асимптоматски случаи – Kurir.mk

Масовно тестирање во Италија откри 3.180 асимптоматски случаи на коронавирусот

Дарко Андоновски — Mon, 23 Nov 2020 14:36:16 +0000

Северната италијанска провинција Алто Адиџе тестираше повеќе од 350.000 жители за три дена, со цел откривање на асимптоматски случаи, односно лица заразени со Ковид-19 кои немаат никакви симптоми. Според „Раи њуз 24“ при тестирањето откриени се 3.180 лица кои се заразени со коронавирусот, но не покажуваат никакви знаци на инфекција. Заразените ќе бидат ставени во домашен карантин. Претседателот на регионот, Арно Компачер рече дека на овој начин, регионот спречил нови 90.000 заразени лица, што сигурно ќе се случело ако асимптоматските не биле однапред откриени и ставени во изолација. Алто Адиџе е провинција позната како многу популарен скијачки центар. Италијанскиот министер за здравство Роберто Сперанца претходно изјави дека зимските спортови годинава ќе зависат од епидемиолошката состојба.

Една четвртина од заболените со Ковид-19 немале никакви симптоми

Ивона Петрова — Fri, 25 Sep 2020 08:36:38 +0000

Една четвртина, или 4.321 од дијагностицираните лица со вирусот Ковид-19 немаат симптоми. Според податоците на Институтот за јавно здравје најчестиот симптом е температура, која ја имале 65,6 од заразените. 42,9 проценти почувствувале малаксаност, 38,6 отсто кашлица, 15,4 проценти главоболка, 14,9 болка во грлото, ослабено чувство на мирис или вкус се јавиле кај 11,7 проценти од заразените.

Како да откриете дали сте асимптоматски преносител на коронавирус

Ристе Здравков — Sat, 25 Jul 2020 11:03:20 +0000

Некои луѓе страдаат од коронавирус а дури и не го знаат тоа. Сега е јасно дека тие се асимптоматски носители на инфекцијата и се многу поопасни за околината затоа што воопшто не се сомневаат дека мора да ги штитат луѓето околу нив. Научниците веќе ги откриле симптомите преку кои можете да кажете дека сте заразени со коронавирус, без да имате температура и кашлица. Според експертите, 20% од луѓето на планетата не знаат дека имаат Ковид-19, туку едноставно ја шират инфекцијата секој ден. Научниците открија дека постојат три знаци кои ќе ви помогнат да откриете дали навистина не сте заразени од Ковид-19. Треба да обрнете внимание на следниве симптоми: – Губење мирис – Благ конјунктивитис – Болки во стомакот Овие се трите главни знаци што ги имаат сите асимптоматски носители на коронавирус. Со нив доаѓа постојаното чувство на замор. За ваша безбедност и за безбедност на другите, најдобрата опција е да носите маска, особено кога разговарате со некого или во затворен простор или во јавен превоз. Користете средства за дезинфекција и држете ја социјалната дистанца, барем колку што е можно повеќе. Извор: jenata.blitz.bg Фото: dw.com

Шпанија со шокантни податоци: Се повеќе млади позитивни на Ковид-19, 50 проценти од лицата се асимптоматски

Ивона Петрова — Thu, 23 Jul 2020 11:12:22 +0000

Според истражувањата на шпанскиот Институт за здравје Карлос Трети, 49.6 отсто од лицата позитивни на Ковид-19 се асимптоматски, додека 40 проценти од пациентите се под 40-годишна возраст. Се поголем број млади луѓе се позитивни на новиот коронавирус во Шпанија, а според истражувањето најголем број од пациентите се на возраст од 15 и 29 години. Во април просечната старост на пациенти позитивни на Ковид-19 во Шпанија беше 60, но според најновите податоци просекот е 48 години. Симптомите на новиот коронавирус кај 55 отсто од Шпанците се водат како асимптоматски. Исто така истражувањето покажа дека 37 отсто од заболените лица не знаат каде се инфицирале, а 25 проценти се инфицирани дома, 12.1 отсто во социјални институции, 11.1 проценти на работа и 6.1 отсто се инфицирале во здравствените центри. Податоците варираат од регион во регион, на пример во Каталонија 74.4 отсто од луѓето не знаат дека биле во контакт со лице позитивно на Ковид-19, додека во Баскија 11.9 проценти од луѓето не знаеле дека се во контакт со заболено лице.

Повеќе од 50 отсто од заразените со коронавирус во Русија не покажуваат никакви симптоми

Ивона Петрова — Thu, 18 Jun 2020 05:41:49 +0000

Повеќе од 50 проценти од руските граѓани заразени со коронавирусот не покажуваат никакви симптоми, изјави Ана Попова, раководител на руската Федерална служба за мониторинг на правата на потрошувачите и благосостојба на човекот. -Доколку зборуваме за асимптоматски пациенти, понекогаш и до 60 проценти се такви, но во целина, статистиката зборува за 50 проценти од откриените заразени, кажа Попова во телевизиско интервју. Таа додаде дека ова е многу добар показател за земјата, бидејќи тоа значи активно откривање на случаите.

Бројот на асимптоматски случаи секојдневно расте, откриени 50 новозаболени лица без симптоми

Ивона Петрова — Fri, 05 Jun 2020 08:35:35 +0000

Со новиот бран на коронавирус во Македонија се зголеми и бројот на лица кои се позитивни на вирусот, но немаат симптоми. Податоците од Институтот за јавно здравје велат дека за 24 часа, бројот на асимптоматски случаи во земјава е зголемен за 48 лица. До 1. јуни во Македонија биле регистрирани вкупно 791 случај на коронавирус кај лица кои немале симптоми на вирусот. Веќе следниот ден, на 2-ри јуни, вкупниот број на асимптоматски случаи на Ковид-19 изнесува 830 лица. Податоците објавени вчера, а кои се однесуваат за состојбата во Македонија со коронавирус за 3-ти јуни, говорат дека во земјава има 878 лица кои се позитивни на вирусот, а немаат симптоми.

За едно деноноќие нови 39 асимптоматски случаи во Македонија

Ивона Петрова — Thu, 04 Jun 2020 07:44:32 +0000

Со новиот бран на коронавирус во Македонија се зголеми и бројот на лица кои се позитивни на вирусот, но немаат симптоми. Податоците велат дека за 24 часа, бројот на асимптоматски случаи во земјава е зголемен за 39 лица. До 1. јуни во Македонија биле регистрирани вкупно 791 случај на коронавирус кај лица кои немале симптоми на вирусот. Веќе следниот ден, на 2-ри јуни, вкупниот број на асимптоматски случаи на Ковид-19 изнесува 830 лица.