Артим Шакири – Kurir.mk

Шаќири официјално веќе не е тренер на Шкендија

Бошко Тасиќ — Mon, 05 Sep 2022 20:20:12 +0000

Фудбалскиот клуб Шкендија реши да се раздели со тренерот, Артим Шаќири.Лошиот старт на новата сезона во Првата македонска лига како и лошиот настап во Европа, се причината раководството на Шкендија да направи тренерска смена. „Клубот и тренерот сметаат дека прекинот на меѓусебната соработка во моментов најдобро можно решение и за двете страни. ФК Шкендија му се заблагодарува на Артим Шаќири за придонесот во периодот додека го водеше тимот и му посакува многу успеси во иднина“, стои во соопштението на Шкендија. Иако сезоната е на самиот почеток, во македонското првенство се сменети веќе тројца тренери, пред Шаќири отказ добија Седлоски од Шкупи и Стојчев од Академија Пандев.

Артим Шакири го наследи Акраповиќ на клупата на Шкендија

Катерина Бојаџиева — Tue, 05 Apr 2022 15:46:35 +0000

Поранешниот прославен македонски фудбалски репрезентативец Артим Шакири е назначен денеска за вршител на должноста тренер на Шкендија, ден откако актуелниот шампион ја раскина соработката со босанскиот стратег Бруно Акраповиќ. Како што е соопштено, Шакири ќе ја извршува тренерската должност до назначување на перманентно решение на чело на стручниот штаб, а на крајот на сезоната официјално ќе ја преземе функцијата спортски директор на Шкендија. Шакири како фудбалер беше дел од Шкендија во сезоната 2007/08, а веќе седеше на клупата на тетовскиот клуб во натпреварувачката сезона 2012/13. Шкендија вчера ја прекина соработката со Акраповиќ по неделното реми без голови на домашен терен против Борец, што клубот од Тетово го остави на второто место со 13 бодови заостанување зад лидерот Шкупи.

Поранешниот македонски репрезентативец Шакири нов тренер на швајцарски Шафхаузен

Ивона Петрова — Thu, 02 Sep 2021 10:53:24 +0000

Поранешниот долгогодишен македонски фудбалски репрезентативец Артим Шакири е назначен за нов тренер на Шафхаузен, објави швајцарскиот второлигаш на својот официјален сајт. Шакири (48) доаѓа на местото на поранешниот швајцарски репрезентативец Мурат Јакин, а Шафхаузен ќе биде петти клуб во неговата тренерска кариера по тетовска Шкендија, албанските Кукс и Фљамуртари и Пемброк од Малта. – Му посакуваме топло добредојде на Артим во Шафхаузен и многу радосни моменти и успех во неговиот нов дом, соопшти швајцарскиот клуб.