Армани Милано – Kurir.mk

Кендрик Нан ќе потпише за Армани Милано

Бошко Тасиќ — Fri, 13 Oct 2023 06:58:10 +0000

Според италијанските медиуми, Арамни планира да потпише двегодишен договор со Кендрик Нан.Нан во НБА од 2019 година, играше за Мајами, Лејкерс и Вашингтон. Поради проблем со коленото не беше опција за клубовите кои го посакуваа летото, но сега е фит и подготвен да ја продолжи кариерата На Еторе Месина му треба само играч од таков калибар и на таа позиција, по повредата на Маодо Ло и не баш најдобрите партии на Били Берон и Кевин Пенгос. Армани беше поразен од Фенербахче на гости во првото коло од Евролигата, потоа од Наполи во домашното првенство. Оттука и потребата да се засили тимот со уште еден квалитетен стрелец.

Уште еден кошаркар од НБА лигата се сели во Европа

Бошко Тасиќ — Thu, 03 Aug 2023 03:57:51 +0000

Петкратниот НБА-олстар играч, Џон Вол, би можел да биде нов кошаркар на Армани Милано, објави специјализираниот кошаркарски портал „Баскетњуз“ повикувајќи се на свои извори. Наводно, тренерот на Армани, Еторе Месина, смета дека Вол кој е без ангажман, би бил идеално решение за бековската позиција следната сезона. Вол во НБА играше за екипите на Вашингтон визардс, Хјустон рокетс и ЛА клиперс и досега заработи 276,5 милиони долари.

Били Берон нов кошаркар на Армани од Милано

Бошко Тасиќ — Wed, 29 Jun 2022 19:05:06 +0000

Американскиот бек Били Берон е нов кошаркар на Олимпија од Милано. Берон ја официјализираше двегодишната соработка со тимот предводен од Еторе Месина. 31-годишниот играч од Пенсилванија имаше доста успешна сезона во која со Зенит ја освои титулата во домашниот шампионат. Во ВТБ јунајтед лигата имаше просек од 14,6 поени со фантастичен процент за шутот за три поени - 46,5% Берон е професионалец од 2014 година, а играше за Лиетовос Рутас, Шарлероа, Мурсија и Црвена Звезда, а потоа се пресели во Зенит. Тимот од Милано по потписот со Берон соопшти дека на искусниот плејмејкер Малколм Дилејни нема да му биде продолжен договорот.

Дејвис има нов клуб во Евролигата

Бошко Тасиќ — Fri, 24 Jun 2022 17:04:24 +0000

Олимпија Милано по освојувањето на титулата во италијанското првенство експресно се фокусираше на засилување на играчкиот кадар, потпишувајќи договор со Американецот Брендон Дејвис. Одличниот центар пристигнува од Барселона, откако не ги оправда очекувањата на каталонците пристигнувајќи од Жалгирис на барање на тренерот Јасикевичиус. „Среќен сум што дојдов овде, што станав дека од шампионот на Италија. Со нетрпение очекувам да почнам со работа со оваа квалитетна група на играчи“, изјави 31-годишниот Дејвис.

Месина се шегува со коронавирусот: Ако не тргне добро, ќе кашламе да го исплашиме Жалгирис

Ивана Ефремовски — Fri, 28 Feb 2020 16:29:19 +0000

Армани Милано вечерва му гостува на Жалгирис во Каунас, а тренерот на италијанскиот претставник во кошаркарската Евролига се пошегува на официјалната прес-конференција пред мечот. „Мислам дека луѓево во Италија, но и овде, малку пренагласено реагираат на оваа ситуација која е сериозна и воедно под контрола. Сосема е нормално да играме натпревари“, рече Месина. Веќе неколку дена во Литванија имаше дилеми дали мечот воопшто ќе се одигра поради ширењето на коронавирусот, но Евролигата во доворот со дел од литванските власти, сепак, даде зелено светло. „Ќе биде тежок меч против добар тим. Ако работите не тргнат на добро, ќе почнеме да кашламе. Можеби тоа ќе ги заплаши кошаркарите на Жалгирис и ќе застанат со играта“, се пошегува Месина.