аспирин – Kurir.mk

Природен аспирин: Овие јаткасти плодови ќе ве ослободат од главоболката

Ивана Ефремовски — Thu, 15 Sep 2022 18:47:52 +0000

Неиздржливиот притисок во главата можете да го решите со аспирин, но не заборавајте дека тој е синтетички производ кој може да му наштети на вашиот организам. Главната состојка во аспиринот е салицин, кој смирува болки, но кој исто така може да се најде и во jaткастите плодови. Дланка полна бадеми може да биде вашиот природен аспирин, која на некој начин дури има и поголем ефект од овој лек, а нема несакани дејства кои можат да му наштетат на вашиот организам. Главоболката обично се појавува во страничниот дел од главата, а тоа предизвикува намалена концентрација, раздразливост и умор. Најчестите причини за главоболките се обично стрес, напнатост, грип, воспаление на синусите како и проблеми со дигестивниот систем. Експертите велат дека оваа непријатна состојба треба да се третира како симптом, а не како болест. Доколку главоболката не ви се смирува, обидете се да се опуштите, медитирајте, туширајте се и не заборавајте на бадемите – тие можат да ви бидат од огромна корист. 10-тина до 12 бадеми на ден ги намалуваат и спречуваат главоболките, па доколку редовно ги консумирате има големи шанси засекогаш да се збогувате со оваа непријатна состојба. извор: thehealthystation.com

Во машината ставете аспирин, облеката ќе ви биде бела и чиста

Ивана Ефремовски — Mon, 05 Sep 2022 13:57:18 +0000

Кога еднаш ќе дознаете зошто ставањето на аспирин во Вашата машина за перење алишта е препорачливо, ќе останете навистина изненадени. Овој совет ќе Ви помогне околу перењето на бели алишта, а ќе воочите дека оваа таблета може да се натпреварува со индустриските средства за отстранување на флеки и белеење. Наполнете сад со 3 литри врела вода и растворете 5-6 таблети аспирин. Најдобриот начин е да ги здробите за да се растворат побрзо. Ставете ја белата облека во водата и оставете да седи потопена во вода цела ноќ. Другиот ден, ставете ја облеката во машина за перење алишта заедно со неколку таблети аспирин за да добиете оригинална бела боја. Доколку ги следите овие чекори, резултатите ќе Ве воодушеват. Ќе воочите дека овој трик е поефектен од комерцијалните средства за отстранување на флеки или за белеење, бидејќи на овој начин нема да ја оштетите облеката.

Мазни петици се сон на секоја жена: Со оваа домашна маска, сонот ќе ви се исполни

Ивана Ефремовски — Fri, 03 Jun 2022 17:48:55 +0000

Сувите петици се проблем на многу жени. Колку и да ги негуваме стапалата и редовно да правиме педикир, речиси никогаш не сме задоволни од ефектот. Мазни петици се сон на секоја жена. Оваа маска која можете да си ја направите во домашни услови е вистински рецепт за тоа. Еве го рецептот : -Истолчете еден аспирин. -Додадете една кесичка лимонска киселина. -Додадете малку топла вода и измешајте ја смесата. -Намачкајте ги петиците, ставете најлони на нозете и облечете чорапи. -Оставете да делува 15 минути. Потоа, излупете ја смесата, а мртвата кожа сама ќе испадне со неа. - Намачкајте крема за стапала.

Луѓето над 60 години не треба да пијат аспирин, велат американски експерти

Ивана Ефремовски — Wed, 13 Oct 2021 13:02:38 +0000

Луѓето над 60 години не треба да земаат аспирин за да спречат срцеви заболувања и мозочен удар, објави во вторникот работната група на САД за превентивни активности. Во соопштението се наведува дека независен панел експерти предупредил дека употребата на аспирин може да предизвика штета. -Најсериозната потенцијална штета е крварење во желудникот, цревата и мозокот. Шансата за крварење се зголемува со возраста и може да биде опасна по живот, се вели во соопштението. Во Соединетите држави, приближно еден од три смртни случаи е резултат на срцеви заболувања и мозочен удар. -Сега се препорачува луѓето кога ќе наполнат 60 години да не размислуваат да почнат да земаат аспирин, бидејќи ризикот од крварење ги поништува придобивките од спречување на срцеви заболувања,се вели во соопштението. Луѓето на возраст меѓу 40 и 59 години, кои се изложени на поголем ризик од кардиоваскуларни заболувања или имаат историја на кардиоваскуларни заболувања, исто така се предупредени да одлучат со своите лекари дали ќе почнат да земаат аспирин. Освен што ја ублажува болката, ја намалува температурата и го намалува воспалението, аспиринот може да спречи формирање на згрутчување на крвта.

Жените кои не можат да забременат треба да пијат аспирин, еве зошто овој совет го даваат докторите

Ивана Ефремовски — Tue, 18 May 2021 10:21:31 +0000

Се почесто гинеколозите препорачуваат жените кои што подолго време се соочуваат со неможност да зачнат, да почнат со секојдневна употреба на аспирин во мали дози. Се смета дека аспиринот во доза не поголема од 100 мг во текот на денот може да помогне во процесот на забременување поради тоа што аспиринот делува врз поттикнувањето на циркулацијата на крвта во телото и ја успорува коагулацијата, па затоа матката се здобива со поголема количина крв и се здебелува што ја прави имплантацијата на оплодената јајце клетка полесна. Исто така аспиринот може позитивно да влијае врз јајниците, стимулирајќи го создавањето на квалитетни фотикули што може да доведе до ослободување на повеќе од една јајце клетка. Оптимална доза која помага во процесот на зачнување, според лекарите е од 75 до 80 милиграма во текот на денот која треба да се зема наутро и да не се лежи барем половина час после земањето на лекот.

Кардиолозите откриваат: Ако не сакате да ви откажат белите дробови поради коронавирус, секој ден пијте го ова!

Магдалена Андонова — Wed, 25 Nov 2020 19:07:46 +0000

Кардиолозите даваат јасни насоки за борбата против коронавирус Со оглед на тоа што повеќе луѓе умираат од кардиоваскуларни болести отколку од коронавирус, кардиолозите дадоа јасни насоки во борбата против вирусот. „Тајната е во добрата превентива. Кога организмот ви е јак, кога има добар имунитет, тој може да се избори со сите вируси. - Имаме податоци кои велат дека повеќе се умира од срце отколку од ковид. Тоа е така затоа што сме изложени на стрес и на намалено движење. Советуваме секое утро да вежбате лесна гимнастика, а потоа да шетате. Кога сте на отворено, извадете ја маската и дишете. Овозможете му на телото да добие кислород. Штом излезете надвор, длабоко вдишете, откриваат кардиолозите. На прашањето како да ги вадиме маските кога експертите советуваат и на отворено да носиме маски, докторите одговараат: - Тоа е глупост. Пропуст. Маската го спречува дотокот на кислород. Кога сте на отворено и кога се движете, спуштете ја маската, дозволете му на телото слободно да дише. Кога сте во затворено, носете маски. Истражувањата велат дека маските го спречуваат дотокот на кислород до мозокот, поради тоа децата ќе имаат намален ментален развој. Оние што се шетаат во природа, на планина, во шума, мораат да ја извадат маската и да дишат. Ги советуваме сите додека трае короната да пијат витамин Ц, витамин Д и аспирин. Секој ден. Аспиринот е задолжителен и треба да се пие навечер. Тоа ќе го спречи колапсот на белите дробови кога и ако дојде до заразување со коронавирус. Па, ние кога оперираме луѓе, срцево болни, им даваме да пијат аспирин до крајот на својот живот!“ А како да ги спречиме менталните болести предизвикани од корона? Нема причина за страв. Слушајте што ви говорат лекарите, погрижете се организмот да ви биде отпорен и здрав. Движете се и пијте витамини. Верувајте дека вашето тело ќе го совлада вирусот ако се заразите. Не зборувајте и не размислувајте само за коронавирусот, во животот постои и уметност, спорт… Верувајте во медицината, бидејќи луѓето кои веруваат во лек и во излекување, побрзо и полесно оздравуваат од оние кои не веруваат. Ако постојано мислите дека ќе се разболите, дека ќе се заразите, до тоа и ќе дојде. Верувајте дека ќе го совладате вирусот. Движете се повеќе и водете сметка за превенцијата“, советуваат докторите. Извор: УБАВИНА И ЗДРАВЈЕ

Аспиринот ќе се тестира како можен лек против Ковид-19

Тале Кристо — Fri, 06 Nov 2020 14:43:05 +0000

Аспиринот, широко користен лек, кој се препорачува против тромбоза, ќе биде тестиран како можен лек против Ковид-19 во едно од најголемите испитувања во Велика Британија. Најмалку 2.000 случајно избрани пациенти треба да примаат по 150 милиграми аспирин дневно со вообичаен режим. Како што пренесуваат британските медиуми, постојат јасни причини во прилог на тезата дека аспиринот може да биде корисен, а покрај тоа и безбеден, евтин и широко достапен. Податоците за закрепнувањето на овие пациенти ќе се споредат со податоците на најмалку 2.000 други пациенти кои ја примаат втората стандардна терапија за Ковид-19. Другите терапии што се тестираат вклучуваат антибиотик „азитромицин“ и коктел со антитела на компанијата „Регенерон“, што се користи за лекување симптоми на Ковид-19, како што прими американскиот претседател Доналд Трамп.

Престанете да глумите доктори: Овој лек го земате на своја рака, а носи сериозни последици

Ивана Ефремовски — Sun, 22 Dec 2019 11:54:27 +0000

Некои истражувања од порано покажуваат дека аспиринот може потенцијално да го намали ризикот од срцеви напади и рак, а некои пак укажуваат на тоа дека евентуалните непосакувани ефекти од аспиринот, како крварење и чир, ги ставаат во сенка неговите добри страни. Истражување објавено во магазинот „New England Journal of Medicine“, тврди дека секојдневното земање на аспирин може да понуди некои здравствени предности за постарите лица, но воедно им носи и потенцијални ризици. Според конечните заклучоци од ова најново истражување, се чини дека константното користење на аспирин не придонесува во голема мерка за зачувување на здравјето кај постарите лица, како и тоа дека не го намалува ризикот од кардиоваскуларни болести. Имено, навиката за редовно земање аспирин е поврзана со поголем ризик од обилно крварење и зголемување на стапката на смртност. Во период од пет години, колку што и траеше ова истражување, научниците не открија значајни здравствени предности кај луѓето кои користат аспирин, а на поединечни испитаници им даваа и плацебо таблети за да ја тестираат и можноста за лажно чувство. Помеѓу 920 лица кои редовно земале аспирин, голем број од нив умреле, односно станале инвалиди или развиле деменција, во споредба со 914 испитаници кои примале плацебо таблети. Во споредба со плацебо групата, оние кои во ова истражување земале аспирин, заклучено е дека имаат поголем ризик од големо крварење и чести непосакувани ефекти од овој лек. На крај, начуниците предупредуваат дека нивното истражување не се занимавало директно со тоа дали постарите лица кои се здрави, а кои користат аспирин за примарна превенција треба да продолжат или да прекинат со неговата употреба.

Овој лек го земаме на своја рака и правиме огромна грешка со сериозни последици

Ивана Ефремовски — Sun, 28 Jul 2019 09:18:13 +0000

Некои истражувања од порано покажуваат дека аспиринот може потенцијално да го намали ризикот од срцеви напади и рак, а некои пак укажуваат на тоа дека евентуалните непосакувани ефекти од аспиринот, како крварење и чир, ги ставаат во сенка неговите добри страни. Сега, ново истражување објавено во магазинот „New England Journal of Medicine“, тврди дека секојдневното земање на аспирин може да понуди некои здравствени предности за постарите лица, но воедно им носи и потенцијални ризици. Според конечните заклучоци од ова најново истражување, се чини дека константното користење на аспирин не придонесува во голема мерка за зачувување на здравјето кај постарите лица, како и тоа дека не го намалува ризикот од кардиоваскуларни болести. Имено, навиката за редовно земање аспирин е поврзана со поголем ризик од обилно крварење и зголемување на стапката на смртност. Во период од пет години, колку што и траеше ова истражување, научниците не открија значајни здравствени предности кај луѓето кои користат аспирин, а на поединечни испитаници им даваа и плацебо таблети за да ја тестираат и можноста за лажно чувство. Помеѓу 920 лица кои редовно земале аспирин, голем број од нив умреле, односно станале инвалиди или развиле деменција, во споредба со 914 испитаници кои примале плацебо таблети. Во споредба со плацебо групата, оние кои во ова истражување земале аспирин, заклучено е дека имаат поголем ризик од големо крварење и чести непосакувани ефекти од овој лек. На крај, начуниците предупредуваат дека нивното истражување не се занимавало директно со тоа дали постарите лица кои се здрави, а кои користат аспирин за примарна превенција треба да продолжат или да прекинат со неговата употреба.

Аспиринот не е само за болка: 10 алтернативни примени на овој лек

Катерина Бојаџиева — Mon, 18 Mar 2019 17:57:55 +0000

Сте помислиле ли некогаш дека аспиринот може да се користи за нешто друго освен за главоболка и температура? Овој лек има цел тон изненадувачки употреби за кои не сте знаеле. Ви претставуваме некои од нив. Помага во лекувањето на акните Аспиринот помага да се смири жариштето на инфекцијата,з атоа што има инфламаторно дејство. Скршете 2-3 апчиња и измешајте ги со лимонов сок, а потоа смесата нанесете ја врз мозолчињата и оставете ја да отстои неколку минути пред да го измиете лицето. Избегнувајте да ја користите оваа паста непосредно пред да излезете на сонце. Ги смирува угризите од инсекти Аспиринот исто така помага да не дојде до воспаление, црвенило, и да се намали чешањето на местото каснато од комарец. Стопете еден аспирин во малку вода и нанесете на местото да отстои неколку минути. Ги намалува црнките на кожата Аспиринот содржи состојки кои ги топат мастите, кои се користат и во кремите за масна кожа и во тониците. Измешајте 7 аспирини со три лажички јогурт и 1 лажичка мед. Нанесете ја маската на чисти лице и нека отстои 15 минути, а потоа исплакнете го лицето со млака вода. Исто така, поради грутките од искршените таблети, со миењето ќе направите и пилинг на лицето, а тоа ќе ги отстрани црнките. Спречува појава на првут Освен што чеша, првутот е непријатен и за око, а за да се ослободите од првут, мијте ја косата со 2 аспирина столчени и измешани во количината шампон доволна за едно миење на косата. Делува како пилинг Аспиринот е одличен за отстранување на мртвите клетки од кожата на лицето и помага во одмастување на кожата и во намалувањето на порите. Измешајте еден аспирин со вода и оставете го да делува неколку минути. Ако имате осетлива кожа, нанесете го внимателно за да не се јави иритација. Ја отстранува задебелената кожа од стапалата Овие таблети ја омекнуваат кожата на стапалата и лесно ја отстрануваат мртвата кожа. Направете паста од седум таблети и половина лажица лимонов сок, а потоа смесата нанесете ја на влажни стапала и замотајте ги во крпа. Оставете да делува 10 минути, а потоа истријте ги стапалата. Ја обновува оштетената коса И вашата коса ќе има многу што да добие од аспиринот. За здрава и блескава коса, една табла аспирини растопете во шолја вода и нанесете ја на косата. Нека отстои 15 минути, а потоа измијте ја косата. Отстранува дамки од пот на облеката Аспиринот ќе ви помогне да се ослободите од оваа непријатност, така што ќе ја потопите облеката во топла вода и ќе ставите еден или два (зависи од количината на вода и облека) аспирини во водата да се стопат. Откако ќе преноќи облеката во вода со аспирин, исперете ја. Отстранува дамки од сапун од кадата Ако не саката сапуните да ја уништат вашата када, сомелете 5 таблети аспирин и ставете ги во средството за чистење. Нанесете на целата површина, оставете половина час да делува, а потоа отстранете ја нечистотијата со крпа. Им го продолжува животот на цвеќињата За да му го продолжите животот на свежото цвеќе, ставете таблета аспирин во водата. Овој трик е добар особено за рози.