Артета – Kurir.mk

Артета по поразот од Барнли: Арсенал целосно доминираше пред да биде исклучен Џака

Тале Кристо — Mon, 14 Dec 2020 07:46:21 +0000

Тренерот на Арсенал, Микел Артета се огласи по поразот (0:1) од Барнли синоќа во мечот 13. коло во Премиер лигата. – Ние целосно доминиравме од самиот почеток до исклучувањето на Гранит Џака. Создадовме шанси, притиснавме – расположението на играчите беше неверојатно. Игравме навистина добро. Тимот гори од желба и, веројатно, дури и премногу, бидејќи во клучните моменти ја преминавме границата и заработивме исклучување. Сакајќи премногу, мислам дека фудбалерите се неверојатно посветени на својата кауза, изјави Артета. Што се однесува до црвениот картон, знаеме дека ова е недозволиво. Во позиција во која се наоѓаме сега, ова е уште понеприфатливо. – Треба да постигнуваме голови. Тоа е она што ни недостасува, додаде предводникот на Арсенал на кого му се заканува отказ по слабите резултати во домашното првенство. Лондонци ги загубија последните четири натпревари на домашен терен во Премиер лигата – нешто што не се случило од декември 1959 година.

Артета: Арсенал во Премиер лигата не е толку опасен во нападот како во Лигата на Европа

Тале Кристо — Fri, 04 Dec 2020 12:58:24 +0000

Тренер на Арсенал, Микел Артета, по синоќешната победа над Рапид Виена (4:1) во Лигата на Европа направи компарација на играта на своите избраници во офанзивниот ред, на меѓународна и на домашна сцена. – Ние секогаш играме агресивно, но во Премиер лигата противниците се многу построги, па кога ќе направите грешка, мора да платите. Во Премиер лигата не сме толку страшни во нападот како во Лигата на Европа. Задоволен сум од многумина. Оние кои беа повредени и промашија многу, работеа многу напорно и драго ни е што се вратија во акција. Одлично е што Лаказет постигна гол, некои од играчите покажаа брилијантен фудбал, добро се покажаа и младите, истакна Артета. Арсенал во Лига Европа има максимални пет победи во Б-групата, додека во Премиер лигата е на 14. место по десет кола.

Артета разочаран по поразот од Лестер

Тале Кристо — Mon, 26 Oct 2020 09:34:41 +0000

Тренерот на Арсенал, Микел Артета не може да се помири со поразот од Лестер вчеравечер во 6. коло на англискиот шампионат против Лестер. – Многу сум разочаран, во првото полувреме сè беше во наши раце, и не знам како ни беше поништен нашиот гол. Тешко е да се создаде простор кога ривалот е со 10 луѓе во одбрана, но моравме подобро да го завршиме натпреварот. Кога станува збор за вакви натпревари, шансите не смее да се пропуштаат, потенцира Артета. Арсенал загуби од Лестер со 1:0 и пропушти можност да се пробие во горниот дел на табелата во Премиер лигата. „Топчиите“ се на 10.место со девет бода од шест натпревари.

Артета: Задоволен сум од Луиз и сакам тој да остане со нас

Тале Кристо — Wed, 17 Jun 2020 12:53:37 +0000

Тренерот на Арсенал, Микел Артета, зборуваше за неговата желба да го задржи во тимот дефанзивецот Давид Луиз. Претходно беше објавено дека договорот на 33-годишниот Бразилец истекува на 30 јуни и не се водат преговори за продолжување на соработката. – Јас сум навистина задоволен од Давид и сакам тој да остане со нас. Тој беше пример за поддршка на моите замисли кога дојдов во клубот, изјави Артета. Оваа сезона, Луиз има одиграно 32 натпревари на сите натпреварувања, во кои постигна два гола и направи една асистенција.

Шкодран Мустафи: Артета е како професор

Тале Кристо — Fri, 15 May 2020 13:20:23 +0000

Централниот дефанзивец на Арсенал, Шкодран Мустафи го окарактеризира тренерот на тимот Микел Артета како професор. Причината за ова е што во секој момент Шпанецот точно знае што сака од играчите. Германецот тврди дека научил многу нови работи од Артета, и покрај тоа што поранешниот играч од средниот ред за прв пат влезе во улогата на менаџер. – Тој е како професор. Тој точно знае каде сака играчите да ја контролираат топката и како да реагираат кога ќе ја загубат. Тој е многу посебен. Кога подавам, обично сум фокусиран на тоа каде треба да бидам ако изгубиме посед на топката, но тој сака и јас да придонесам офанзивно. Кога сте на 28 години и игравте во различни земји под различни тренери, мислите дека знаете сè. Но, тогаш тој се појави и научив работи што никогаш не сум ги знаел до моментот, рече Мустафи.