арсим зеколи – Kurir.mk

Арсим Зеколи тврди дека Ахмети намерно го понижува СДСМ за да му помогне на ВМРО-ДПМНЕ

Ристе Здравков — Thu, 09 Mar 2023 14:57:26 +0000

Поранешниот амбасадор, актуелен политички аналитчар и колумнист, Арсим Зеколи изнесува вчудоневидувачко тврдење дека претседателот на ДУИ, Али Ахмети намерно го девалвира премиерот Димитар Ковачевски и неговата СДСМ бидејќи сака ВМРО-ДПМНЕ побрзо да дојде на власт. „Однесувањето на ДУИ е смислена стратегија“, ќе заклучи Зеколи „за да му помогне на ВМРО преку понижување на СДСМ“. Зеколи на крајот го изнесува и тврдењето дека партијата на Ковачевски – СДСМ е декласирана, дискретно најавувајќи забрзано нејзино тонење кон нерелавантност по примерот на социјал-демократската партија во Грција, ПАСОК.

Познати идентитетите на луѓето кои загинаа во пожарот во модуларната болница во Тетово

Ивана Ефремовски — Wed, 06 Oct 2021 11:47:28 +0000

Албанскиот „Тетова експрес“ објави список со имињата на 12 од 14 загинати пациенти во пожарот во модуларната болница во Тетово кој избувна на 8 септември годинава. Листата ја сподели колумнистот Арсим Зеколи.

Неслужбена листа на убиените во модуларната болница во Тетово, според стругалајм и тетоваекспрес. Недостасува името на 14-тата жртва. pic.twitter.com/2AsZlfxrqJ
— 𐔀𐔙𐔛𐔍𐔒 𐔣𐔈𐔏𐔖𐔑𐔍 (@ArsZek) October 5, 2021

Зеколи: Бихачка стана дом, легло, уточиште на лични пизми, инаети, лудила, преваранти, духовно заболени

Љупчо Цветаноски — Mon, 20 Jul 2020 10:40:47 +0000

Агонијата на Бихачка продолжува. Проектот на ширење смут и шизма кај Албанците пропадна, неславно. Сега се компензира со ширење шизма и смут кај Македонците, кај ВМРП. Кој исто така ќе пропадне, неславно. Ова во својата постизборна анализа го пишува политичкиот аналитичар Арсим Зеколи. Оваа бихачка структура е фатена во ужасен вртлог на пропаѓање од кое сака да се спаси преку сакатење на останатите – доскора кај Албанците, сега кај ВМРО. Веќе заборавиле како да освојат нешто, туку сè е ставено во функција на сеење на раздор за да дрпнат нешто од некого, да измамат, да копираат, плагијаризираат. Во тој процес, бихачка стана дом, легло, уточиште на лични пизми, инаети, лудила, преваранти, духовно заболени. Сите впрегнати да прават пакости на други – ниеден способен или заинтересиран да изгради нешто. Шизофренијата вперена против Ахмети предизборно, сега се компензира со патологијата на хистерија против Мицкоски. Сè во функција да се одвлече вниманието од единствениот поразен – Зоран Заев. Дури и да им успее деструктивноста вперена кон другите, оваа бихаќка нема да ја стекне љубовта и довербата на граѓаните. Ќе се влечка, ќе се гребе, ко луда баба во пењоар и влечки на улица ќе иде по луѓе врескајќи, плазејќи се и покажувајќи со прст. Се помалку ќе биде омразена, се повеќе – презирно сожалувана, пишува Зеколи.

Зеколи: Кој нормален очекувал од човек како Заев, кој си го мрази сопственото, родот свој, да го почитува туѓото?

Ивана Ефремовски — Fri, 10 Jul 2020 16:29:52 +0000

Аналитичарот Арсим Зеколи преку социјалните мрежи порачува дека Заев си го мрази сопственото, па од него не се очекува да го почитува туѓото. „Бидејќи одамна знам како Заев ги смета Албанците, одамна и чекам да го напишам ова: Што е изненадувачко во гнојот на Заев? Кој нормален очекувал од човек кој си го мрази сопственото, своето, родот свој, да го почитува туѓото?“ - праша тој на Твитер.

Бидејќи одамна знам како Заев ги смета Албанците, одамна и чекам да го напишам ова: Што е изненадувачко во гнојот на Заев? Кој нормален очекувал од човек кој си го мрази сопственото, своето, родот свој, да го почитува туѓото?
— ਅਰਸਿਮ ਜ਼ੇਕੋਲੀ (@ArsZek) July 10, 2020

Зеколи до СДСМ за Заев: Откачете го будалата пред да ве повлече во бунар

Ристе Здравков — Mon, 29 Jun 2020 14:35:04 +0000

Директен апел на екс дипломатот и политички аналитичар Арсим Зеколи до партијата на власт. “Ферски е да се каже навреме, за после да не биде ‘глумиме лудило’: СДСМ, со овој на чело изборот не ви е меѓу победа или пораз, туку меѓу чесна опозиција или ѓубриште на историја. Откачетете ја будалата пред да ве повлече во бунар”, пишува Зеколи по неколкуте гафови на Заев кој вчера рече дека Гоце Делчев се борел против слобода.

Ферски е да се каже навреме, за после да не биде 'глумиме лудило':
СДСМ, со овој на чело изборот не ви е меѓу победа или пораз, туку меѓу чесна опозиција или ѓубриште на историја. Откачетете ја будалата пред да ве повлече во бунар. — ਅਰਸਿਮ ਜ਼ੇਕੋਲੀ (@ArsZek) June 29, 2020

Зеколи: Зоран Заев ги загуби албанските гласови

Дарко Андоновски — Thu, 18 Jun 2020 20:17:31 +0000

Во 2016 година не се случи револуција на граѓанството во Македонија, туку социјална (р)еволуција на Албанците во Македонија. Фактите, непријатни за СДСМ и за ДУИ, се сосема јасни. Во 2016 година, не се сруши груевизмот (кој победи), туку двоецот Ахмети – Тачи. Примарните бенефициенти и профитери на таа (р)еволуција, губитниците СДСМ и Заев, беа и останаа само експлоататори на туѓата победа. Која и ден денес сакаат бесрамно да ја присвојат и врпегнат во теснопартиски наративи и покрај доскорешното шурување токму со Ахмети и тековната очајничка зависност од Тачи. Тоа е констатацијата. Следува елаборацијата, пишува аналитичарот Арсим Зеколи во својата најнова колумна за Дојче Веле. „Одредувањето на датумот за следните избори во Македонија беше дочекано во два спротиставени кампа, во кои етничкото е само прикритие за подлабоката шизма помеѓу квалитативното и квантитативното. Албанците во 2016 презедоа чекор напред, надвор од магичниот партиски круг. СДСМ тоа го разбра како шанса за сеење раздор во албаскиот кампус и јакнење на својот квантитативен, но не и квалитативен гласачки број. За разлика од нив, ДУИ тоа го разбра како порака од Албанците дека мора да се менуваат и се адаптираат на новите времиња. Но борбата за квалитет во албанскиот кампус не заврши во 2016 туку трае до денес, со чуднпресврти. Четири години подоцна, оние кои со својата појава (Села, Гаши) ја принудија ДУИ да се реформира и модернизира, денес воспаничено гледаат како ДУИ им го презема модернизмот, урбаниот слој на млади и воедно ја сочувува руралната доминација. Од друга страна, Заев и СДСМ зададени по имагинарни нереални албански бројки, немаат храброст да разберат дека со заминувањето на младата македонска интелектуална, современа и квалитетна структура од Бихаќа, тие стануваат неатрактивни за Албанците и квантитативно пожелни единствено за нивниот талог“, пишува тој во дел од својата колумна.

Зеколи: Се додека на чело на СДСМ се наоѓа човек со вокабулар „еден педер“…

Љупчо Цветаноски — Fri, 10 Apr 2020 08:33:29 +0000

-Се додека на чело на СДСМ се наоѓа човек со вокабулар „еден педер“, сите во и околу „Бихачка“ можат единствено да држат јазик зад заби, вели политичкиот аналитичар Арсим Зеколи, коментирајќи ги уцените на исламскиот поглавар Сулејман Реџепи, кој дрско се закани дека доколку ИВЗ не добие помош ќе ги повлече повиците за заштита од пандемијата.

Зеколи: Датумот од ЕУ нема да влијае на избори како што посакува СДСМ

Ивана Ефремовски — Fri, 06 Mar 2020 19:03:37 +0000

Датумот за отпочнување на преговори со ЕУ може да влијае врз изборите, но ни приближно толку колку што СДСМ посакува,рече Арсим Зеколи во емисијата „Само интервју“. -Тоа беше многу несреќна и бесмислена изјава, бидејќи тоа е нож со две оштрици. Ако недавањето датум е против Владата, тогаш од неговата логика испаѓа дека поддршката е смислена за да се даде поддршка на СДСМ. Не. Тоа е закажан термин во тој период и верувам дека сега ќе се даде некоја позитивна назнака од страна на ЕУ, но дали тоа се смета како завршен чин? Не, појасни Зеколи. Зеколи додаде дека пристапот на СДСМ и на ДУИ на форсирање и на пумпање на темата на ЕУ и НАТО е потрошена приказна кај граѓаните. -Кога секое депеше стигне од Брисел и го означувате како, еве стануваме членка на ЕУ, тоа трае до 3-ти телеграм. По 3-ти телеграм е видена приказна, истакна Зеколи. Зеколи образложи дека ако власта го става во контекстот секојдневно, тогаш истата власт ќе е виновна ако не се добие тоа што се посакува.

Зеколи: Вести од СДСМ треба да се земаат со сомнеж и памет за методот на лажни вести

Ивана Ефремовски — Wed, 19 Feb 2020 10:44:35 +0000

На Наќе „оставката” е потсетник дека вести од СДСМ треба да се земаат со сомнеж и памет за методот на лажни вести: агресија -> хистерија -> патетика, предупредува политичкиот аналитичар Арсим Зеколи. Тој го наведува и распоредот за тоа каква е стратегијата на СДСМ:

1. Пушти бомба „вест”. 2. Дигни галама. 3. По демантот, глуми маченик за правда.

Како пример ја наведе и веста за „Фантом гласачите“, лажните вести од СДСМ кои партијата ги пушташе од опозиција:

На Наќе "оставката" е потсетник дека вести од СДСМ треба да се земаат со сомнеж и памет за методот на лажни вести: агресија -> хистерија -> патетика. 1. Пушти бомба "вест". 2. Дигни галама. 3. По демантот, глуми маченик за правда. Пример: Фантом гласачиhttps://t.co/2JiPo2OSmD
— Arsim Zekolli (@ArsZek) February 19, 2020

Подоцна Зеколи се пошегува со нив и на „Твитер“ пушти „вест“ дека и Ахмети и Мицкоски поднеле оставки:

Зеколи: Не одложуваш избори туку поразот кој со вакви изјави сам си го најавуваш

Ивана Ефремовски — Mon, 03 Feb 2020 16:59:37 +0000

Политичкиот аналитичар Арсим Зеколи на Твитер оценува дека Заев бара причини за одложување на изборите. Прво беше НАТО и Шпанија. Сега е ЈО. Утре ќе биде дислокација на Чичко Стоилко како изговор за бегство од избори. На крај, не одложуваш избори туку поразот кој со вакви изјави сам си го најавуваш. "Заев: Ако нема закон за ЈО, парламентот нема да се руспушти" -напиша тој.

Прво беше НАТО и Шпанија. Сега е ЈО. Утре ќе биде дислокација на Чичко Стоилко како изговор за бегство од избори. На крај, не одложуваш избори туку поразот кој со вакви изјави сам си го најавуваш.
"Заев: Ако нема закон за ЈО, парламентот нема да се руспушти" — Arsim Zekolli (@ArsZek) February 3, 2020