Сарафимов: Нема покачување на цената на месото, оти житото е со ниска цена

Ивана Ефремовски — Fri, 18 Aug 2023 13:06:18 +0000

Цената на месото нема да се зголеми, дециден е потпретседателот на Асоцијација на земјоделци, Гоце Сарафимов, кој воедно е и еден од поголемите производители на месо во штипско-карбинскиот регион. Тој денеска посочи дека токму ниската цена на јачменот и пченицата оваа година ќе ја одржи иста цената на месото. Според него, житото годинава бележи намалување на цените и нема оправдана причина поради која би се зголемила цената на месото. - Нема да има покачување на месото оти житарицата беше евтина, дури цената е намалена од ланската година. Месните индустрии сакаат да покачат како и млечната, а цената на млекотопроизводителите го намалија, од 35 на 30 денари, вели Сарафимов. Со цена од 140 денари жива мера производителите на месо, односно фармерите се задволни од цената која во овој момент е повеќе од реална, додава Серафимов. Цената на јачменот оваа година беше девет денари, а потоа падна уште повеќе на осум денари за килограм. Земјоделците се жалеа на проблемот дека никој не го откупува житото. (МИА)

Асоцијација на земјоделците: Се очекува поголемо производство на пченица, треба да се намали зависноста од увозот

Катерина Бојаџиева — Sun, 05 Mar 2023 10:30:04 +0000

За преку 1000 хектарти се поголеми површините со пченица и се очекува зголемено производство на лебното зрно од околу 30 000 тони. Според оценките на Асоцијацијата на земјоделци на Македонија, со перманентно зголемување и на површините и на производството, реален е стремежот кон домашната пченица и да се намали влијанието од увозот. Горан Томески, агроном од Агенцијата за поддршка на земјоделското производство потврдува дека за 10 до 15 насто се зголемени површините со пченица во Прилепско. - Зголемени се површините, есенскиот род е во добра состојба и ако во мај и јуни се погодни временските услови, производството очекувано ќе се зголеми, вели Томески. Перо Стојкоски, претседател на Асоцијацијата на земјоделци на Македонија оценува дека на ланското произиводство од околу 250 000 тони се очекува зголемен род. Голема улога има интервентниот фонд на Министерството за земјоделство. -Во 2021 и 2022 година, според моите сознанија, во земјава имаше посеано 75 000 хектари со пченица. Оваа година имаме зголемување на површините под пченица со 1000 хектари повеќе. И очекуваме зголемено производство за 30 000 тони. Секако, освен земјоделските политики, ќе влијаат и временските услови. Интервентниот фонд на Министерството за земјоделство ги зголеми интересот и сигурноста на земјоделците за производството на лебното зрно, вели Стојкоски. Сѐ уште мора да увезуваме, но се стремиме кон сопствено производство. Неопходна е перманентната државна поддршка за рентабилност. -Имаме капацитети за производство и можеме повеќе да произведуваме, ама без загуби. Тука е улогата на државата да нѐ поддржува. Ако имаме производство од околу 250 000 тони и годинава се произведат уште 30 000 тони, според бројот на хектари засеани со пченица, ќе ни бидат потребни да покриеме уште 20 насто од потребите. Но, во секој случај, состојбите со производство на пченица и на леб се уредуваат во договор со државата, вели Стојкоски. И откупувачите и земјоделците во амбарите чуваат околу 10 000 тони пченица очекувајќи подобра цена, но сѐ зависи од берзите. -Откупот на пченицата секогаш бил според берзанските цени. А во моментов берзанската цена на пченицата е од 16 до 17 денари. Оние што ја чуваат пченицата во амарите го носат и ризикот, вели Перо Стојкоски, претседател на Асоцијацијата на земјоделци на Македонија.

Асоцијација на земјоделци – Kurir.mk

Сарафимов: Нема покачување на цената на месото, оти житото е со ниска цена

Асоцијација на земјоделците: Се очекува поголемо производство на пченица, треба да се намали зависноста од увозот