Авторот на серијата „Suits“ открива: Кралското семејство се мешаше во сценариото

Ивона Петрова — Thu, 31 Aug 2023 08:03:21 +0000

Авторот на американската серија „Suits“ Арон Корш (56) изјави дека британското кралско семејство повремено се мешало во делови од сценариото на популарната серија во која глумеше Меган Маркл, војвотката од Сасекс. Зборувајќи за „Холивуд репортер“, Корш потсети дека на Меган, која ја глумеше практикантката Рејчел Зејн, наводно и било забрането да го кажува зборот „глупости“, како што било напишано во сценариото. -Кралското семејство не сакаше таа да го каже тој збор, рече телевизискиот продуцент. Според него, „во неколку наврати не можеле да го направат она што го замислиле со нејзиниот лик и тоа било малку фрустрирачко“. -Ќе кажам, мислам дека Хари го напиша тоа во својата книга, затоа што слушнав како луѓето велат дека кралското семејство се мешало во некои работи. Не премногу, но во неколку наврати кога сакавме да направиме нешто, не можевме. Беше малку фрустрирачки, рече Корш. На прашањето како кралското семејство го смислило сценариото, тој рече дека не знае. -Бев свесен дека го читаат сценариото бидејќи ги добив повратните информации, но не се сеќавам како го добија, рече Корш. Меган продолжи да глуми во серијата по врската со принцот Хари во 2016 година, но одлучи да се повлече во 2017 година по седум сезони. Хари во својата контроверзна книга „Резерва“, објавена во јануари 2023 година, напиша дека Палатата го попречувала снимањето на серијата и дека на Меган и било многу тешко затоа што ја сакала серијата, ликот што го глуми, нејзините колеги и целата актерска екипа.

Арон Корш – Kurir.mk

Авторот на серијата „Suits“ открива: Кралското семејство се мешаше во сценариото