арсенал – Kurir.mk

Сака поради повреда нема да игра за Англија

Ивона Петрова — Tue, 10 Oct 2023 08:04:37 +0000

Фудбалерот на Арсенал, Букајо Сака нема да може да учествува на претстојните натпревари на Англија, пренесува „BBC Sport“. Според британскиот медиум, Англиската фудбалска федерација го повлече 22-годишниот Англичанец од составот поради повреда на тетивата. На 3 октомври, во натпреварот од 2. коло од групната фаза на Лигата на шампионите против Ленс, Сака беше заменет во 34. минута од натпреварот поради болка во ногата. Селекцијата на Англија на 13 октомври ќе игра пријателски против Австралија, четири дена подоцна (17 октомври) ќе се соочи со Италија во квалификациите за ЕП 2024.

Ова на Пеп досега не му се случило

Бошко Тасиќ — Mon, 09 Oct 2023 04:04:47 +0000

Избраниците на Пеп Гвардиола загубија од Арсенал со минимални 1:0, но разочарувачки е што за 90 минути игра шампионот упати само 4 удари кон домашниот гол. Иако во финишот се бореа за реми, момците на Гвардиола не успеаја да упатат ниту еден шут кон голот на Арсенал од 58. минута, кога последен пат се заканија кон домашниот гол. Во англиското првенство под водство на шпанскиот стратег, вакво нешто се нема случено откако тој седна на клупата на Манчестер Сити, значи од 2016 година.

Артета загрижен поради повредата на Сака

Ивона Петрова — Wed, 04 Oct 2023 16:19:26 +0000

Тренерот на премиерлигашот Арсенал, Микел Артета ја нарече „загрижувачка“ повредата на Букајо Сака, но додаде оти не жали што му даде шанса да игра во вчерашниот пораз од Ленс (1-2) во Лигата на шампиони. „Се радуваше дека ќе игра, како и секој друг играч. Тоа беше важен натпревар во Лигата на шампиони. Минатиот натпревар доби удар во стапалото, но се чувствуваше добро“, рече Артета. Сака му асистираше на Габриел Жезус при постигнувањето на голот на гостувањето во Ленс, но беше повлечен од игра во 34. минута поради повреда на мускулот. „(Повредата) не изгледа добро. Не знаеме повеќе детали, но доволно е што не можеше да го продолжи натпреварот и тоа не загрижува“, додаде стратегот на Арсенал.

Арсенал го продава Пепе

Бошко Тасиќ — Fri, 08 Sep 2023 05:04:10 +0000

Лондонски Арсенал сака да се ослободи од Николас Пепе и му порача на фудбалскиот репрезентативец на Брегот на Слоновата Коска дека повеќе нема да смета на него. Пепе во 2019 година пристигна во Арсенал како најскапо засилување во историјата за 80 милиони фунти. Тој никогаш не ги оправда очекувањата на Емирати и минатата сезона беше испратен на позајмица во Ница.

Сака повторно избран за најдобар англиски фудбалер

Ивона Петрова — Wed, 06 Sep 2023 09:29:25 +0000

Напаѓачот на Арсенал, Букајо Сака, втора година по ред е прогласен за најдобар англиски фудбалер, објави денеска Фудбалската федерација на Англија (ФА). Сака го понесе признанието за најдобар фудбалер во сезоната 2022/23 во избор на англиските навивачи, освојувајќи ја наградата пред играчот за врска Џад Белингам и напаѓачот Хари Кејн. Сака, кој за Англија дебитираше во октомври 2020 година, постигна седум голови на десет натпревари во последните 12 месеци во националниот дрес, вклучувајќи го и хет-трикот во триумфот над македонската репрезентација од 7-0 во јуни годинава. Неодамна Сака беше прогласен и за најдобар млад играч ма сезоната во Премиер лигата и се најде во идеалниот тим на годината во англиското првенство.

Арсенал во финишот со два гола го скрши Јунајтед

Ристе Здравков — Sun, 03 Sep 2023 18:03:49 +0000

Арсенал го доби драматичното дерби против Манчестер Јунајтед на „Емирати“ со 3:1 и стигна до третиот триумф во Премиерлигата оваа сезона. „Топчиите“ имаа фантастилен финиш и постигнаа два гола во судиското продолжение. Деклан Рајс во 96.минута постигна водечки гол за 2:1, а Габриел Жесус во 101.минута го потврди триумфот за тимот на Микел Артета. Манчестер Јунајтед поведе со голот на Маркус Рашфорд во 27.минута, но возврати Мартин Одегард само една минута подоцна. Долго двете екипи бараа втор гол, Букајо Сака имаше одлична шанса, но одбрани Андре Онана, а Гарначо постигна погодок, но не беше признат поради офсајд ситуација по разгледување на ВАР – снимката.

Тимбер од Арсенал во “аут“ најмалку шест месеци!

Бошко Тасиќ — Tue, 15 Aug 2023 03:56:58 +0000

Лоша вест доби Микел Артета во врска со повредата на Јуриен Тимбер, новото име во Арсенал кој требаше да биде еден главните играчи во новата сезона. Имено дефанзивецот кој дојде од Ајакс ова лето, има повреда на вкрстените лигаменти ќе биде во “аут“ најмалку шест месеци, барем така навестуваат медиумите на Островот. Да потсетиме дека Тимбер се повреди на мечот против Нотингем Форест во рамките на 1.коло во новата сезона во Премиерлигата.

Арсенал го победи Манчестер сити и го освои ФА Суперкупот

Тале Кристо — Sun, 06 Aug 2023 18:56:17 +0000

Арсенал попладнево го победи Манчестер сити со 1:1 во ФА Суперкупот на пенали со 4:1. Средбата се одржа во Лондон на стадионот „Вембли“. Резултатот го отвори играчот од средниот ред на „граѓаните“, Кол Палмер, кој погоди во 77. минута по додавањето на Кевин Де Брујне. Во 90+11 минута израмни напаѓачот на „топчиите“, Леандро Тросард, а асистираше Букајо Сака. Фудбалерите на Арсенал се покажаа попрецизни во пенал рулетот - 4:1. Арсенал по 17-ти пат во историјата го освои ФА Суперкупот. „Граѓаните“ минатата сезона ја комплетираа тројната круна, освојувајќи ја Премиер лигата, ФА Купот и Лигата на шампионите.

Арсенал без Габриел Жесус ќе ја започне новата сезона

Бошко Тасиќ — Thu, 03 Aug 2023 03:52:06 +0000

Тренерот на Арсенал Микел Артета ја потврди повредата на коленото на Габриел Жесус и рече дека напаѓачот ќе отсуствува неколку недели. Арсенал на 12. август го игра првиот натпревар од новата сезона во Премиерлигата, а дотогаш Габриел Жесус нема да биде опоравен. „Тој имаше мала процедура утринава, за жал повреден е. Имаше некаква нелагодност во коленото која му правеше проблеми, па мораше да се направи интервенција. Тој неколку недели ќе биде надвор од теренот“, потврди Артета.

Откриена статуа на Арсен Венгер пред стадионот на Арсенал

Ивана Ефремовски — Sat, 29 Jul 2023 09:33:21 +0000

Бронзена статуа на поранешниот тренер на Арсенал, Арсен Венгер (73), како го подигнува трофејот во Премиер лигата, е поставена пред клупскиот стадион во северен Лондон. Францускиот стратег остави голем печат на клупата на Арсенал, освојувајќи три англиски титули и седум трофеи во ФА купот, во периодот од октомври 1996 до мај 2018 година. Венгер го предводеше Арсенал на 1235 натпревари, а со лондонската екипа настапуваше 20 сезони во серија во Лигата на шампиони. Три и пол метри високата статуа со ликот на Венгер ја изработи Џим Гај и е пред трибината „North Bank“. Ова е петта статуа пред стадионот на Арсенал. Претходно статуи добија легендарните фудбалери на лондонскиот премиерлигаш – Тони Адамс, Денис Бергкамп, Герберт Чепмен, Кен Фрајр и Тиери Анри. (МИА)