Аркан Ражнатовиќ – Kurir.mk

Цеца од својата свекрва доби вреден подарок на свадбата со Аркан, а сега тоа “парче“ е кај снаата Богдана – еве за што станува збор

Ивана Ефремовски — Mon, 10 Oct 2022 07:27:55 +0000

Пред нешто помалку од триесет години, колона од дури шеесетина возила се упати кон родното место на Цеца Ражнатовиќ, тогаш Величковиќ, на чело со Аркан, кој беше облечен во црногорска носија, во шест часот наутро. Семејството ги пречека свадбените гости во Житораџа, па започна традиционалниот обичај на дарување на невестата, а потоа Цеца беше изнесена од семејниот дом од таткото Слободан. Оттаму се упатија кон Белград, во црквата Свети Архангел Гаврил, каде што беше одржана свечена церемонија. Свадбата на Вељко и Богдана, одржана во ноември 2019-та година, на некој начин беше одраз на „свадбата на деценијата“ на Цеца и Аркан. Цеца на денот на венчавката влегла во црквата во раскошна венчаница, која нејзината снаа ја носеше 24 години подоцна, но еден од најемотивните моменти бил кога откако се заколнале на вечна љубов пред Бога, младенците отишле во семејната куќа каде ги чекала мајката на Жељко, Славка Јосифовиќ. Имено, свекрвата на својата снаа подарила семејно наследство, а нејзините зборови се прераскажуваат до ден денес: „Ти го подарувам овој златник, кој е од 1700 година. Од мојата прабаба. Нека е среќен и долговечен бракот - рекла свекрвата кога и подарила на Цеца вредемн златник, а години подоцна, како што налагаат обичаите, Цеца го подарила овој вреден подарок на својата снаа Богдана. За потсетување, венчавката на Вељко и Богдана се одржа во црквата Свети Сава, додека нивниот граѓански брак се одржа во елитен белградски хотел, каде организираа гала прослава.

МОЛЧЕШЕ СО ГОДИНИ: Цеца конечно проговори за најстрогата забрана која ја добила од Аркан

Ивана Ефремовски — Thu, 06 Oct 2022 15:38:11 +0000

Светлана Цеца Ражнатовиќ и Жељко Ражнатовиќ Аркан важеа за еден од најубавите, но и најхармонични љубовни парови на нашите простори. Врската ја започнале пред 28 години, а трагичната судбина ги разделила засекогаш. Откако почнаа шпекулациите дека Аркан ја заклучува во куќата и ѝ забранува да пее, фолк дивата проговори за тамошните медиуми и ја откри големата вистина за бракот со Ражнатовиќ. Имено, Цеца признала дека всушност таа сакала да стави крај на кариерата и да се посвети на сопругот и децата, но Аркан не ѝ го дозволил тоа. -Кога се омажив за Жељко, сите зборуваа за мене: Ќе ја заклучи дома и ќе ја покрие со облека од глава до пети. О, тоа е глупост! Тој беше мојот најголем поддржувач, уживаше да гради кариера за жената што ја сака. Секогаш ми велеше дека не смеам да ја напуштам работата. И паднав во некое лудило, сакав да ја напуштам кариерата и само да бидам сопруга и мајка. Ме праша дали сум луда! Рече дека сум роден за естрадата и дека секој што ќе ме поддржи да ја напуштам кариерата не ми мисли добро. Од него научив никогаш да не дозволувам никој да ме присилува да бирам помеѓу приватниот и деловниот живот, рекла Цеца. Таа додала дека нејзиниот покоен сопруг веќе тогаш ѝ предвидел кога почнале да излегуваат дека ќе ја наполни „Маракана“. -Ми кажа дека следниот чекор е концерт на „Маракана“. Тој предвиде сè, имаше позитивно влијание врз мене и ме изгради. Јас сум му благодарна за тоа. Тоа може да го направи само некој што ме сака безусловно, заклучила таа.

По 13 години брак Аркан се развел од неа поради Цеца – еве какво мислење има Наталија за пејачката и како изгледа денес (ФОТО)

Дарко Андоновски — Fri, 17 Sep 2021 12:46:09 +0000

Првата сопруга на Жељко Ражнатовиќ, Наталија Мартиновиќ со своите четири деца веќе со години живее во Америка. Долго време се шпекулира за нејзиниот однос со Цеца, а сега конечно е откриено какво мислење има таа за најголемата ѕвезда на овие простори. Имено, вистината за бракот со Наталија и одлуката за развод, Аркан во една прилика ја изнесе во медиумите. После 13 години брак со Наталија, јас се разведов. Мојата Маша се роди додека бев во затвор. Имав три брака, а никогаш не бев женскарош. Никакви љубовни афери немав. За 13 години колку што бев со бившата сопруга, ништо не се случи со ниту една друга. Потоа се заљубив во цеца. И го кажав тоа на сопругата. Цеца беше упорна, полека ми се додворуваше, а јас на крај попуштив, откри тогаш Аркан. Иако беа разделени, Наталија после неговото убиство ја посети куќата на бившата свекрва за да оддаде почит. Наталија отсекогаш била дама, отмена. За Цеца никогаш немаше кажано ништо лошо, а кога во нејзино присуство некој зборуваше за неа таа само кратко одговараше: Таа беше избор на Аркан, тој ја сакаше!“, откри пријател на Наталија и Аркан.

„Аркан само за мене не беше љубоморен“: Славниот фолкер проговори за односот со Цеца

Ивана Ефремовски — Tue, 18 May 2021 11:28:53 +0000

И денес деталите од љубовната приказна на Цеца и Аркан се прераскажуваат, како во 90-тите години од минатиот век, кога тие се заљубија и се венчаа, а еден од сведоците на нивната љубов беше нејзиниот колега Жељко Сашиќ. Тој тврди, дека за разлика од многумина, не ја почувствувал љубомората на Аркан. Сашиќ и Цеца (тогаш уште Величковиќ) имаа голем хит во 1994 година. Успехот на песната „Ко на грани јабука“ им даде крилја за уште еден дует и тие веднаш започнаа со реализација. Тие снимија песна, на ред дојде спотот. Сашиќ се сеќава како пристигнал да ја земе колешката, а Аркан му ја отворил вратата. -Аркан само за мене не беше љубоморен, од сите мажи кои беа блиски со Цеца. Многу години подоцна, кога тој веќе не беше жив, сфатив колку сум всушност привилегиран поради таквата врска. Беше вистински градски мангуп и не пушташе никого во неговиот круг, вели Сашиќ, кој додава дека Ражнатовиќ многу добро разбирал што значи да се биде пејач. -Мислам дека покрај Цеца, тој сфати колку е тешка нашата работа и што носи тоа. Затоа ја поддржа максимално, како и сите нејзини блиски колеги, се сеќава славниот фолкер.

Емотивна исповед на мистериозната ќерка на Аркан: Открива каков бил нејзиниот татко и а што таа мисли за Цеца

Ивана Ефремовски — Tue, 03 Mar 2020 17:51:35 +0000

Софија Ражнатовиќ, вонбрачната ќерка на покојниот Аркан, која дојде на 17-годишниот помен на татка си, за прв пат прозборе за медиумите, за својот татко, својот живот и односот со својата маќеа Цеца. -Дојдов да оддадам почит на својот татко кој многу го сакав. Иако веќе цели 17 години не е меѓу нас, живее и понатаму во мене. За мене ова е најтежок ден во животот. Живеам далеку и не доаѓам често, но мило ми е што денес сум овде во Србија за да си ги испочитувам родителите. Полно ми беше срцето кога ги видов сите негови пријтели кои ги сакаше неизмерно, вели Софија. Таа вели дека Аркан за неа бил најдобриот човек на светот, грижлив татко и човек полн со љубов. -Беше внимателен кон децата, особено кон мене, се лутеше кога се враќав доцна од ноќните излегувања. Знам дека беше познат, но кон децата беше сосема поинаков, нежен и полн со љубов. Секогаш сакаше да бидеме една голема и сложна фамилија, додава Софија низ солзи. Последниот разговор со татка си го имала неколку дена пред смртта. -Сакаше да ми среди документи за да добијам српски пасош. Разговаравме за тоа, ми вети дека ќе среди и дека ќе биеме заедно, вели таа. Исто така, за својата маќеа Цеца, има само пофални зборови: -Цеца многу ја почитувам, таа за мене е силна жена. Со оглед на тоа дека не живеам тука не знам дали нешто лошо се зборува за неа и за нас, но немам никаков проблем со неа и никогаш не сум ни имала. Се сложувам со целата фамилија, вели Софија. Инаку, Аркан Софија ја добил од кратката врска со социјалната работничка која се грижела за него во белгискиот затвор. Извор: Убавина и здравје

Цеца ја дочека Старата нова година, но Анастасија не ги додржа солзите- со оваа песна семејството се потсети на Аркан (ФОТО)

Дарко Андоновски — Tue, 14 Jan 2020 09:17:24 +0000

Анастасија и Цеца Ражнатовиќ покажале како ја чекаат Стара Нова Година во својот дом во Дедиње. Тие две објавиле снимки на кои се гледа дека уживаат во семејниот дом заедно со најблиските пријатели. „Ја чекаме српската Нова Година во хармонична атмосфера – напишала Анастасија. Анастасија исто така сподели и фотографија на која пее нејзината мајка Цеца, а под неа напиша дека таа ја нарачала песната „тако ми недостајеш“ и на истата имаше бројка 20. Според многумина со ова Анастасија алудирала на утрешната 20 годишнина од убиството на нејзиниот татко Жељко Ражнатовиќ- Аркан.

Работел за Аркан, се дружел со подземјето: Вистината за Милојко кој се прослави поради врската со 53 години помлада девојка

Ивана Ефремовски — Fri, 29 Mar 2019 08:13:22 +0000

Откако Милијана Богдановиќ и нејзиното 53 години постаро “момче“ Милојко Божиќ го напуштиле селото Пилатовиќи за да влезат во реалното шоу „Парови“, нивните соседи и роднини откриваат неверојатни работи за нив. Стариот Милојко воошто не е толку наивен колку што сака да се прикаже, зашто со години се дружел со најопасните момци од српското подземје, а има и уште една работа што не ја спомнал досега, а тоа е дека му бил миленик на Жељко Ражнатовиќ Аркан. Божиќ се здружи со опасните момци на Белград кога го напушти селото и замина да заработува. Се вработи во познатата коцкарница во хотелот „Југославија“ на Нов Белград, која тогаш ја држеше Жељко Ражнатовиќ Аркан. Милојко ја стекна довербата на Жељко, па едно време беше главен во коцкарницата. Кај Ражнатовиќ работеше 15 години и за тоа време се спријатели со многу криминалци. Со Кристијан беше многу близок и секогаш кога ќе го види на телевизија, се сеќава на случки од минатото. Нема што не се нагледал и на крајот на работниот век сфати дека дека е најдобро да се врати во село, открива сосед на Милојко, кој сакал да остане анонимен. Тој додал дека Милојко добро заработувал додека работел за Аркан. Со тие пари го купи станот во Белград и ги обезбеди децата. Кога се разведе од сопругата, им го остави тој стан и секогаш им помага финансиски. Едната ќерка е во странство, но секогаш кога ќе дојде во Србија, доаѓа да го посети татка си и неговата девојка, кој живее во сркомна куќарка. Соселаните велат дека се навикнале на Милијана и Милојко и едвај чекаат да го видат во селото малиот Милојко ако го направат.

Семејството Ражнатовиќ пристигна на гробиштата: Ова е најтажниот ден во нивните животи- по трагедијата веќе ништо не е исто (ФОТО)

Дарко Андоновски — Tue, 15 Jan 2019 13:21:45 +0000

Денеска се навршуваат 19 години од смртта на сопругот на Цеца, Жељко Ражнатовиќ Аркан кој беше убиен. Точно пред 19 години беше убиен командантот на доброволната гарда, а на денешниот помен беа присутни неговата сопруга и деца. Освен Цеца, Анастасија и Вељко беа присутни и сестрана на пејачката, Лидија, свршеницата на Вељко, Богдана Родиќ, мајката и таткото на Цеца, најблиските пријатели како и припадници на некогашната српска доброволна гарда. ФОТО: Телеграф.рс/ Марко Јовановиќ

И во 2019-та Цеца ќе го бара убиецот на Аркан: 19 години не можеме да се помирими со трагичната судбина

Ивана Ефремовски — Tue, 01 Jan 2019 09:18:13 +0000

Светлана Цеца Ражнатовиќ и после 19 години не може да се помири со трагичната судбина која ја доживеа нејзиниот сопруг Жељко Ражнатовиќ Аркан. Иако ретко зборува за немилиот настан кој се одигра на 15 јануари 2000 година во хотелот Интерконтинентал, Цеца ја отвори душата и порача дека се уште се надева дека правдата постои. -19 години со моето семејство чекам убиецот да се испорача на Србија. Тој е осуден на триесет и нешто години. Не знам зошто казната му е намалена од 40 години, бидејќи во прашање е тројно убиство. Верувам дека се ќе излезе на виделина и ќе дојде на свое место. Јас сите овие години можев да галамам, но не го правев тоа. Никој никогаш не не повика да не извести за било што врзано со смртта на Жељко. Се што дознавме, беше од медиумите, рекла Цеца.

Крвава пресметка: Убиен е адвокатот на убиецот на Аркан, повреден е и неговиот син (ВИДЕО)

Катерина Бојаџиева — Tue, 30 Oct 2018 11:35:50 +0000

Пит Михалик, познат адвокат од Јоханесбург и адвокат на убиецот на Аркан, Добросав Гавриќ, убиен е пред приватното училиште во Грин Поинт додека ги водел децата во училиште. Михалик е ликвидиран со пукање во главата, а убиецот, после заседата заминал со метлик сиво „поло“. Според некои информации ранет е и осумгодишниот син на адвокатот, кој со сестра му бил во автомобилот. Михалик во адвокатските кругови е познат по тоа што застапувал голем број мафијашки водачи. Неговото убиство се поврзува со убиството на адвокатот Нурудин Хасан кој исто така работел на случајот Гавриќ. Ова е уште едно од низата ликвидации кои во Јужна Африка се поврзани со Срби. Добросав Гавриќ осуден е на 35 години поради убиство на Аркан Ражнатовиќ и двајца негови пријатели Миленко Мандиќ и Драган Гариќ Гагиќ, се уште се наоѓа во домашен притвор во Јужноафриканската Република, каде е уапсен во декември 2011 година, а тамошните власти не го испорачуваат на Србија, за што многу придонел и убиениот адвокат.