Познато е која музичка ѕвезда ќе настапи на Супербоул

Ивана Ефремовски — Mon, 25 Sep 2023 17:29:55 +0000

Американската поп ѕвезда Ашер ќе настапи на полувремето на Супербоул, најгледаниот натпревар во НФЛ лигата, кој на 11 февруари идната година ќе се одржи во Лос Анџелес. Осумкратниот освојувач на наградата „Греми“ рече дека се радува на настапот на НФЛ спектаклот. -Ова е голема чест конечно да го симнам настапот на Супербоул од мојата листа на желби. Одвај чекам да му прикажам на светот шоу какво што досега од мене не е видено, порача Ашер. Најголемите американски ѕвезди традиционално настапуваат на полувреме на најважниот натпревар во НФЛ лигата во годината. Изминатиот февруари спектакуларен настап имаше Ријана која настапи во поодмината бременост, што беше и нејзин прв самостоен настап во последните седум години. На Супербоул претходно настапуваа и Мадона, Колдплеј, Бијонсе, Еминем, Мајкл Џексон и многу други познати музички имиња. (МИА)

Мегапопуларниот пејач прошета по Страдун зад Џеф Безос, но малкумина го забележаа

Ристе Здравков — Thu, 17 Aug 2023 18:43:26 +0000

И додека сите погледи на Страдун беа вперени во Џеф Безос, Лорен Санчез, Кети Пери и Орландо Блум, една светска ѕвезда која чекореше зад нив успеа да „падне“ во втор план. Станува збор за Ашер, кој исто така пристигна во Хрватска со јахтата на Безос вредна 500 милиони долари. Ашер уживаше во погледот на Дубровник и ги фотографираше и снимаше историските знаменитости. На неколку фотографии, се гледа пејачот во опуштена варијанта, во кошула со шарен дезен и бели панталони. Се чини дека деновиве во Дубровник има толку многу ѕвезди, поради што дури Ашер за момент остана незабележан. Џеф Безос пред Хрватска бил во Грција и Италија, а неговата суперјахта Кору, вредна 500 милиони долари моментално се наоѓа во близина на Дубровник. Пред неколку дена со него на јахтата беше и актерката Деми Мур. Не е познато дали и таа пристигнала во Хрватска. Двете ненаселени островчиња во близина на кои моментално е закотвен Безос, во 2016 година беа на продажба. 25 милиони долари годишно за одржување Јахтата што годинава ја презеде Безос е долга 127 метри, а има и потпорен брод долг 76 метри, на кој има и хелиодром. Може да прими 18 гости и екипаж до 40 луѓе. Вреди половина милијарда долари, а за годишно одржување на овој луксузен брод Безос ќе треба да издвои околу 25 милиони долари.

ашер – Kurir.mk

Познато е која музичка ѕвезда ќе настапи на Супербоул

Мегапопуларниот пејач прошета по Страдун зад Џеф Безос, но малкумина го забележаа