Асиа Биби – Kurir.mk

Асиа Биби сака да замине во Германија

Ивона Петрова — Sun, 11 Nov 2018 09:32:52 +0000

Пакистанската христијанка Асиа Биби, која беше ослободена од смртна казна, сака да го напушти Пакистан и да замине за Германија, изјави нејзиниот адвокат Сајфул Малук за весникот „Билд ам зонтаг“. – Биби би се радувала ако може да замине за Германија со своето семејство, рече Малук кој стравувајќи за својата безбедност го напушти Пакистан и отиде во Холандија. „Билд ам Зонтаг“ цитира претставници на германското Министерство за надворешни работи кои изјавиле дека се водат преговори со пакистанските власти да и овозможи на Биби и на нејзиното семејство да ја напуштат земјата. Сопругот на Биби претходно побара азил за семејството во САД, Велика Британија и Канада. До сега неколку европски земји му понудија азил на семејството Биби, но сите се многу внимателни затоа што стравуваат од реакции против нивните дипломати во Пакистан. Властите во Исламабад сепак соопштија дека Биби не може да го напушти Пакистан затоа што е поднесена петиција за ревидирање на судската одлука, која ја организирал адвокат радикален исламист. Биби во средата беше ослободена од затвор, и во моментов е на безбедна локација во Пакистан. Според некои извори, таа се наоѓа во Исламабад. Асиа Биби, неписмена мајка на пет деца, беше во затвор осум години откако беше осудена на смрт поради навреда на исламскиот пророк. Пакистанскиот Врховен суд неодамна ја ослободи Асиа што предизвика големи протести што ги организираа тврдокорни исламистички групи кои бараат таа јавно да биде обесена. Биби, 51-годишна жена земјоделец, беше обвинета за богохулење по несогласување со нејзини колеги муслимански работници околу вода за пиење. Биби наводно го навредила пророкот Мухамед откако нејзините колеги, со кои берела бобинки, одбиле да пијат од водата што таа ја носела, тврдејќи дека е валкана затоа што е христијанка. Тие потоа ја обвинија дека го навредила пророкот Мухамед, обвинение кое таа го негираше. Но, сепак, во 2010 година Биби беше обвинета и осудена на смрт. МИА

Франција е подготвена да ја прими Асиа Биби

Ивона Петрова — Fri, 09 Nov 2018 07:41:02 +0000

Франција е подготвена да ја прими Пакистанката Асиа Биби, која Врховнииот суд во нејзината земја ја ослободи од смртна пресуда за богохулење, ако таа го сака тоа, соопшти француското Министерство за надворешни работи. – Ги преземавме неопходните чекори кај пакистанските власти, за да може таа да дојде во Франција доколку тоа е нејзина желба и желба на нејзиното семејство, изјави претставничка на Министерството. Франција во својата Амбасада во Исламабад го прими и адвокатот на Биби, Сајфул Мулок пред да отпатува во Холандија што беше негова желба. Биби во средата беше ослободена од затвор, и во моментов е на безбедна локација во Пакистан. Според некои извори, таа се наоѓа во Исламабад. Асиа Биби, неписмена мајка на пет деца, беше во затвор осум години откако беше осудена на смрт поради навреда на исламскиот пророк. Пакистанскиот Врховен суд неодамна ја ослободи Асиа што предизвика големи протести што ги организираа тврдокорни исламистички групи кои бараат таа јавно да биде обесена. Биби, 51-годишна жена земјоделец, беше обвинета за богохулење по несогласување со нејзини колеги муслимански работници околу вода за пиење. Биби наводно го навредила пророкот Мухамед откако нејзините колеги, со кои берела бобинки, одбиле да пијат од водата што таа ја носела, тврдејќи дека е валкана затоа што е христијанка. Тие потоа ја обвинија дека го навредила пророкот Мухамед, обвинение кое таа го негираше. Но, сепак, во 2010 година Биби беше обвинета и осудена на смрт. Сопругот на Биби минатата недела побара азил за семејството во САД, Велика Британија и Канада. До сега неколку европски земји му понудија азил на семејството Биби, но сите се многу внимателни затоа што стравуваат од реакции против нивните дипломати во Пакистан. Властите сепак соопштија дека Биби не може да го напушти Пакистан затоа што е поднесена петиција за ревидирање на судската одлука, која ја организирал адвокат радикален исламист. МИА

Асиа Биби преместена во Исламабад

Ивона Петрова — Thu, 08 Nov 2018 07:21:55 +0000

Пакистанската христијанка Асиа Биби, која пакистанскиот Врховен суд неодамна ја ослободи од смртна казна за богохулење, синоќа била префрлена на непозната локација во Исламабад поради безбедносни причини. Ова го соопштија двајца високи владини претстaвници. Во услови на строги мерки за безбедност, Биби заминала од затворот во провинцијата Пенџаб, каде беше до вчера, и со авион била префрлена во Исламабад. Според други извори, Биби е префрлена на непозната локација. Патиштата кон аеродромот, од каде што отпатувала, ги обезбедувале војници. Минатиот месец пакистанските власти соопштија дека уапсиле двајца затвореници за кои постоело сомневање дека заговарале да ја задушат, а од тогаш во затворот во Пенџаб биле распоредени дополнителни војници и полицајци. Асиа Биби, неписмена мајка на пет деца, беше во затвор осум години откако беше осудена на смрт поради навреда на исламскиот пророк. Пакистанскиот Врховен суд неодамна ја ослободи Асиа што предизвика големи протести што ги организираа тврдокорни исламистички групи кои бараат таа јавно да биде обесена. Вицепремиерот и министер за внатрешни работи Матео Салвини вчера изјави дека ќе направи „сè што е човечки можно“ за да обезбеди сигурност на Биби во неговата земја или во други европски земји. И други западни земји му понудија азил на семејството Биби, но сите се многу внимателни затоа што стравуваат од реакции против нивните дипломати во Пакистан. Властите потоа соопштија дека Биби не може да го напушти Пакистан затоа што е поднесена петиција за ревидирање на судската одлука, која ја организирал адвокат радикален исламист. Биби, 51-годишна жена земјоделец, беше обвинета за богохулење по несогласување со нејзини колеги муслимански работници околу вода за пиење. Биби наводно го навредила пророкот Мухамед откако нејзините колеги, со кои берела бобинки, одбиле да пијат од водата што таа ја носела, тврдејќи дека е валкана затоа што е христијанка. Тие потоа ја обвинија дека го навредила пророкот Мухамед, обвинение кое таа го негираше. Но, сепак, во 2010 година Биби беше обвинета и осудена на смрт. Нејзиниот случај предизвика големо внимание во западните земји, па дури и папата Бенедикт Шеснаесетти повика за нејзино ослободување. МИА

Белгија размислува да и даде азил на Асиа Биби

Ристе Здравков — Mon, 05 Nov 2018 15:37:55 +0000

Белгиските власти размислуваат за можноста да и доделат азил на Асиа Биби, христијанската Пакистанка осудена на смрт поради бласфемија во 2010 и која беше ослободена минатата среда по одлука на Врховниот Суд во Исламабад. По одлуката за нејзиното ослобдување, во Пакистан не престануваат протестите на исламистите. Целта на исламистичките групи во оваа земја е да добијат повторна смртна пресуда за Биби. Ситуацијата е толку неподнослива, според нејзината фамилија, што сопругот на Биби побара од САД и од Велика Британија да им доделат азил и да им помогнат да ја напуштат земјата. Според белгиските медиуми, државниот секретар за азил, Тео Франкен, ја разгледува можноста да и се одобри азил на Асиа Биби во Белгија. Барањето прво беше сугерирано од страна на белгискиот парламентарец, Петер Лујкс. Министерот за надворешни работи на Белгија Дидие Рејндерс изјави дека не се противи на ваква можност, но дека одлуката треба да ја донесе Франкен. Од неговиот кабинет денеска велат дека „мирно го разгледуваат досието“ и чекаат да видат како ќе се развива.