Петрушевски: Во градинката Ангел Шајче беа затруени педесетина дечиња, а нема никаква одговорност од директорката и свекрвата на Царовска одговорна за хигиената

Тале Кристо — Thu, 13 May 2021 11:15:37 +0000

Веќе неколку дена нема одговорност за директорот и одговорните лица во градинката Ангел Шајче во Куманово, каде со храна беа затруени педесетина дечиња, од кои поголемиот дел се лекуваат во домашни услови, а 3 од нив се борат со заразата на државните клиники, истакна на денешната прес-конференција пратеникот од редовите на ВМРО-ДПМНЕ Бране Петрушевски. -Молчи директорката на градинката, но и одговорните за хигиена. Молчи свекрвата на Мила Царовска, која е одговорна за хигиената, за што е задолжена како медицинско лице. Јавноста бара одговори, а директорката на градинката и свекрвата на Царовска молчат. Се уште е нејасно од што конкретно настанала заразата. Првичен сомнеж е дека храната содржела салмонела, но и се претпоставува дека е причинета од недоволна хигиена. Одговорни за градинката покрај градоначалникот Максим Димитриевски е и Министерството за труд и социјална политика. Имено, Мила Царовска како министер за труд и социјална политика претходно му ги одзеде ингеренциите на Максим Димитриевски. Директно надредено над градинката е Министерството за труд и социјална политика. Дали градинката Ангел Шајче каде настанало труењето на дечињата во Куманово е под заштита на Царовска? Дали директорката на градинката и свекрвата на Царовска се под заштита на Мила Царовска? И дали затоа никој не презема одговорност за случајот? Што треба да се случи за роднините и блиските на Царовска да преземат одговорност? Уште колку животи треба да се загрозат? Затоа итно бараме оставка од директорката на градинката и од свекрвата на Царовска. Одговорност веднаш, побара Петрушевски.

Нухиу: УНЕСКО во февруари ќе го извади Охрид од неговата листа и никому ништо

Катерина Бојаџиева — Sun, 14 Jul 2019 09:48:47 +0000

Новинарот Арменд Нухиу на социјалните мрежи се огласи по повод дивоградбите кои ги градат високи функционери и лица блиски на ДУИ во Охрид и на Матка. Тој на социјалната мрежа Фејсбук напиша статус во кој вели дека и покрај тоа што Хефи Усеини отворил пицерија на дивоградба во центарот на Охрид, од државата нема никаква реакција. Тој се надоврза и за кањонот Матка во кој луѓе на ДУИ држат диви платформи, при што додава, да ти се плукнам во државата каде коалициските интереси се над законите. - Нефи Усеини, советник на ДУИ завчера отвори пицерија дивоградба во центарот на Охрид. УНЕСКО во февруари ќе го извади Охрид од неговата листа. И никому ништо. На Матка луѓе на ДУИ држат диви платформи, никому ништо. Да ти се плукнам во државата каде коалициски интереси се над законите“, пишува Нухиу. Статусот на Нухиу предизвика многумина негови пријатели да коментираат претежно во насока на осудување на ваквото однесување на лица во или блиски до власта. Еден дегов пријател оди до таму што пишува дека се додека ДУИ не се исчисти од политичката сцена, во Македонија нема да функционира ни закон ни ништо. Во коментарите на статусост на Нуиу може да се види дека имаше и обиди, конкретниот случај со дивоградбата на советникот на ДУИ да го оправдаат и да му дадат и етничка боја на што Нухиу возврќа дека ДУИ со години работи на ширење на некој квази национализам со кој се обидува да ја затскрие својата неспособност. Тој исто така и вели дека они земаат гласови од Албанците со национални теми, а прават криминали за себе.

Арменд Нухиу – Kurir.mk

Петрушевски: Во градинката Ангел Шајче беа затруени педесетина дечиња, а нема никаква одговорност од директорката и свекрвата на Царовска одговорна за хигиената

Нухиу: УНЕСКО во февруари ќе го извади Охрид од неговата листа и никому ништо