Аријант Хоџа – Kurir.mk

Министерот Хоџа живее како шеик на државен трошок: За шест месеци потрошил повеќе од 22.000 евра на кафе и ручеци

Дарко Андоновски — Mon, 12 Apr 2021 19:34:43 +0000

Аријанит Хоџа, министер за земјоделство од редовите на Движењето БЕСА, од септември, кога беше назначен на функцијата до 28 февруари годинава, односно само за 6 месеци, потрошил 22.794 евра за кафе и ручек во Министерството за земјоделство, односно во бифето „Концепт БАР“, компанија за послужување кафе и храна што го доби тендерот од македонската влада, пишува порталот Шќип медиа. „Имајќи предвид дека од минатата година сме во пандемија и буџетот на министрите е намален за трошоци, но за срамот да биде уште поголем е што дури и да не беше пандемијата, овие претерани суми за кафе и храна на министерот Хоџа се над границата на основните потреби. Од шест месеци кои имаат 180 дена, само 110 дена се работни денови, отстранете ги викендите, тука и празниците од септември до февруари, така што министерството на Хоџа има дневни трошоци за кафе и храна приближно 210 евра на ден“, објави порталот Шќип медиа. Овие податоци се добиени од буџетската транспарентност при Министерството за финансии, проект финансиран од УСАИД и ИРИ.

Арсовски до Хоџа: Срамота велите дека субвенциите се исплатени, но не се, ако нема договор излегуваме на блокади

Магдалена Андонова — Mon, 21 Dec 2020 19:05:33 +0000

- Ние на 31 октомври бевме кај министерот, го запознавме со нашите барања. Од тогаш до сега, 60 дена немаме повратна информација никаква. И затоа протести беа за да го потсетиме на нашите барања. А, нашите барања се следниве – откуп на оризот од 25 денари за оризова арпа до 30 денари. И пет денари субвенции. За белиот ориз 55 денари и 60 денари“,нагласи Здравко Арсовски, оризопроизводител во јавување во емисијата „Топ Тема“. Арсовски додаде дека ова го вели бидејќи од почеток на август до септември цената беше 29 денари на оризова арпа, а белиот ориз 60. Откупувачите буквално се играат зивците на оризопроизводителите. - Доколку не постигнеме заедничко решение со министерот блокадите ќе започнат од сабота. Мора некое решение да се најде, верувајте ние друг излез немаме, истакна Арсовски. Арсовски посочи дека лани субвенциите од 01.10 до 15.12 беа исплатени. Сега субвенции не се исплатени по 1.800 денари по единица декар.

Арсовски до Хоџа: Не дојдовте да не посетите во Облешево, во МЗШВ има неквалитетни и некадарни луѓе поради вас сме четврта група на граѓани

Магдалена Андонова — Mon, 21 Dec 2020 19:01:03 +0000

- Цената е од 17 до 23 денари, производната цена е поголема од откупната цена. Министерот да дојде во Кочани, или во Облешево, оризопроизводителите ќе му кажат. Тој со неговиот тим бил во Кочани, но бил со откупувачите. Министерот требаше да ги слушне проблемите изворно од земјоделците, нагласи Здравко Арсовски, оризопроизводител во јавување во емисијата „Топ Тема“. Арсовски додаде дека револтот е бидејќи министерот не доаѓа да ги праша земјодлеците за нивните проблеми. - Втора работа, ако сме ние граѓани на едно општество за сите, епа ние не сме заразни толку, КОВИД има и тука да, но со новите мерки од Облешево никој не е опфатен. Јас не знам што треба ние земјоделците да направиме, ние сме луѓе за жал од четври ред, истакна Арсовски. Арсовски посочи дека оризопроиводителство е едно од најтешките физички работи. Министерот треба да дојде да ја слушне маката на сите земјоделци. - Во министерството има неквалитетни луѓе, некадарни луѓе кои што не можат да помогнат на нас земјодлеците, рече Арсовски.

ВИДЕО: Со блокада на пат и голем револт, толпа народ го пречекаа министерот за земјоделство во Прилеп

Магдалена Андонова — Fri, 18 Dec 2020 16:31:19 +0000

Министерот за земјоделие, Арјанит Хоџа денеска беше пречекан во Прилеп од страна на толпа народ кој му го блокираше патот, извикувајќи го да излезе од автомобилот. Погледнете го во продолжение видеото.

Хоџа: На албански јазик во сите документи ќе стои „Македониш“

Ивана Ефремовски — Fri, 11 Jan 2019 16:57:51 +0000

Беса на Биљал Касами и Владата успеале да најдат решение во текот на преговорите за два амандмана директно поврзани со Договорот од Преспа во однос на дијаспората и дефинирањето на државјанството, а за другите две точки кои не се директно поврзани со Договорот ќе се расправа понатаму. Во делот за дијаспората, како што посочи денеска во Собранието, генералениот секретар на Беса, Аријант Хоџа каде што се набројуваат етничките заедници се наведуваат и Албанците како етничка заедница во тој уставен амандман. -Исто така во уставниот закон успеавме да најдеме креативно решение во однос на државјанството за да можеме тоа да го утврдиме на албански јазик, односно во пет закони да се утврди како државјанството ќе се пишува во документи на албански, рече тој. -На албански јазик во сите документи ќе стои Македониш, во превод „на Македонија“, појасни Хоџа. Додаде дека за другите две точки, кои не се директно поврзани со Договорот од Преспа, а се однесуваат на правата на Албанците, како што е преамбулата и законот за јазиците се договориле да разговараат во првата прилика кога ќе се отворат овие прашања и заеднички да изнајдат решенија.