Арсен Аваков – Kurir.mk

Украинските власти извршија претрес во домот на поранешниот министер за внатрешни работи

Ивона Петрова — Wed, 01 Feb 2023 12:14:30 +0000

Поранешниот украински министер за внатрешни работи Арсен Аваков изјави дека припадници на службата за безбедност денеска извршиле претрес во неговиот дом како дел од истрагата за купување хеликоптери „Ербас“, јави „Украинска правда“. Хеликоптер „Ербас“ се урна на 18 јануари, при што загинаа 14 лица, меѓу кои и министерот за внатрешни работи Денис Монастирски и други високи функционери во Министерството. Службата за државна безбедност на Украина (СБУ) не одговори веднаш на барањето за коментар за извештајот на „Украинска правда“. Шефот на владејачката партија во Украина подоцна потврди дека е претресен домот на Аваков. „Украинска Правда“ цитира изјава на Аваков дека потрагата е поврзана со хеликоптерската несреќа. - Тие ги преразгледуваа договорите со Ербас од пред шест години, рече тој. Аваков (59) поднесе оставка од министерската функција министер во јули 2021 година. Пред оставката беше еден од највлијателните функционери во Украина, а министер за внатрешни работи беше повеќе од седум години.

Ненадејно и без образложение: Украинскиот министер за внатрешни работи поднесе оставка

Катерина Бојаџиева — Tue, 13 Jul 2021 19:00:30 +0000

Украинскиот министер за внатрешни работи Арсен Аваков, кој се наоѓа на таа функција од 2014 година, денеска ненадејно поднесе оставка без да даде образложение за таквиот потег. За време на неговиот мандат имало многу приговори за бруталноста на полицијата. Протести против Аваков често беа организирани во Киев, иако тој негираше вмешаност во какви било незаконски акти. Неговата оставка мора да биде одобрена од Парламентот, што може да се случи в четврток, пишува Блумберг. Украинскиот претседател Володимир Зеленски на местото на Аваков го назначи Денис Монастирски, член на својата партија.

Украина забрани гласање на Русите на нејзина територија

Ивона Петрова — Fri, 16 Mar 2018 19:20:33 +0000

На граѓаните на Русија нема да им биде дозволен пристап до дипломатските мисии во Украина в недела кога се одржуваат избори за претседател на Русија, соопшти денеска министерот за внатрешни работи на Украина Арсен Аваков. – Министерството за внатрешни работи соопштува дека безбедносните аранжмани на руската дипломатска мисија во Украина конкретно во Киев, Карков, Одеса и Лавов не опфаќаат пристап на граѓани кои чекаат да гласаат на избори, изјави министерот. - Констатирајќи ја руската хибридна и агресивна војна против Украина, украинското Министерство за внатрешни работи го оцени како невозможно одржувањето избори кои ги кршат украинските закони на украинска територија, изјави Аваков. Централната изборна комисија на Русија соопшти дека заедно со МНР ја разгледува ситуацијата во Украина и соработуваат со органите на редот и структурите одговорни за безбедност на руските државјани,вклучително и оние што се во дипломатски мисии.