арон картер – Kurir.mk

Позната причината за смртта на Арон Картер

Ивана Ефремовски — Thu, 20 Apr 2023 11:58:51 +0000

Минатата година во месец ноември јавноста беше шокирана од смртта на младиот музичар Арон Картер кој уште е познат како помалиот брат на Ник Картер од „Бекстрит бојс“. Сега во американските медиуми е откриена и причината за смртта според резултатите од обдукцијата. -Картер починал од давење и ефектите на дифлуороетан, запалив гас кој често се користи како погонско гориво во лименки со компримиран воздух и алпразолам, генеричка форма на ксанакс, се вели во копијата од извештајот од неговата обдукција, известува „Пејџ сикс“. Картер беше пронајден мртов на 5-ти ноември во када во неговиот дом во Ланкастер, Калифорнија. Имаше 34 години. Домашната помошничка на Картер го открила неговото тело. Џејн Картер, мајката на Картер, претходно не верувала дека нејзиниот син починал од случајно предозирање. Таа сакала дополнително сè да се истражи.

Пријатели на Арон Картер укажуваат на негово можно убиство

Катерина Бојаџиева — Wed, 08 Mar 2023 11:38:03 +0000

По мајката на починатиот млад пејач Арон Картер и блиски пријатели на пејачот истакнаа дека веруваат оти неговата смрт треба да се истражи како можно убиство, објави „Пејџ 6“ (Page Six). -Тој секогаш би бил параноичен кога луѓето го прогонуваат или некој трча по него! Не би сакал да покажувам со прст, но некои работи не се поклопуваат, изјави Брајан Кесиди, близок пријател на Картер последните три години од неговиот живот. И Морган Метјуз, поранешен менаџер на пејачот, тврди дека Картер често бил „со погрешни луѓе“ и честопати пројавувал „параноја“. Тој тврди и дека Картер велел дека луѓе го следат и дека треба да излезе од градот. Додаде и дека затоа неговата куќа била на продажба. Џејн Шнек, мајката на Картер, во објава на Фејсбук, проследена со слики од местото на смртта, на 1 март напиша дека „сѐ уште се обидува да добие соодветна истрага“ за смртта на нејзиниот син. Таа вели дека истражителот „веќе го запишал“ случајот како „случајно предозирање“ и не допуштаат друга можност, поради борбите на Картер со зависностите во минатото. „Погледнете ги фотографиите. Ништо од ова не е земено од полицијата. Но, им дозволија на луѓето да влегуваат и излегуваат, иако многу информации за потенцијално убиство можеби се тука со години. Арон имал многу смртни закани и многу кои му го загорчувале животот“, додаде Шнек. Арон Картер беше пронајден мртов во својот дом во Калифорнија (САД), ноември 2022 година, опкружен со лименки со компримиран воздух и шишенца со апчиња на рецепт. Toj имаше 34 години. Официјалната причина за смртта допрва треба да се утврди. Иследниците досега ја отфрлат можноста за давење оти, по наводите - не е пронајдена вода во белите дробови на поранешната тинејџерска музичка ѕвезда.

Светот во шок, познатиот пејач пронајден мртов во када

Ивона Петрова — Sat, 05 Nov 2022 21:36:32 +0000

Арон Картер (34), популарниот рапер и актер е пронајден мртов во својот дом во Калифорнија. Телото на Арон, кој е брат на Ник Картер пејачот од групата Бекстрит Бојс, било пронајдено во када во 11 часот. На местото на настанот се испратени детективи, но детали за смртта се уште не се познати. Арон се стекна со слава како поп пејач во доцните 1990-ти, кога објави четири студиски албуми. Првиот албум го издаде во 1997 година кога имаше само 9 години. Откако неговиот деби албум продаде над милион копии, вториот албум на Арон, „Aaron's Party“, тројно го зголеми тој број и по тој огромен успех, тој стана редовен на „Nickelodeon“. Како што јавуваат светските медиуми, Арон со години имал проблеми поради употреба на наркотици, неколку пати одел на рехабилитација.

Фановите во шок, состојбата загрижувачка: Познатиот пејач заврши во болница (ФОТО)

Ивана Ефремовски — Fri, 15 Nov 2019 20:25:42 +0000

Пејачот Арон Картер е во болница од непознати причини. Фотографијата ја објави неговата мајка Џејн Картер на Инстаграм и ги загрижи бројните фанови на нејзиниот син. „Мама ќе се грижи за тебе“, напиша Џејн Картер на фотографијата од својот син во болнички кревет во една болница во Флорида. Таа додаде на Твитер дека ќе управува со неговите профили на социјалните мрежи сè додека пејачот не закрепне.

View this post on Instagram

Mommas gonna take care of you

A post shared by Aaron Carter (@aaroncarter) on Nov 14, 2019 at 9:48am PST

Картер неодамна ги шокираше фановите кога призна дека се бори со проблеми со менталното здравје. За време на интервјуто во емисијата "The Doctors" , Арон на гледачите им покажа торба полна со лекови што ги користи за шизофренија, биполарно растројство, манична депресија и акутна вознемиреност. Кори Колд Фелдман, со кого Картер глумеше во шоуто "Marriage Boot Camp: Family Edition" , се чини дека знае повеќе. Иако често се расправал со Картер, тој сега ги повика неговите фанови да му дадат безрезервна поддршка „без оглед што зборуваше за мене во минатото“, напиша актерот и дополни дека „наскоро ќе се открие повеќе“.