Арина Сабаленка – Kurir.mk

Сабаленка против Гауф за титулата на УСА Опен

Бошко Тасиќ — Fri, 08 Sep 2023 13:06:28 +0000

Гауф во првото полуфинале на грен - слем турнирот во Њујорк синоќа ја совлада чешката тенисерка Каролина Мухова со 2-0 во сетови (6-4, 7-5), а потоа Сабаленка спречи американско финале совладувајќи ја Медисон Кејс со 2-1 (0-6, 7-6, 7-6). Сабаленка избори финале во Њујорк по два последователни порази во полуфиналните дуели, од Лејла Фернандез во 2021, и лани од Ига Швјонтек. Белорусинката ќе има можност да ја освои втората грен – слем титула оваа сезона, откако ја почна годината со триумф на Австралија Опен. За 19-годишната Гауф ова ќе биде прво грен - слем финале во кариерата.

Арина Сабаленка доби британска виза и ќе настапи на Вимблдон

Бошко Тасиќ — Sat, 10 Jun 2023 05:57:58 +0000

Тенисерката од Белорусија, Арина Сабаленка соопшти дека добила британска виза и потврди дека ќе настапи на Вимблдон. – Имам виза. Ју-Ху! Можете да бидете среќни. Одам на Вимблдон и тоа е одлична вест. Со нетрпение очекувам да одам во Лондон. Навистина уживам да играм таму. Уживам во атмосферата. Минатата година навистина го пропуштив Вимблдон и, да, едвај чекам да се вратам и да го покажам мојот најдобар тенис. Сабаленка која во моментов е на второто место на ВТА ранг-листата, вчера загуби од Мухова (Чешка) во полуфиналето на Грен слемот Ролан Гарос. Вимблдон годинава ќе се игра од 3 до 16 јули.

Арина Сабаленка доби британска виза

Тале Кристо — Fri, 09 Jun 2023 09:55:47 +0000

Тенисерката од Белорусија, Арина Сабаленка соопшти дека добила британска виза и дека ќе игра на Вимблдон. - Имам виза. Ју-Ху! Можете да бидете среќни. Одам на Вимблдон и тоа е одлична вест. Со нетрпение очекувам да одам во Лондон. Навистина уживам да играм таму. Уживам во атмосферата. Минатата година навистина го пропуштив Вимблдон и, да, едвај чекам да се вратам и да го покажам мојот најдобар тенис. Сабаленка која во моментов е на второто место на ВТА ранг-листата, вчера загуби од Мухова (Чешка) во полуфиналето на Грен слемот Ролан Гарос. Вимблдон годинава ќе се игра од 3 до 16 јули.

Сабаленка може да стане прв светски рекет по Ролан Гарос

Ивана Ефремовски — Thu, 25 May 2023 13:18:10 +0000

По завршување на женскиот дел од Грен слемот Ролан Гарос може да дојде до промена на врвот на ВТА ранг-листата. Во моментов водството е полската тенисерка Ига Швјонтек со предност од 1399 поени. Таа во Париз треба да ја одбрани титулата и 2000 поени. Второпласираната Арина Сабаленка од Белорусија на Ролан Гарос брани 130 поени. За да остане на првата линија, Швјонтек треба да стигне барем до полуфинале. Ако не го направи тоа, Сабаленка ќе стане број 1 дури и испадне во првото коло. Доколку Сабаленка се пласира во четвртфиналето, Швјонтек ќе треба да стигне барем до финалето. Во случај Сабаленка да се пласира во финалето, Швјонтек ќе треба да ја освои титулата. Ако Сабаленка ја освои титулата, тогаш сигурно ќе стане број 1. (МИА)

Арина Сабаленка стигна до нова титула во Мадрид

Бошко Тасиќ — Sat, 06 May 2023 20:06:34 +0000

Арина Сабаленка стигна до својата втора титула на мастерсот во Мадрид откако денеска во финалето славеше против полската тенисерка Ига Швјонтек со 2-1 по сетови 6-3, 3-6 и 6-3. Првиот сет успеа да го освои Белорусинката со 6-3 и да поведе со 1-0. Во вториот сет по голема борба на ист начин успеа да возврати првата тенисерка во светот, додека и третиот сет заврши со 6-3, но во корист за Сабалјенка. Ова за Белорусинката е втора титула во Мадрид, откако претходно славеше на истиот турнир во 2021 година.

Швојнтек труимфираше на турнирот во Штутдгарт

Бошко Тасиќ — Sun, 23 Apr 2023 18:04:16 +0000

Ига Швјонтек го освои ВТА турнир во Штутгарт откако во финалето славеше над Арина Сабаленка од 2-0 во сетови. Ова беше дуел меѓу двете најдобро рангирани тенисерки на ВТА-листата, во кој Швјонтек само потврди дека е најдобра тенисерка во светот во моментов. Дуелот траеше еден час и 51 минута, но полската тенисерка стигна до триумф откако подобро ги искористи своите шанси. Првиот брејк беше направен во осмиот гејм, кога Швјонтек го освои сервисот на Сабаленка, поведе со 5-3 и неколку минути подоцна го доби сетот со 6-3. Белорусинката влезе во криза, а Швјонтек го искористи тоа, направи брејк за рано водство од 1-0 на самиот старт од вториот сет, предност што ја задржи до самиот крај, за конечни 6-4 и нов трофеј во богатата колекција.

Арина Сабаленка го освои Австралија опен

Бошко Тасиќ — Sat, 28 Jan 2023 19:45:54 +0000

Арина Сабаленка е победничка на отвореното првенство на Австралија во женска конкуренција.. Младата белоруска тенисерка по голема борба, со пресврт и речиси 2,5 часа игра, во финалето ја совлада актуелната шампионка од Вимблдон, Елена Рибакина од Казахстан во три сета со 2:1. Иако првиот сет го доби Рибакина со 6-4, во вториот Белорусинката успеа да се врати во игра и да израмни на 1:1, добивајќи го сетот со 6-3. Во решавачкиот трет сет, што траеше речиси еден час, при сервис на Сабаленка, противничката спаси три меч топки, но не успеа и четвртата, па 23-годишната Белорусинка заслужено го доби сетот со 6-4, а мечот со 2:1. За Сабаленка ова беше прво финале на Гренд-слем турнирите и прв трофеј, а вкупно 12-ти во кариерата.

Прво Грен слем финале за Арина Сабаленка

Ивана Ефремовски — Thu, 26 Jan 2023 13:00:02 +0000

Тенисерката од Белорусија, Арина Сабаленка попладнево ја победи Магда Линет од Полска со 7:6 и 6:2 во второто полуфинале на женскиот дел од Австралија опен. За Сабаленка саботното финале на Австралија Опен ќе биде прво на еден Грен слем турнир. Воедно, финалето во Мелбурн ќе биде 20-то нејзино финале на турнири под покровителство на ВТА. Досега Сабаленка има 11 трофеи на ВТА турнирите во поединечна конкуренција. По настапот во Мелбурн таа ќе се врати во втората позиција на светската ранг-листа. За титулата Сабаленка в сабот од 9:30 часот ќе игра против Елена Рибакина од Казахстан. (МИА)

Сабаленка го освои ВТА турнирот во Аделаида

Бошко Тасиќ — Sun, 08 Jan 2023 18:20:42 +0000

Белорусинката Арина Сабаленка триумфираше на турнирот од серијата 500 во Аделаида, Австралија. Откако не освои трофеј во 2022 година, Сабаленка ја освои првата титула во 2023 година веќе во првата недела. Таа стигна до својата единаесетта титула на ВТА турнирите, а прва по мај 2021 година кога славеше во Мадрид. Сабаленка победи против Носкова, која стигна до своето прво финале од квалификациите, по еден час и 43 минути и така го заврши овој турнир без загубен сет (6-3, 7-6/4). Ова е третпат Сабаленка да ја освои титулата во првата недела од сезоната, откако успеа да го стори истото во 2019 година во Шенжен и во 2021 година во Абу Даби.

Сабаленка: Забраната за настап на Вимблдон ништо не промени

Тале Кристо — Sun, 01 Jan 2023 18:50:53 +0000

Белоруската тенисерка Арина Сабаленка оцени денеска дека забраната за руските и белоруските тенисери да настап на ланскиот Вимблдон „не променила ништо“. Сабаленка беше една од неколкуте високо рангирани тенисерки која го пропушти лондонскиот грен – слем поради едностраните санкции кои ги воведоа организаторите како реакција на руската инвазија врз Украина. „Навистина сум разочарано бидејќи спортот на некој начин е во политиката. Ние сме спортисти кои се занимаваат со спорт. Доколку сите ние можеме да направиме нешто (во врска со војната) тоа ќе го направевме, но ние немаме никаква контрола“, изјави Сабаленка за весник Ејџ. „Ни забранија настап на Вимблдон и што промени тоа? Ништо – тие (руската влада) и натаму го прават тоа и тоа е тажен дел од оваа состојба“, додаде петто рангираната светска тенисерка.