Арон Роџерс – Kurir.mk

Роџерс е најплатениот НФЛ играч во историјата

Бошко Тасиќ — Tue, 08 Mar 2022 20:42:18 +0000

Квотербекот Арон Роџерс стана најдоброплатениот НФЛ играч во историјата, откако Грин Беј пекерс му понуди четиригодишен договор вреден 200 милиони долари (од кои 153 милиони му се гарантирани). Со ова се става крај на шпекулациите дека 38-годишниот Роџерс ќе заврши во Денвер бронкос или ќе се пензионира. Договорот му гарантира годишна плата од 50 милиони долари, со што тој ќе ги помине Патрик Махомес од Канзас Сити чифс (45 милиони долари) и Џош Ален од Бафало билс (43 милиони долари). Роџерс освои Супербол со Пекерси во 2010 година, но оттогаш на Грин Беј не им оди најдобро во плејофот, губејќи четири пати во конференциските финалиња.

Нова славна двојка: Актерка и рагбист во голема љубов

Ивана Ефремовски — Thu, 04 Feb 2021 13:24:57 +0000

Американската глумица Шејлин Вудли, можеби најпозната по љубовната драма „Ѕвездите се виновни“ и „Различна“, е во врска со рагбистот Арон Роџерс. „Тоа е прилично ново. Којзнае колку сериозно може да стане!“, вели неименуван извор за „Ентертејнмент њуз“. Роџерс (38) претходно беше во врска со автомобилистката Даника Патрик. Се разделија изминатово лето по две години врска. Пред тоа, тој три години се гледаше и со глумицата Оливија Мун. Вудли пак, беше поврзувана со рагбистот Бен Волавола, во 2018 година. Меѓутоа, во април 2020 година таа изјавуваше дека „сака да биде сингл некое време“. Следни филмови каде што таа ќе глуми, се драмите „Мавританец“ и „Последното писмо од твојот љубен“. (МИА)

Од херој до лицемер: Подарил милион долари за настраданите во пожарот, а ја заборавил својата мајка

Ивана Ефремовски — Fri, 23 Nov 2018 08:13:01 +0000

Американската спортска ѕвезда Арон Роџерс, кој подари милион долари за настраданите во пожарите во Калифорнија, ја заборавил сопствената мајка. Американците му се восхитуваа на фудбалерот Арон Роџерс за подарените милион долари за помош на настраданите од пожарот, се додека неговиот брат не ја откри болната вистина. Квотербекот на Green Bay Packers и една од најголемите фурбалски ѕвезди во САД, прво беше фален, а кога брат му Џордан ја откри вистината, се соочува со лавина од критики. Мајката на фудбалерот и самата морала да бега пред огнот. „А кога сопствената мајка беше сама дома со спакувани торби и подготвена за евакуација, тогаш заборави да и се јавиш и да ја прашаш дали е на безбедно“, напиша Џордан на социјалните мрежи и додаде дека целата оваа хуманитарна акција на неговиот славен брат мириса на глума.