артилериски гранати – Kurir.mk

Две неексплодирани артилериски гранати пронајдени кај делчевско Габрово

Ивона Петрова — Sat, 25 Mar 2023 12:21:56 +0000

Две неексплодирани артилериски гранати пронајдени кај делчевското село Габрово. Првата граната е пронајдена околу 9:00 часот од страна на екипи на фирмата „Макс Инжинеринг“ кои работат на поставување на водоводната мрежа, а по извршениот увид од екипа на крим-техника од делчевската полиција, околу 10:30 часот пронајдена е и втората граната. -Пред два часа видов дека има железен предмет кој наликуваше на капсула, го извадовме полека и пријавивме до надлежните, за да ножеме да работиме, истакна Моне Тодоровски, работник во ангажираната фирма за ископ на околните шахти. Тој вели дека и порано има пронаоѓано вакви гранати. -Ова е трет пат како наоѓам вакво нешто. Како деца има м принајдено една со дрвена рачка исто и таа не беше експлодирана, исто така на старото пазариште имам најдено тркалезна германска граната, додава Тодоровски. Од страна на увидната екипа извршено е мерење на обемот и волуменот на гранатите, а местото каде се пронајдени се обезбедени. Апелот до жителите на Габрово е да внимаваат при движење на местото каде се пронајдени истите, а повеќе детали од полицијата за потеклото на гранатите најавија за наредниот период.

Бела куќа: Северна Кореја во тајност и испраќа на Русија „значителен број“ артилериски гранати

Тале Кристо — Wed, 02 Nov 2022 15:29:41 +0000

Белата куќа денеска соопшти дека Северна Кореја во тајност испраќа „значителен број“ артилериски гранати во Русија што се употребаат во инвазијата врз Украина. Портпаролот на Советот за национална безбедност на САД, Џон Кирби, изјави дека Северна Кореја „тајно испраќа артилериска муниција во Русија, но САД продолжуваат да ја следат ситуацијата за да утврдат дали пратките стигнуваат до Русија“. Кирби додаде дека САД веруваат дека Северна Кореја „се обидува да остави впечаток дека испраќа артилериски гранати во земјите на Блискиот Исток или Северна Африка“. Тој не даде конкретна проценка за количеството испратени гранати, но додаде дека пратките од Северна Кореја „нема да го променат текот на војната“. Белата куќа не прецизираше каков транспорт користела Северна Кореја за испраќање на гранатите во Русија, како и дали САД или други земји ќе се обидат да ги пресретнат пратките со гранати за Русија.

Гранати од Првата светска војна пронајдени под трибина на стадионот во Битола

Ивона Петрова — Tue, 27 Oct 2020 09:48:45 +0000

На 26.10.2020 во 10.50 часот било пријавено дека во Битола, при вршење на ископ кај старата трибина од стадионот под „Тумбе Кафе“, во правец кон старата касарна, биле пронајдени стари артилериски гранати калибар 75 мм од Првата светска војна, информира МВР. Од страна на Дирекцијата за заштита и спасување, подрачна единица Битола, истите биле безбедно подигнати за понатамошна постапка.