Артикот – Kurir.mk

ВИДЕО ОД КОЕ ЌЕ ВИ СЕ СКРШИ СРЦЕТО: Изнемоштена поларна мечка на Арктикот ги моли луѓето за помош (ВИДЕО)

Магдалена Андонова — Thu, 21 Jul 2022 11:32:53 +0000

Вознемирена поларна мечка се приближила до домовите на Арктикот за да побара помош од луѓето откако јазикот и се заглавил во конзерва. Неверојатното видео покажува како ова диво и опасно животно налик на дете ги моли луѓето за помош на северот на Русија, бидејќи не можела да јаде бидејќи јазикот и се заглавил во конзерва со кондензирано млеко. Мечката е снимена како се приближува до човек кој стои на тремот пред куќата. Човекот се обидел да ја извади конзервата од устата на мечката, но безуспешно. - Мечката беше толку мачена што ни пријде и ѝ ја турна муцката за да видиме дека јазикот и е заглавен. Сепак, било невозможно да му се помогне на животното без да се трауматизира. Затоа се откажавме - рекол човекот. Експертите велат дека поларните мечки речиси никогаш не би се приближиле до луѓето, но ова животно очигледно било очајно бидејќи било премногу гладно. Тим ветеринари од Москва бил испратен во село во северна Русија за да се обиде да ја спаси мечката, но поради лошите временски услови не можеле да стигнат до Диксон.

Бројот на белите мечки во Арктикот во пораст

Дарко Андоновски — Thu, 23 May 2019 08:21:03 +0000

Директорот на рускиот Институт за проблеми околу екологијата и еволуцијата „А.Н. Северцов” при Руската академија на науките, Вјачеслав Рожнов изјави дека бројот на белите мечки во Арктикот е стабилен, па можеби и дека е во пораст. – Тоа сепак се стручни проценки. Гледаме дека мечките се среќаваат сè почесто, па претпоставуваме дека нивниот број се зголемува. За податоците да бидат точни, сепак треба тие да бидат потврдени со инструменти, објасни Рожнов. За таа цел, според него, можно е да се користат и снимки од Вселената.

Артикот преплавен со пластика

Ивона Петрова — Wed, 14 Feb 2018 14:07:50 +0000

Во недопрените делови на норвешкиот Арктик се собира пластичен отпад. Истражувачите се загрижени поради огромната концентрација на микропластични делови и тврдат дека пластичен отпад има во секој дел од Арктикот. Поголемиот дел од отпадот е од фрлена опрема за риболов, а сопствениците на бродови наведуваат дека ќе поминат стотина години пред човештвото да се справи со последиците од непромислената употреба на морето како депонија. Научниците за време на истражувањата ги набљудуваа зоопланктоните, мекотелите, рибите, морските птици и цицачите. Но, резултатите од истражувањето покажуваат дека само во еден литар истопен арктички мраз се наоѓаат до 234 честички пластика, што е многу повеќе од во океаните. Причината за тоа е што пластиката се наоѓа на површината на морето, каде првично се формира мразот. Пластиката може да има исклучително негативно влијание врз морскиот живот кога ќе се истопи мразот и загадената вода стигне до морето. Еден од најзагрозените подрачја е Свалбард. Истражувањата спроведени во тоа подрачје во 70-тите години од минатиот век покажаа дека многу малку пластика пронашле во стомаците на морските животни. Но, анализата од 2013 година покажа дека во повеќе од 200 различни животински видови имало пластика во нивниот дигестивен систем. И другите видови животни, како ирвасите можат да настрадаат од пластиката. Тие најчесто се заплеткуваат во пластичниот отпад и угинуваат.