асфалтирање – Kurir.mk

ВНИМАВАЈТЕ: Делницата Велес – Градско е затворена за сообраќај поради асфалтирање

Дарко Андоновски — Tue, 19 Sep 2023 07:50:28 +0000

Делницата Велес - Градско поради асфалтирање е затворена за сообраќај од 18 до 23 септември. Автомотосојузот на Македонија информира дека делницата е затворена за сообраќај во периодот од 8 до 18 часот.

Поради асфалтирање изменет режим на сообраќајот на патот Делчево – с.Стамер

Ивана Ефремовски — Wed, 13 Sep 2023 06:36:35 +0000

Поради асфалтирање на патниот правец Преод - с.Стамер во периодот од 9 до 16 часот сообраќајот од Делчево кон с.Стамер ќе се одвива преку алтернативниот патен правец С.Град - С.Стамер. Од фирмата изведувач информираат дека ваквиот режим на сообраќај ќе трае се до компленто асфалтирање на оваа делница. Оваа делница како што претходно информираа од Општина Делчево ќе биде асфалтирана со вкупна должина на локалниот пат од 1,3 километри, односно од клучката од регионалниот пат Делчево-Берово до влезот на селото. Средствата за реконструкција на локалниот пат за село Стамер се обезбедени преку Министерството за транспорт и врско во износ од 5,1 милиони денари со вклучен ДДВ. Градежните работи ги изведува Стоименов ДООЕЛ Кочани. (МИА)

До 3 јуни затворена за сообраќај делницата Велес – Градско

Ивона Петрова — Wed, 31 May 2023 16:43:08 +0000

До 3 јуни 2023 на регионалниот пат 1102, делница Велес - Градско, од 08:00 до 16:00 часот ќе се врши асфалтирање поради што овој патен правец ќе биде целосно затворен за сообраќај, потсетува АМСМ. Според АМСМ, сообраќајот на државните патишта попладнево се одвива непречено, по наместа влажни коловози. Интензитетот на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ВНИМАВАЈТЕ – затворена за сообраќај е делницата Велес – Градско

Дарко Андоновски — Thu, 30 Mar 2023 10:56:22 +0000

АМСМ информира дека од денеска до 1 април, од 08:00 до 16:00 часот, ќе биде затворена за сообраќај делницата Велес - Градско (делот од с. Виничани до Винарија Стоби). Таа ќе биде затворена поради асфалтирање.

Утре и во четврток сообраќаен режим на улица „Тодор Александров“

Ивона Петрова — Tue, 06 Dec 2022 16:36:12 +0000

ЈП „Улици и патишта“ информира дека утре и во четврток од 8 до 12 часот екипи на претпријатието ќе ја асфалтираат улицата Тодор Алексадров. Поради изведба на градежните активности ќе биде воведен времен сообраќаен режим на двете коловозни ленти и обележана со соодветна сигнализација. -Во среда ќе бидат затворени коловозните ленти на потегот од ИЗИИС до Турската Амбасада, а во четврток на потегот од Турската Амбасада до кривната кај МВР. Апелираме до граѓаните за трпеливост во сообраќајот до завршување на градежните активности со цел побезбедно и непречено движење со новата асфалтирана површина на улицата, велат од претпријатието.

ФОТО: Финализира изградбата на паркинг на ул. Христо Татарчев” во Кисела Вода

Ивона Петрова — Tue, 04 Oct 2022 11:28:52 +0000

Завршуваат градежните активности на улицата “Христо Татарчев” во населбата Кисела Вода, каде Општина Кисела Вода инвестираше во изградба на паркинг простор. Градоначалникот Орце Ѓорѓиевски денес изврши увид во финализирањето на ова, ново решение за сообраќајот во мирување во општина Кисела Вода. -Со денешното асфалтирање го финализираме проектот со кој жителите на овој дел од општината добиваат нов паркинг простор на површина од околу 700m² и капацитет за 70-тина возила. Ова секако ќе го олесни живеењето и нормалното функционирање на граѓаните со адреса на улицата “Христо Татарчев”, како и на останатите кои ќе имаат потреба таму да се паркираат. Креирањето на нов модерен лик на Општина Кисела Вода подразбира решавање и на проблемот со недостиг од доволен број на паркинг места, на што интензивно работиме. Покрај овој проект, кој е во финална фаза, во изминатиот период, изградивме повеќе паркиралишта, како паркингот на улицата “Бранко Заревски” во населбата Драчево, каде се гради и уште еден, на улицата Коперникова. Нов паркинг простор се гради и на улицата “Ѓорѓи Димитров”, веднаш спроти ДУРДМОВ “Димитар Влахов”. Решение за сообраќајот во мирување добија и жителите на Бирарија, каде е изграден паркинг непосредно до градинката, како и граѓаните кои живеат во близина на бензиската станица кај Мечкаров. Во фаза на изградба е паркиралиштето во Расадник, а веќе е нарачан сообраќаен проект и за улицата “Иван Козаров”, изјави градоначалникот Ѓорѓиевски додавајќи дека Општина Кисела Вода ќе продолжи да изнаоѓа квалитетни решенија за намалување на метежот и подобрување на функционалноста на сообраќајот.

Асфалтиран крак 3 од улицата 81 во населено место Волково- продолжуваме со градежни активности за нови улици во населеното место Стопански Двор

Дарко Андоновски — Fri, 09 Sep 2022 08:36:00 +0000

Екипите на ЈП "Улици и патишта" по налог на Град Скопје денес го асфалтираат кракот 3 од улицата 81 во Волково. На вкупна површина од 840 метри квадратни се асфалтира кракот 3 од улицата 81 која е со должина од 240 метри и широчина од 3.50 метри. Изминативе денови беа изградени крак 1 и крак 2 од улицата 81 во вкупна површина од 1300 квадратни метри и со завршното асфалтирање на последниот крак од улицата 81, екипите се пренасочуваат со изградбата на нови улици во населеното место Стопански Двор. Од почетокот на оваа градежна акција, асфалтирани се улиците 46, 46А, 68, 4, 6 и 10 во населеното место Кисела Јабука, улиците 3, бб, 73, 21, 23, 77, улица 100 десен крак и крак 1 и крак 2 од улица 81 во населеното место Волково, како и улица 1 лев крак и улица 1 десен крак во населенoто место Ново Село.

Асфалтиран крак 2 од улица 81 во Волково општина Ѓорче Петров

Магдалена Андонова — Fri, 02 Sep 2022 08:59:41 +0000

По налог на Град Скопје, екипи на ЈП "Улици и патишта"-Скопје во текот на вчерашниот ден ја асфалтираа улицата 81 крак 2 во населеното место Волково во вкупна површина од 500 квадратни метри. Улицата е до должина од 150 метри и широчина од 3,30 метри. Екипите денес продолжуваат со активностите за изградба на последниот крак 3 од улица 81 во Волково, подготовка на теренот за асфалтирање, а потоа и на изградба на наредните улици кои се предвидени со утврдената динамика.

ОД 09 ДО 15 часот: Затворен за сообраќај патот преку Галичица до 12 септември

Ивона Петрова — Thu, 18 Aug 2022 05:24:38 +0000

Од денеска до 12 септември нема да се вози на патот Охрид - Ресен преку Галичица. Како што информира АМСМ, во наведениот период ќе се вршат градежни работи (асфалтирање) и сообраќајот ќе биде во прекин помеѓу 09:00 и 15:00 часот. Работите ќе се изведуваат само во работни денови.

Од 10 до 16 часот: Комплетно затворање на патот од брана Маврови Анови до ресторан Трница

Ивона Петрова — Tue, 14 Jun 2022 05:30:24 +0000

АМСМ информира дека согласно одобрението издадено од страна на Министерството за Транспорт и Врски, "ВИАДУКТ ТРЕЈД" ДООЕЛ Гостивар известува дека почнувајќи од денес 14.06.2022 година од 10 до 16 часот, во наредните 45 дена ќе се воспостави времен режим на сообраќај за фаза асфалтирање за објект Рехабилитација на Регионален пат Р1202, делница Маврови Анови - Жировница. Поточно, во овој период ќе има комплетно затворање на патот Маврови Анови - Жировница во делот од брана Маврови Анови до Ресторан Трница. Изведувањето на градежните активности ги изведува Друштво за градежништво Пелагонија АД, Гостивар.