќи од денеска тој и повеќемина негови сопартијци од денеска ќе функционираат како посебна политичка формација и оти ги отвораат вратите за сите оние кои сакаат да станат дел од овој политички проект. -Ние сме организирана структура која во периодот пред нас ќе работи во полн обем и јасна политичка артикулација и јасна визија за иднината на граѓаните и државата. Имајќи предвид дека државата се наоѓа во многу деликатна ситуација во која се одлучува за европската иднина ќе се однесуваме со внимание сериозност и посветеност да придонесеме преку нашиот претставник во Собранието за што поскоро да се случат уставните измени и да се пристапи кон отворање на патот за членство во ЕУ. Нормално би било многу подобро заради меѓуетничката кохезија во предлогот на уставните измени да се предлагаше и корекција на терминот 20 отсто во однос на албанскиот јазик но за тоа одговорност сноси поднесувачот на предлогот, рече Хоџа. Исто како пред неколку дена тој денеска се огради од, како што кажа, таканаречениот опозициски блок на Билал Касами, Изет Меџити и Африм Гаши

Опозицискиот фронт на Меџити го остави Касами без Хоџа и Бајрами

Ристе Здравков — Mon, 24 Jul 2023 17:34:45 +0000

Опозициската соработка на Билал Касами со Изет Меџити и Африм Гаши ја подели Беса. Заменик претседателот на партијата јавно порача дека се оградува од опозицискиот блок. Според информациите на ТВ 24, на ист став со Хоџа е и пратеникот Бастри Бајрами, што би значело дека Касами во Собранието останува со еден пратеник. - Од денеска целосно се оградувам од политичките дејствија во таканаречениот „опозициски блок“ со оглед на тоа што главните актери, носители на оваа иницијатива не имаат за цел политичка ротација, туку едноставно „перење“ на политички фигури кои не далеку од денес беа актери за одржување на актуелната власт во живот и ја спречија ротацијата во албанскиот политички табор. За детали за политичките убедувања и луѓето кои го делат истото политичко мислење со мене, ќе ве известиме преку прес конференција во текот на оваа недела. - напиша Хоџа на фејсбук.

Арјанит Хоџа бара да се исклучи осветлувањето на Милениумскиот крст

Ристе Здравков — Wed, 14 Sep 2022 16:17:01 +0000

Генералниот секретар на Беса, Арјанит Хоџа на својот Фејсбук посочи дека Милениумскиот крст на Водно треба да се исклучи. Ваквото барање доаѓа по одлуката во Париз да се исклучи Ајфеловата кула. „Во Париз се носи одлука за намалување на осветлувањето на Ајфеловата кула, со што се заштедуваат непотребни трошоци за струја, особено во периодот на енергетската криза која започна и се очекува да се продлабочи во текот на оваа зима. Наместо нашите владетели да ни кажуваат како да се користи струјата дома, јас јавно предлагам да почнат да се штедат и да престанат со непотребното осветлување на Милениумскиот крст на Водно, Скопје!“, пишува Хоџа.

Хоџа: Пописот докажа дека со ДУИ во Владата, бегството на Албанците е масовно

Предраг Кукиќ — Thu, 31 Mar 2022 11:31:22 +0000

Објавувањето на резултатите од пописот во Македонија отвора многу дебатa коja бара длабинска анализа, но и одговорност од политичките сили кои сакајќи да ја задржат ексклузивноста и нетранспарентноста, денес го преземаат целиот историски товар на еден процес кој за жал отвори многу дилеми и нејаснотии, вели Аријанит Хоџа од движењето Беса. -Движењето БЕСА уште еднаш го потврдува својот политички став дека процесот на попис на населението е и треба да остане само статистички, а колективните законско-уставни права на етничките заедници, во овој случај на Албанците треба да произлегуваат од бројот на жители кои се државјани на државата, а не по бројот на резидентни жители во државата. Преку нашата анализа на последниот попис на населението во земјата произлегуваат некои пораки кои сакаме да ги споделиме како загриженост со јавноста, потенцира Хоџа и додава: „Прво: Формата, начинот и водењето на процесот помина во целосна тајност, додека процесот на одложување односно прекин на процесот и пречките со кои се соочуваа граѓаните за пријавување, особено оние во дијаспората, го губи кредибилитетот на пописот како процес. Одтука, се сомневаме дека овој процес се претвори во политичко пазарење помеѓу СДСМ и ДУИ, како и многу други прашања во минатото, кои за жал докажаа дека при секое политичко пазарење на ДУИ последиците се долгорочни за Албанците во државата. Второ: Ако тргнеме од статистичките податоци кои произлегуваат од овој попис, на површина излегува една голема вистина која континуирано ја покренуваме како грижа, а тоа е дека во сите овие години на владеење на ДУИ, Албанците масовно си заминаа од родното место.“ Според Хоџа погрешните политики, корупцијата, непотизмот, партизацијата на сите институции принудија многу семејства, но пред се многу млади луѓе да ја напуштат државата. -Факт е дека колку подолго ДУИ ги води државните институции преку неспособни луѓе, партиски приврзаници и оние чии главни заслуги се послушноста кон партијата, толку повеќе Албанци ќе ги напуштат своите родни места. Овој процес на масовен егзодус на Албанците мора итно да се запре, тоа се прави со создавање подобри услови за живот, економска благосостојба, отворање нови работни места, но сето тоа може да се случи само со отстранување од власт на ДУИ, поконкретно на нејзините преставници во Владата. Го потврдуваме нашиот став дека државата треба што поскоро да оди на предвремени избори, а ДУИ да оди во опозиција, и да се реформира, бидејќи секој ден се докажува дека тие се штетни за иднината на Албанците, а тоа го потврдија и од пописот на населението, за што и самите биле учесници во организацијата на истиот, заклучува Хоџа.

Хоџа: Беса ја продолжува војната, секој ќе одговара за своите постапки

Магдалена Андонова — Thu, 11 Nov 2021 12:26:53 +0000

Врвот на опасноста на демократијата се достигнува кога преку недемократски форми, дури и на пратениците им се оневозможува слободното изразување на волјата, објави секретарот на Движењето Беса, Аријанит Хоџа, на својот фејсбук профил. – Заканата, уцената или другите форми на влијание се показател за инсталирање режим кој е ставен над волјата на народот. И покрај се, Движењето БЕСА ја продолжува војната. Одиме по нашиот свет пат за да го победиме злото!, пишува Хоџа и додава дека секој поединечно ќе одговара за своите постапки, додека Движењето БЕСА „продолжува со политичкото патување“. Тој уште посочува дека соработката на опозицијата со Алијансата за Албанците и Алтернатива „ќе продолжи до последното уривање на овој режим“. (МИА)

Хоџа: Соработката на опозициската АА-ААА ќе продолжи до последното соборување на овој режим

Дарко Андоновски — Thu, 11 Nov 2021 12:05:52 +0000

Арјанит Хоџа од Беса на својот Фејсбук профил пишува дека врвот на опасноста од демократијата се достигнува кога преку недемократски форми дури и слободното изразување на волјата е невозможно за пратениците. „Закана, уцена или други форми на влијание се показател за инсталирање режим кој е ставен над волјата на народот. И покрај се, Движењето БЕСА ја продолжува војната. Одиме по нашиот свет пат за да го победиме УЗГНЕТУВАЊЕТО! Секој поединечно ќе одговара за своите постапки, додека Движењето БЕСА продолжува со политичкото патување. Соработката на опозициската АА-ААА ќе продолжи до последното соборување на овој режим“, пишува Хоџа.

Хоџа: Без разлика што ќе одлучи Беса, јас како министер нема да бидам дел од ова владејачко мнозинство

Ивана Ефремовски — Fri, 05 Nov 2021 14:26:15 +0000

Партијата Беса денеска и утре ќе ги продолжи консултациите дали да остане дел од владејачкото мнозинство или да го напушти, но генералниот секретар на партијата, Аријанит Хоџа, кој е министер за земјоделство, соопшти дека ќе се повлече од министерската функција без разлика дали Беса ќе остане во владејачкото мнозинство. Тој го обвини коалицискиот партнер ДУИ дека им забиле нож во грб со тоа што поднеле приговор за гласањето во Желино каде што кандидатот на Беса победи со 69 гласа разлика пред противкандидатот од редовите на интегративците. „Мојот став е јасен и чист, и да одлучи партијата дека треба да се продолжи со ова владејачко мнозинство, јас како министер нема да бидам дел од тоа владејачко мнозинство. Колку и да велат дека ова е емотивна реакција, човек живее за принципи и не можам да се гледам со тие луѓе на маса кога се подготвени нож во грб да му забодат на коалициски партнер кој цела година буквално со сите неправилности стоел само заради големата слика. Очигледно, ДУИ не ја интересира големата слика туку повеќе другите работи, како што е ова со Желино, да направи кризи и слично. Мислам дека е време пополека и тие да се подготват да менуваат“, рече Хоџа.

Хоџа: Нема да седиме на маса со оние кои ја нарушуваат волјата на граѓаните

Тале Кристо — Fri, 05 Nov 2021 13:49:50 +0000

Движењето БЕСА континуирано се позиционираше како сериознa партија, дозволувајќи многу прашања за една цел, големата фотографија, интеграција на државата. Како што сте информирани, во Желино ќе има прегласување на избирачко место каде победи кандидатот за градоначалник од редовите на ДУИ. Ова ја надминува секоја демократска норма. Ќе продолжиме со консултациите за тоа како понатаму. Но, нема да дозволиме да бидеме на иста маса со луѓе кои сакаат да ја сменат волјата на граѓаните, изјави Аријанит Хоџа. БЕСА во наредните денови ќе одлучува за идните чекори. Генералниот секретар Аријанит Хоџа вели дека не може да биде во иста Влада со ДУИ. Но, одлуките ги носи мнозинството во партијата. Ако решат да останат со ДУИ, тој веќе не сака да биде министер за земјоделие.

Максимов до Хоџа: Тоа не е нов момент министре, ние тие пари ги добивавме и од претходната Влада

Тале Кристо — Mon, 29 Mar 2021 17:12:14 +0000

Министерот за земјоделство, шумарство и водостопанство, Аријанит Хоџа во емисијата „24 анализа“ посочи дека оризопрозиводителите со доаѓање на новата Влада имаат нов момент дека добиваат плус 30.000 денари, тогаш Тони Максимов, претставник на оризопроизводители го прекина министерот и рече дека не е точно бидејќи тие пари ги добивале порано и од претходната Влада. -Министерот кажа дека тоа е нов момент, но тоа не е нов момент, ние тие 30.000 ги добивавме и од претходната Влада, нагласи Тони Максимов, претставник на оризопроизводители во гостување на „24 Анализа“. Максимов додаде дека министерот парите ги става по основ на семенски или по основ на штета од град или по основ на штета од суша. Тие пари како земјоделци ги добиваат тие три илјади денари односно 30.000 по декар, 30.000 по хектар ги добиваа.