арменд арслани – Kurir.mk

Директорот на струшката болница и вработените “ја победија“ короната, на работа без маски

Ивана Ефремовски — Thu, 22 Jul 2021 09:29:52 +0000

Директорот на болницата во Струга, Арменд Арслани, кој е и поранешен заменик-министер за здравство, покажува голема недоговорност на работното место. Тој е доктор по општа медицина и специјализант по урологија и уролошка хирургија. Како доктор многу добро знае дека Македонија е далеку од победа над коронавирусот и дека мерките за заштита во затворен простор не се укинати. На работа во болницата си доаѓа и седи без маска. И не е сам во таквото прекршување на протоколите. Вработените исто така се однесуваат како пандемијата да е завршена, па во болницата седат целосно незаштитени.

Арслани: За избори може да се зборува кога би имале период од две недели под 5% позитивни на Ковид-19 од вкупниот број тестирања

Дарко Андоновски — Mon, 11 May 2020 18:17:52 +0000

Заменик министерот за здравство, Арменд Арслани во емисијата „Топ Тема“ на телевизија Телма им порачува на политичарите дека за избори може да зборува само доколку би имале период од две недели во кој бројот на позитивни дијагностицирани на Ковид-19 би бил под пет посто (5%) од вкупниот број на тестирања, нешто што во овој период не е случај. Тој истакна дека денешните статистики покажуваат дека процентот, на ново дијагностицирани од вкупниот направени 145, е 14,5%. -Моментално, според ови бројки, според мене и според комисијата во наредните неколку дена не би можело истото да се споредува. Но, сепак, ако имаме дневни информации во текот на наредните две недели, и врз основа на тие статистики и тие истражувања кога би покажале дека овој бројот на новозаразени во овие 14 дена е под пет посто (5%), дури тогаш би имале простор да се разговара за оваа тема, рече Арслани запрашан дали во Македонија има услови да се зборува за датум за избори. Тој порача дека, сепак комисијата за заразни болести треба да биде таа која што ќе треба да заклучи дали имало услови за избори, а не политичарите.

Арменд Арслани нов заменик-министер за здравство

Ивана Ефремовски — Tue, 12 Nov 2019 17:08:12 +0000

Собранието на денешната 120-та седница со 62 гласа „за“ и 17 „против“ го именува Арменд Арслани за нов заменик-министер за здравство. Арслани, кој доаѓа од редовите на ДУИ, е специјализант по урологија на Медицинскиот факултет при УКИМ, кој претходно работел како доктор по општа медина во Специјализираната болница за нефрологија во Струга. Тој доаѓа на местото на Асим Муса, кој поднесе оставка на функцијата по скандалот со земање мито. Во образложението за назначување на Арслани, премиерот Зоран Заев рече дека е во тек негово професионално и научно усовршување како специјализант по урологија и уролошка хирургија, а од 2018 е член на Управниот одбор на специјализираната болница по Урологија во Струга. Заев посочи дека во текот на својата професионална кариера Арслани редовно посетувал специјалистички семинари и учестувал на студиски престои во земјата и странство, со што го усвовршува своето образование. Тој, како што рече Заев, од неговите работи поврзани со медицината се издвојува работата на преводот на Водичот на Европската асоцијација на уролозите, со што има придонесено во теоретската надоградба на оваа област. Опозицијата за време на расправата ја обвини власта за лоши политики во здравството, како и за предизборно зголемување на платите на специјалистите. Пратениците на ВМРО-ДПМНЕ обвинија дека не треба нов заменик-министер за здравство, туку нов министер за здравство, бидејќи како што рекоа, работата на Венко Филипче е скандалозна и на сите анкети граѓаните се незадоволни од неговата работа. Според нив, највисоките претставници на здравството се зафатени со корупциски скандали и разликата меѓу нив е само во тоа што дали некој бил фатен или ќе биде фатен во примање поткуп. (МИА)

Собранието ќе избира заменик-министер за здравство, Владата го предлага Арменд Арслани

Ивона Петрова — Tue, 12 Nov 2019 06:46:46 +0000

Собранието на Република Македонија денеска ќе ја одржи 120. седница на која треба да биде избран заменик-министер за здравство. Владата за нов заменик-министер за здравство го предлага Арменд Арслани, специјализант по урологија на Медицинскиот факултет при УКИМ, кој претходно работел како доктор по општа медина во Специјализираната болница за нефрологија во Струга. Арслани треба да дојде на местото на Асим Муса, кој поднесе оставка на функцијата по скандалот дека зел мито од пациент од Албанија за да му овозможи операција во Струга.