Арјанит Хоџа – Kurir.mk

Хоџа До Реџепи: Како може да си дел од Владата, кога потпиша таа да се урне?

Магдалена Андонова — Tue, 16 Nov 2021 20:36:29 +0000

Министерот за земјоделие во оставка, Арјанит Хоџа, во гостувањето на ТВ21 запраша како е можно да бидат дел од Владата, кога пратеници на Беса презедоа чекори за уривање на Владата. Хоџа ја коментираше изјавата на Реџепи, кој пред да биде исклучен од партијата, беше потпретседател на Беса – дека таа сѐ уште е дел од Владата. Оставката на Хоџа и двајцата заменици министри, според Реџепи не значат дека Беса не е дел од парламентарното мнозинство, затоа што одлуката за напуштање на власта треба да ја потврдат и органите на партијата. Хоџа го повика Премиерот итно да ги депонира нивните оставки и Собранието да ги утврди што е можно поскоро. -Двајца пратеници беа на седницата за интерпелација на Владата. Јас и двајца заменици министри ги депониравме оставките. Премиерот треба да ги депонира во Собрание и да видиме точно дали сме или не дел од Владата, рече Хоџа.

Арјанит Хоџа си поднесе оставка од функцијата министер: Одлуката е морален чин!

Магдалена Андонова — Fri, 12 Nov 2021 12:26:51 +0000

Министерот за земјоделство и генерален секретар на Движењето БЕСА, Арјанит Хоџа поднесе оставка од функцијата заедно со другите двајца заменици министри од партијата. Рече дека тоа што вчера се случи во Собранието е срамно. Хоџа смета дека Беса сака да биде дел од власта, но не по секоја цена. -Одлуката за оставка е морален чин почитување на органите на Движењето БЕСА, рече Хоџа.

Министерот Хоџа најави дека денеска ќе поднесе оставка

Ивона Петрова — Fri, 12 Nov 2021 06:37:05 +0000

Министерот за земјоделство, шумарство и водостопанство Арјанит Хоџа вчеравечер во студиото на ТВ21 изјави дека денеска ќе поднесе оставка од министерската функција. Хоџа најави дека деталите ќе ги образложи на прес-конференција која се очекува да се одржи денес. Актуелниот министер во владата на премиерот Зоран Заев беше еден од најгласните во иницијативата за уривање на власта.

Арјанит Хоџа: Желино може да растури Влада

Ивана Ефремовски — Thu, 04 Nov 2021 19:57:20 +0000

Министерот за земјоделство, шумарство и водостопанство, Арјанит Хоџа, испрати порака за растурање на Владата со која и покрај оставката уште раководи Зоран Заев. „Желино, во кое се роди една партија (како движењето БЕСА), може да биде и Желино кое растура една Влада“ - напиша Хоџа.

Генералниот секретар на Движењето Беса, Арјанит Хоџа на Фејсбук: Комунистичката демократија на Владата на СДСМ-ДУИ!

Катерина Бојаџиева — Fri, 12 Jul 2019 10:28:44 +0000

Во текот на денешниот ден, во полициската станица во Тетово, беше викнат на информативен разговор активистот на Движењето Беса, Артан Етеми, за негова наводна инволвираност во поставување "знаци" што се појавија вчера во Тетово, пишува генералниот секретар на Движењето Беса, Арјанит Хоџа на Фејсбук. -Замислете колку „силна“ држава имаме, кога во рок од 24 часа процесуира случаи, бидејќи е засегната политичка партија која е во владата, додека истата држава веќе 28 години не успева да ги искорени криминалот и корупцијата. Денешната постапка на полицијата во Тетово е враќање во комунизмот, кој како што изгледа кај некој сеуште е дел од политичката идеологија. Оваа влада, која дојде со ветување дека ќе донесе правда, се чини дека ја испомешала правдата со комунизмот. Ние нема да дозволиме некој да го истура својот гнев со вршењето притисок и покажување моќ врз активистите на Движењето БЕСА. СРАМ ЗА ВЛАДАТА КОЈА ЈА РУШИ ДЕМОКРАТИЈАТА, додава Хоџа.