арсен венгер – Kurir.mk

Откриена статуа на Арсен Венгер пред стадионот на Арсенал

Ивана Ефремовски — Sat, 29 Jul 2023 09:33:21 +0000

Бронзена статуа на поранешниот тренер на Арсенал, Арсен Венгер (73), како го подигнува трофејот во Премиер лигата, е поставена пред клупскиот стадион во северен Лондон. Францускиот стратег остави голем печат на клупата на Арсенал, освојувајќи три англиски титули и седум трофеи во ФА купот, во периодот од октомври 1996 до мај 2018 година. Венгер го предводеше Арсенал на 1235 натпревари, а со лондонската екипа настапуваше 20 сезони во серија во Лигата на шампиони. Три и пол метри високата статуа со ликот на Венгер ја изработи Џим Гај и е пред трибината „North Bank“. Ова е петта статуа пред стадионот на Арсенал. Претходно статуи добија легендарните фудбалери на лондонскиот премиерлигаш – Тони Адамс, Денис Бергкамп, Герберт Чепмен, Кен Фрајр и Тиери Анри. (МИА)

Фергусон и Венгер во Куќата на славни на Премиер лигата

Ивона Петрова — Wed, 29 Mar 2023 14:33:23 +0000

Легендарните фудбалски стратези Алекс Фергусон и Арсен Венгер се примени денеска во Куќата на славни на Премиер лигата со што станаа први тренери со такво признание. Сер Алекс Фергусон е најуспешниот тренер во историјата на Премиер лигата предводејќи го Манчестер јунајтед од 1986 до 2013 година и во тој период на клубот од „Олд Трафорд“ му донесе 13 шампионски титули. На 810 натпревари колку што Фергусон го предводеше Манчестер јунајтед во Премиер лигата забележа 528 победи што е апсолутен рекорд на лигата. „Навистина сум пресреќен поради ова признание, кое не е само мое. Зад сето тоа стојат целиот клуб, тогашното клупско раководство, моите помошници во стручниот штаб и, секако, играчите“, изјави 81-годишниот Фергусон по повод признанието. Французинот Арсен Венгер (73) седеше на клупата на Арсенал 22 сезони во континуитет од 1996 до 2018 година, што е тренерски рекорд во Премиер лигата. Венгер со 828 натпревари на клупата на лондонскиот клуб, исто така, го држи рекордот на лигата во која забележа 476 победи. Освои три шампионски титули со Арсенал од кои особен ќе остане запаметена титулата во сезоната 2003/04 која клубот ја освои без пораз. „Им благодарам на сите за ова огромно признание. Би сакал да останам запаметен како тренер и човек кој исклучително многу го сакаше Арсенал, личност која ги почитуваше вредностите на клубот, но, истовремено, и го остави во позицијата од која може да напредува и да биде сè подобар“, рече Венгер по повод приемот во Куќатa на славни на англискиот клупски фудбал.

Венгер излезе со прва изјава за враќањето на „Емирејтс“

Бошко Тасиќ — Mon, 02 Jan 2023 07:48:12 +0000

Арсен Венгер го следеше во живот последниот натпревар на Арсенал на домашен терен, кој воедно беше претпоследен во 2022-ра година која „топчиите“ ја завршија на успешен начин. Тимот на Микел Артета го израдува Французинот кој беше во ВИП ложата и кој уживаше во триумфот над Вест Хем од 3:1, но Арсенал победи и во последниот ден од годината, на гостувањето кај Брајтон со 2:4.Французинот првпат даде изјава по кам-бекот кој го имаше на „Емирејтс“, но излезе и со мислење и за шампионските амбиции на неговиот омилен тим. – Враќањето на „Емирејтс“ беше фантастично, но не сакам да бидам во фокусот и да зборувам премногу за тоа. Ќе се посветам на нешто поважно, мислам дека ги имаме сите потребни ресурси за да станеме шампиони, на тактички и психолошки план. Овие момци можат да одат до самиот крај. Како што самите гледате, овој Арсенал создава многу шанси, јас не гледам никакви слабости во нивната игра, – вели Венгер за „ТВ2“.

ВИДЕО: Емоции во Лондон: Венгер по четири години се појави на „Емирати“

Ристе Здравков — Tue, 27 Dec 2022 09:47:38 +0000

Во 2018 година Арсен Венгер го напушти Арсенал и од тогаш цели четири години се немаше појавено на „Емирати“, се до вчерашниот натпревар против Вест Хем. Арсенал со одличен пресврт во второто полувреме заслужено славеше со „чеканите“, оваа победа на Арсенал беше „зачинета“ и со присуството на Венгер на трибините. Венгер секако се најде во фокусот на телевизиските екрани и неговиот лик беше прикажан наголемиот видеобим на стадионот. Во тој момент навивачите го поздавија и со песна, пеејќи „Има само еден Арсен Венгер“. Венгер не ги криеше емоциите во моментите кога Арсенал постигнуваше голови.

Arsenal crowd singing "One Arsene Wenger" 🎶 (via @RidarKh ) pic.twitter.com/WXTSAalZHl
— Doc (@karthikadhaigal) December 26, 2022

Crowd chanting “there’s only on Arsene Wenger” after he appears on the big screen pic.twitter.com/FgVuojt8Nt
— Gilles 🇳🇬🏴󠁧󠁢󠁥󠁮󠁧󠁿 (@_Grimanditweets) December 26, 2022

Венгер импресиониран од Меси

Ивона Петрова — Sun, 18 Dec 2022 10:40:41 +0000

Директорот на ФИФА за глобален развој Арсен Венгер рече дека е воодушевен од настапите на аргентинскиот капитен Лионел Меси на Мундијалот во Катар. „За мене е импресивно тоа што Меси повторно ја откри способноста да забрза во одреден момент. Никогаш не бил брз, но бил во состојба да знае кога треба да го смени движењето и темпото. Последните неколку години малку назадуваше на тој план, но сега на Мундијалот тоа го врати. Тој го навлекува противникот и одеднаш прави разлика, а притоа противникот воопшто да не е свесен дека тоа го направил“, изјави Венгер. Поранешниот тренер на Арсенал оцени дека Меси е доминантен во однос на другите играчи на Мундијалот. „Кога тој ја има топката – почнува музика. Околу него има тројца противнички играчи, а тој управува со нив. Како и на нив и на топката да им вели: Јас сум шефот“, додаде францускиот стратег пред денешното финале во кое Меси ќе се обиде да ја освои првата светска титула во кариерата и победнички да се збогува со големите натпреварувања.

Венгер за СП 2022: Последна шанса за Меси, Роналдо, Нејмар

Ивана Ефремовски — Sun, 20 Nov 2022 09:26:37 +0000

Долгогодишниот поранешен тренер на Арсенал, Арсен Венгер изјави дека Светското првенство во 2022 година може да биде последно за многу ѕвезди. -Мислам дека ова Светско првенство е последна шанса за големите играчи кои ни го покажаа својот талент во изминатите 10-15 години. Тие ќе дојдат на турнирот мислејќи: „Сега или никогаш“. Прекрасно е да се види ова бидејќи Меси, Роналдо, Нејмар и Бензема се меѓу најдобрите играчи во светот. Левандовски исто така. Сите тие ќе мислат: „Ова е мојата шанса“. Нашиот спорт има среќа бидејќи се заснова на технологија. И покрај зголемениот интензитет, на крајот од натпреварот гледате кој ја направи разликата, кој ја донесе победата, а тоа се играчи со добра визија на теренот, со техника која им овозможува да ја реализираат оваа визија. Ако науката се злоупотребува, тоа може да биде штетно. Играчите ќе станат премногу зависни од податоците и ќе престанат да играат слободно. Затоа, науката мора да се користи правилно, таа мора да поттикне донесување смели одлуки. Ако тоа не се случи, тогаш тоа ќе му наштети на квалитетот на играта, изјави Венгер. Од листата ѕвезди кои ги именува Венгер, Мундијалот во Катар веќе е завршен за Карим Бензема кој се повреди пред стартот на шампионатот. (МИА)

ПСЖ го посакува за спортски директор Арсен Венгер

Бошко Тасиќ — Mon, 25 Apr 2022 20:27:58 +0000

Легендарниот француски стручњак, Арсен Венгер ова лето би можел да добие нова работа, спортски директор на ПСЖ. Тој би можел да дојде на местото на Бразилецот, Леонардо, кој го години ја извршуваше оваа функција. „Светците“ не се задоволни од работата на Бразилецот, прва опција за негова смена е токму Венгер, сите се обидуваат да го убедат „професорот“ да ја прифати нивната понуда. Венгер во овој момент работи за ФИФА, помага за развој на фудбалот ширум во светот. Покрај Леонардо од следната сезона нема да биде ниту Маурицио Покетино.

Венгер за Мбапе: Реков дека може да биде следниот Пеле уште кога имаше 17 години

Тале Кристо — Thu, 20 Jan 2022 09:15:19 +0000

Поранешниот менаџер на Арсенал, Арсен Венгер зборуваше за игрите на напаѓачот на Пари Сен-Жермен, Килијан Мбапе. – Се сеќавам уште кога имаше 17 години, реков дека тој може да биде следниот Пеле. Бразилецот три пати го освои Светското првенство? Па, Мбапе нека победи втор, па ќе видиме. Има леснотија, интелигенција, израз, харизма… Многу брзо достигна големи височини. Дали летото беше тешко за Мбапе? Многу тешко, а тој стана уште посилен. Допрва треба да се соочи со критики. Прашањето беше само како би реагирал доколку неговата метеорска кариера биде нарушена со скептицизам. И мислам дека многу добро реагираше. Ми се допаѓа што сега дава голови на разни по важност натпревари. Во Купот на Франција, на пример. Си поставува цели на секој натпревар. Среќен сум со неговиот напредок, изјави Венгер за „Le Parisien“. Дваесет и тригодишниот Мбапе е еден од најдобрите фудбалери на светот. Кариерата ја почна во 2015 година во вториот тим на Монако, набргу потоа доби прекоманда во првата екипа. Од 2017 година настапува за Пари Сен-Жермен.

Венгер најави голема новост на СП: Технологијата ќе ги носи тие одлуки

Ристе Здравков — Wed, 13 Oct 2021 13:24:10 +0000

Францускиот фудбалски стратег, Арсен Венгер веќе подолго време е без ангажман и тоа откако ја заврши приказната со Арсенал, па под голем знак прашалник е дали некогаш и ќе им се врати на секојдневните клупски обврски. Во меѓувреме Венгер е дел ФИФА, па често како еминентен член е гласник на работите што може да се очекуваат, промени кога е во прашање фудбалот. Токму една таква најави Арсен и тоа нов момент во фудбалот кој би требало да биде претставен, функционален на СП во Катар кое се игра нареднаат година. Стручњакот навести дека технологијата ќе биде онаа што ќе погрижи за офсајд одлуките. -Мора да продолжиме да напредуваме во брзината на донесување одлуки, особено во однос на офсајдот. Во 2022 година на Светското првенство ќе можеме да донесеме многу брзи офсајд одлуки. Со тоа помалку ќе се губи време затоа што ВАР може да погреши со тоа. Има вистински емотивен удар, но после тоа треба да знаете дали сакате фер одлуки или не. -Постои голема шанса офсајдот да биде автоматизиран на Светското првенство во 2022 година. Врзан сум за тајност, но ова ќе биде следниот од големите случувања во судењето, -открива Арсен кој застана во одбрана на ВАР. -Мислам дека е позитивно по тоа што ако беше објавено утре, луѓето ќе беа против. Сфативме во решавачките натпревари дека ВАР може да спречи да се донесат лоши одлуки. Но постојат работи што сe уште треба да се усовршат. ВАР е нов процес. Нивото на ВАР луѓето можеби не е на ниво на судиите. Ама тоа ќе дојде за неколку години. -Постои проблем затоа што се бараат многу луѓе и се уште е скапо. ВАР е корисна помош и мора да остане за донесување поправедни одлуки. Претходно, имаше 93 проценти фер одлуки, а денес тоа е 97%. Тоа се стотици одлуки во текот на едно првенство. Тоа е важно, -порача Французинот.

Мундијалот во 2022 година може да го мотивира Венгер да се врати на фудбалот

Катерина Бојаџиева — Thu, 29 Jul 2021 18:58:01 +0000

Францускиот фудбалски стручњак Арсен Венгер е меѓу кандидатите за преземање на репрезентацијата на Швајцарија, објавија некои британски медиуми. Поранешниот тренер на Арсенал е надвор од професионална работа во фудбалот веќе три години. Тој во 2018 година го напушти премиерлигашот од Лондон на крајот на сезоната и неколку пати одби добри понуди. Седумдесет и едногодишниот специјалист во моментов е претседател на Глобалниот фудбалски развој во ФИФА. Се шпекулира дека претстојното Светско првенство во Катар во ноември и декември следната година, може да биде мотивација Венгер да се врати на тренерската работа. Швајцарците досега ги предводеше Владимир Петковиќ, но српскиот тренер во иднина прифати да биде шеф на стручниот штаб на францускиот прволигаш Бордо.