арјан адеми – Kurir.mk

Ристовски му подари победа на Аријан Адеми на неговиот последен меч за Динамо Загреб

Ристе Здравков — Sun, 19 Mar 2023 18:46:32 +0000

Динамо Загреб ја совлада Ријека во дербито на колото во Хрватска со 1:0. Стрелец на единствениот гол беше Стефан Ристовски во 67-ма минута. Му го посвети на македонскиот лав Аријан Адеми, кој го одигра последниот меч за Динамо Загреб каде дојде во 2010-та година. Прави трансфер во Кина, за 1,6 милиони евра годишна плата. Адеми од игра излезе во последните моменти од мечот по што доби овации од навивачите.

Навивачите на Динамо Загреб со посебна кореографија во чест на Адеми (ФОТО)

Ристе Здравков — Sun, 19 Mar 2023 17:33:17 +0000

Аријан Адеми денеска го игра последниот натпревар во дресот на Динамо Загреб, а пред почетокот на мечот со Ријека, клубот и навивачите му посветија посебно внимание на македонскиот репрезентативец. Навивачите на Динамо Загреб, „Бед Блу Бојс“, имаа посебна кореографија за Адеми, цртеж со нашиот фудбалер и неговите иницијали од страните. А над тоа транспарент на кој пишуваше „373 пати срце на терен – капитену, фала ти на сѐ“. Пред почетокот на мечот Адеми од клубот доби дрес со бројот 373, толку пати го носеше дресот на Динамо Загреб. Доби и други награди.

Адеми преговара за трансфер во турската Суперлига

Ристе Здравков — Wed, 25 Jan 2023 09:56:23 +0000

Пред неколку дена се појави шокантна вест за навивачите на Динамо - капитенот Аријан Адеми е незадоволен и сака да го напушти клубот. Хрватскиот гигант веднаш се огласи и ги смируваше навивачите, информирајќи дека не постои никаков конфликт и дека клубот веќе подготвува нов договор со капитенот. Сепак, турските медиуми пишуваат дека Адана е заинтересирана да го доведе македонскиот репрезентативец, а според нивните информации преговорите веќе се започнати. Тренер на шестопласираната екипа во турскиот шампионат е познатиот Италијанец Винченцо Монтела, а дресот на тимот го носи еден репрезентативец колега на Адеми – Јован Манев. Адеми за Динамо одигра 351 натпревар, постигна 39 гола и забележа 29 асистенции.