АСМЛ – Kurir.mk

АСМЛ: Наместо да се смислат решенија за одмор на медицинскиот персонал, ќе се наградат оние кои седеа дома

Ивона Петрова — Thu, 10 Jun 2021 12:00:41 +0000

Асоцијацијата на специјализанти и млади лекари реагира на информацијата за регресот за годишен одмор на администрацијата. -Наместо да се смислат решенија за одмор на медицинскиот персонал кој беше во први борбени редови цела година, ќе се наградат оние кои седеа дома. Не дека немаше такви и меѓу нашите колеги, ама приоритетот мора да се знае. Платете одмор на медицинските работници и останатите во здравството кои работеа со Ковид пациенти, порачаа од АСМЛ. Вработените во јавната администрација кои од лани во март до пред неколку недели не одеа на работа поради мерките за заштита од ковид-19, сепак ќе добијат регрес за годишен одмор, К-15. Премиерот Зоран Заев одговарајќи на новинарско прашање дали е соодветно да се дава К-15 на администрацијата што не одеше на работа, во време кога приватниот сектор се соочува со тешкотии во работењето и намалени плати, рече дека регресот мора и треба да се исплати оти тоа е предвидено со колективните договори од 2019. -Имаа разбирање за одлагање на ова мерка во 2020 бидејќи кога требаше да почне исплатата почна третиот бран на коронавирусот и беше несоодветно регресот да се исплати во време кога приватниот сектор оди со рационализација. Оваа година одлучивме да се исплати и треба да се исплати, сме го ветиле и не само што сме го ветиле потпишан е договор. Затоа се алоцирани дополнителни 230 милиони денари за оваа намена, рече Заев.

АСМЛ: Срамота е да нема разработен акционен план, во нормална држава вакцинацијата ќе почнеше 1 час по пристигнувањето на вакцините!

Тале Кристо — Sun, 28 Mar 2021 17:31:03 +0000

Несериозно е најавениот процес на масовна вакцинација да започне во среда. Во нормална држава ќе започнеше во 09:00 денеска, 1 час од кога со помпа беа пречекани вакцините, реагираат од Асоцијацијата на специјализанти и млади лекари-АСМЛ. Срамота е да нема разработен акционен план, посебно што се знаеше кога ќе дојдат вакцините. Апелираме цело време за јасен и транспарентен акционен план. За јасна комуникација и лесно закажување за пациентите. Срамота е што само за еден викенд има повеќе вакцинирани македонци во Србија отколку што со донираните вакцини кај нас се успеа за скоро 1,5 месец. Срамота е што сеуште цела Македонија се вакцинира во Скопје. Побарајте помош, тука сме, велат во својата реакција од АСМЛ.

Уште еден доктор жртва на коронавирус, почина д-р Вангел од Крушево

Ивона Петрова — Sat, 05 Dec 2020 15:09:07 +0000

Асоцијацијата на специјализанти и млади лекари на Фејсбук информира дека уште еден доктор го загубил животот како последица Ковид-19. -Уште една жртва доктор. Нека почива во мир нашиот колега од Крушево, д-р Вангел. Сочувство и добро здравје до семејството, информираат од АСМЛ.

АСМЛ до Филипче: Осигурување и плата, се друго е експлоатација и жртвување на младите лекари

Ивона Петрова — Wed, 18 Nov 2020 11:00:20 +0000

Аосцијацијата на специјализанти и млади лекари реагира по објавата од Министерството за здравство дека министерот Венко Филипче е во преговори со претставници на млади лекари за ангажман. -Како лекар и како министер најмалку што можете е да се изборите да имаат здравствено и социјално осигурување, плата и додатоци за дежурство. Се друго е само експлоатација и жртвување на младите колеги. Доста е веќе е бесплатна и ризична работа, велат од АСМЛ. Од Министерството денеска соопштија дека министерот утрово се сретнал со триесетина млади лекари кои се на приватна специјализација на клиниките за нефрологија, гастроентерохепатологија, дерматовенерологија, неврологија, Клиниката за уво нос и грло и Кожната клиника кои сакаат доброволно да се приклучат во работата во ковид центрите на овие клиники. -Како министер за здравство и како лекар ценам што покажавте желба и спремност да се влучите во работата во ковид центрите сега кога за тоа има голема потреба. Во тешки времиња се покажуваат желбата и спремноста на луѓето и тоа е за почит – рече министерот Филипче. Во тек на денот ќе се направи распоред за ротација на сите млади лекари и ќе бидат вклучени во работата во ковид центрите. Министерот потоа оствари средба и со претставници на млади лиценцирани лекари со кои исто разговараше за нивен ангажман во здравствените установи низ цела држава. До крајот на неделата треба да се допрецизираат условите на оваа група лекари за нивно приклучување во работата во ковид одделенијата и болниците низ државата.

АСМЛ во целост ги поддржува колегите во нивното барање за отпочнување на ветената 6-месечна платена пракса

Ивана Ефремовски — Thu, 06 Feb 2020 19:21:11 +0000

Асоцијација на специјализанти и млади лекари-АСМЛ во целост ги поддржува колегите во нивното барање за отпочнување на ветената 6-месечна платена пракса. „Млади лекари со лиценца за работа, веќе скоро втор месец чекаат на отпочнување на шест месечната платена пракса. Истата е предвидена со закон и е услов за запишување на специјализација. Колегите ги имаат уредно доставени сите потребно документи, а официјален став за отпочнување на истата нема! Овој допис е поддржан од 60+ млади лекари кои се директно засегнати од проблемот, и уште многу кои ќе бидат засегнати во наредните месеци. Овие млади лекари моментално се без работа и заблуда за својата професионална иднина. Тие се сериозна бројка на млади лекари кои вeќе размислуваат за иселување од државата! Дополнителен проблем е правната дилема дали овие млади лекари ќе можат да потпишуваат договори после 12-ти Февруари? Итно очекуваме официјален став од МЗ и временска рамка за отпочнување“- се наведува во нивното соопштение.