Армин Лашет – Kurir.mk

Николоски: Остварив средба со еден од најголемите германски политичари

Ивана Ефремовски — Wed, 06 Sep 2023 12:28:49 +0000

Потпретседателот на ВМРО-ДПМНЕ, Александар Николоски оствари средба со Армин Лашет. -Со Armin Laschet - еден од најголемите германски политичари. Премиер на Северна Рајна Вестфалија, Претседател на најголемата германска партија ЦДУ и долгогодишен заменик на Ангела Меркел, кандидат за Канцелар на последните избори . Човек од кој може да се научи. Мој драг пријател и колега од ПС на Совет на Европа. Не посети во Скопје, за да докаже дека е голем пријател на Македонија, истакна Николоски.

Лидерот на германската ЦДУ, денеска ќе се повлече од функцијата премиер на Северна Рајна Вестфалија

Магдалена Андонова — Mon, 25 Oct 2021 07:12:46 +0000

Армин Лашет, лидерот на германска демохристијанска партија (ЦДУ), денеска официјално ќе поднесе оставка од функцијата премиер на покраината Северна Рајна Вестфалија, јавува ДПА. Лашет, кој во еден момент беше фаворит за наследник на партиската колешка Ангела Меркел на функцијата канцелар, но на парламентарните избори на 26 септември го постигна најлошиот резултат на ЦДУ досега. Лашет (60), пренесе ДПА, најави дека ќе се повлече од функцијата премиер пред изборите во Бундестагот, дури и ако не стане следниот канцелар на Германија. Лашет треба да остане вршител на должноста премиер се додека утре, на инагуративна седница на новиот состав на Бундестагот, не седне на своето место – пратеник. Министерот за транспорт на Северна Рајна Вестфалија, Хендрик Вуест, се очекува в среда да биде избран за нов премиер на специјална седница на покраинскиот парламент. Овој 46-годишен политичар во саботата беше избран за покраински лидер на ЦДУ во Северна Рајна-Вестфалија. (MИА)

Меркел повика да се гласа за Лашет со цел „Германија да остане стабилна“

Тале Кристо — Fri, 24 Sep 2021 18:06:41 +0000

Германската канцеларка Ангела Меркел ги повика граѓаните да гласаат за Армин Лашет, конзервативниот кандидат на нејзината партија ЦДУ, за да ја одржат Германија „стабилна“. Пораката е испратена два дена пред одржувањето на парламентарните избори на кои се бира нејзин наследник. – За Германија да остане стабилна, Армин Лашет мора да биде федерален канцелар, изјави Меркел на митингот на нејзината партија во Минхен пред изборите в недела, според кои анкетите предвидуваат близок дуел помеѓу фаворитот на социјалдемократите и неговиот десничарски противник. Таа истакна дека „не е важно кој раководи со Германија“, предупредувајќи кое сценарио би било доколку победи социјалдемократот Олаф Шолц, кој води на анкетите. – Можете ли да замислите црвено-црвено-зелена влада?, ги праша претставниците на ЦДУ и ЦСУ собрани во Минхен на последниот митинг од кампањата. Канцеларката го критикуваше зголемувањето на данок најавено од социјалдемократскиот кандидат, што може да ги натера германските компании да се преселат во Австрија или Холандија. – Ова не е наша политика, нагласи канцеларката Меркел, додавајќи дека претпочита „политика што им овозможува на компаниите да останат во земјата и да отворат работни места – тука, за да напредува Германија“.

Армин Лашет за кандидат за германски канцелар на ЦДУ

Тале Кристо — Tue, 20 Apr 2021 06:13:13 +0000

Претседателството на германската владеачка Христијанско-демократската унија (ЦДУ) уште еднаш го поддржа својот нов претседател, и премиер на сојузната покраина Северна Рајна Вестфалија, Армин Лашет, во кандидатурата за демохристијански кандидат за канцелар на парламентарните избори во септември, јави ДПА. Членовите на сојузното претседателство на ЦДУ рано утринава, по шестачовниот работен состанок, го поддржаа Лашет со 77,5 проценти од гласовите на членовите на највисокотло партиско тело. Од 46 члена на претседателството, 31 член гласаа за Лашет, девет беа за лидерот на ЦСУ, Маркус Зедер, а шестмина беа воздржани. Зедер, претседател на Христијанско-социјалната унија (ЦСУ), помалата партија во повеќедецениската демохристијанска коалиција ЦДУ/ЦСУ, беше поддржан од 22,5 проценти од членовите на претседателството на ЦДУ. По неуспешните обиди за време на викендот двајцата претседатели да постигнат меѓусебен договор за тоа кој од двајцата да ја понесе кандидатурата за функцијата канцелар, Зедер вчера соопшти дека одлуката за канцелар ќе зависи од претседателството на ЦДУ, поголема партија од двете во Унијата. -Доколку претседателството на ЦДУ вечерва јасно го поддржи Лашет, ние ќе ја почитуваме таа одлука, рече Зедер вчера попладне, по состанокот на претседателството на ЦСУ. Притоа тој не кажа што ќе смета дека е „јасна поддршка“. Кандидатурата на Лашет допрва треба да биде потврдена и од раководството на ЦСУ. Зедер во последните денови инсистираше на својата кандидатура, повикувајќи се на подобрите резултати во анкетите на јавното мислење и меѓу гласачите воопшто и меѓу гласачите на ЦДУ/ЦСУ. Лашет изјави дека изборите се „важен сигнал“ во процесот на конечна селекција на кандидатот за канцелар на Унијата и можен наследник на канцеларката Ангела Меркел, која се повлекува од политиката по завршувањето на сегашниот мандат. Во историјата на Унијата ЦДУ / ЦСУ, само двајца политичари од ЦСУ, Франц Јозеф Штраус и Едмунд Стојбер влегоа во трка како кандидати за канцелар. ЦСУ ја претставува демохристијанската опција во Баварија, а ЦДУ во другите 15 германски покраини.

Мицкоски со честитка до Лашет

Ивона Петрова — Sat, 16 Jan 2021 16:00:30 +0000

Му посакувам успешна работа и како две сестрински партии успешна соработка со ЦДУ, сѐ со цел уште позабрзан развој на демократијата и економијата на Македонија и односите со пријателска Германија, се вели во честитката на претседателот на ВМРО-ДПМНЕ Христијан Мицкоски на изборот на Армин Лашет за претседател на ЦДУ. Лашет денеска вети дека ќе поведе дијалог со сите демократски партии во земјата и рече дека во денешно време е потребно сите демократи да се обединат. -Особено во овие денови што ги живееме во светот, фразата „единство, правда и слобода“ е поактуелна од кога било порано, рече Лашет, алудирајќи на една строфа од германската химна, пренесуваат британските медиуми. Новиот лидер на ЦДУ повика на заедничка борба за овие принципи против сите оние кои, како што кажа, сакале да ги загрозат.

Лашет вети борба против непријателите на демократијата

Ивона Петрова — Sat, 16 Jan 2021 15:16:26 +0000

Новоизбраниот лидер на Германската христијанско-демократска унија (ЦДУ), Армин Лашет, денеска вети дека ќе поведе дијалог со сите демократски партии во земјата и рече дека во денешно време е потребно сите демократи да се обединат. -Особено во овие денови што ги живееме во светот, фразата „единство, правда и слобода“ е поактуелна од кога било порано, рече Лашет, алудирајќи на една строфа од германската химна, пренесуваат британските медиуми. Новиот лидер на ЦДУ повика на заедничка борба за овие принципи против сите оние кои, како што кажа, сакале да ги загрозат. Христијанско-демократската унија (ЦДУ) на германската канцеларка Ангела Меркел денеска го избра Лашет за нов претседател на партијата.

Претседателот Мицкоски и претставници на ВМРО-ДПМНЕ беа гости на Конгресот на ЦДУ на кој е избран Армин Лашет како нов претседател

Магдалена Андонова — Sat, 16 Jan 2021 14:08:49 +0000

Претседателот на ВМРО-ДПМНЕ, Христијан Мицкоски, со потпретседателот Александар Николоски и секретарите за меѓународна соработка Влатко Ѓорчев и Тимчо Муцунски зема учество како гостин на 33-иот Конгрес на ЦДУ кој се одржува од 15 - 16 јануари. ВМРО-ДПМНЕ негува децениско партнерство и соработка со сестринската партија ЦДУ, со која сме членки и на ЕПП, а која од нејзините редови ја даде канцеларката Меркел, која цела деценија го трасира патот на модерна Европа и е еден од гарантите за европскиот развој, безбедност и стабилност. На Конгресот се очекува избор на следен лидер на Партијата кој ќе ја наслед Анегрет Крамп-Карембауер. Покрај бројните говорници, меѓу другите ќе се обратат: Канцеларката Ангела Меркел, претседателката на ЦДУ и Министер за одбрана на Германија, Анагрет Крамп-Карембауер, претседателката на Европската Комисија, Урсула Фон Дер Лајен и потпретседателот на ЕПП и Европратеник Дејвид Мекалистер. Конгресот е целосно дигитален. Новиот претседател на ЦДУ ќе биде избран од страна на мнозинството од 1001 Делегати, кои избираа помеѓу Армин Лашет, Фредрих Мерц и Норберт Ротген. Во вториот круг од гласањето избран е Армин Лашет. ВМРО-ДПМНЕ и претседателот Мицкоски му честитаат на господинот Армин Лашет и му посакуваат успешна работа, истовремено се надеваат на успешна соработка со ЦДУ и во текот на период што следи се со цел уште позабрзан развој на демократијата и економијата на Македонија.

Избран наследникот на Меркел, ова е новиот претседател на ЦДУ

Ивона Петрова — Sat, 16 Jan 2021 10:56:41 +0000

Актуелниот премиер на германската провинцијата Северна Рајна-Вестфалија, Армин Лашет е избран за претседател на Христијанско-демократската унија (ЦДУ). Лешет е избран за наследник на германската канцеларка Ангела Меркел, која 16 години беше на чело на ЦДУ. Собранието на ЦДУ што требаше да се одржи во декември, беше одложено поради епидемиолошката состојба во земјата. Денешното Собрание се одржува во дигитална форма. Претенденти за лидерското место беа поранешниот министер за животна средина, Норберт Ретген и шефот на парламентарната група на ЦДУ во Бундестагот, Фридрих Мерц.