астон вила – Kurir.mk

Кутињо заминува да игра фудбал во Катар

Бошко Тасиќ — Wed, 06 Sep 2023 16:18:35 +0000

Бразилскиот фудбалер Куеињо ги одби понудите од Европа и реши оваа сезона да настапува во Катар, во клубот Ал Духаил. Астон Вила и Ал Духаил постигнаа начелен договор за позајмицата, ги пеглаат последните детали по што трансферот и официјално ќе биде објавен. Се работи за едногодишна позајмица, платата во целост ќе ја покрие катарскиот клуб. Кутињо уште пред 10 дена ја прифати нивната понуда, а во меѓувреме ги одби Бешикташ и Бетис.

Фрлени цигли врз автобусот на Астон Вила

Бошко Тасиќ — Mon, 28 Aug 2023 04:13:36 +0000

Клупскиот автобус на Астон Вила бил нападнат по мечот од Премиер лигата против Барнли. Инцидентот се случил на клучката 10, на автопатот М65, по натпреварот на „Турф Мур“ попладнево, соопшти полицијата. Фудбалскиот клуб Барнли соопшти дека биле „тажни и ужасни“ кога дознале за нападот. „Откако разговаравме со луѓето од Вила, со олеснување слушнавме дека никој не е повреден во инцидентот. Ние силно го осудуваме ваквото однесување и ќе ја поддржиме полицијата во Ланкашир во нивните напори да открие кој е одговорен“, се вели во соопштението на Барнли . Астон Вила денеска победи со 3:1 во Барнли во третото коло од Премиер лигата.

Николо Заниоло официјално е нов фудбалер на Астон Вила

Бошко Тасиќ — Sat, 19 Aug 2023 04:53:00 +0000

Астон Вила е посилна за италијанскиот репрезентативец, односно Николо Заниоло, кој ќе си ја исполни желбата да настапува во Премиер лигата. По краткиот престој во редовите на Галатасарај, Заниоло се сели во тимот на Унај Емери, кој важи за претендент за место кое води во европските купови, а и сезонава ќе игра во Конференциската лига. Се претпоставува дека премиерлигашот притискаше за ова засилување поради сериозната повреда на Еми Буендија, кој ќе отсуствува подолг период. Вила го најави доаѓањето на Ѕаниоло како заем од редовите на турскиот шампион, каде Италијанецот настапуваше од февруари.

Астон Вила го претстави Пау Торес

Бошко Тасиќ — Thu, 13 Jul 2023 04:23:12 +0000

Официјално Астон Вила има ново име во своите редови. Тоа е шпанскиот репрезентативец Пау Торес, кој доаѓа од Вилјареал. Пау Торес е вториот најскап трансфер во историјата на клубот со 33 милиони фунти колку што клубот од Бирмингем плати за него. Се разбира дека за овој трансвер “притискаше“ Унаи Емери, тренерот на Вила кој најдобро ги знае квалитетите на Пау Торес.

УЕФА им дозволи на Милан, Астон вила и Брајтон да играат во европските купови

Бошко Тасиќ — Sat, 08 Jul 2023 06:20:25 +0000

Европската фудбалска куќа (УЕФА) донесе одлука дека екипите на Милан, Астон вила и Брајтон може да учествуваат во меѓународните натпреварувања во новата сезона. Трите клубови беа заплашени дека може да не играат во европските купови затоа што нивните сопственици имаат акциски делови и во други клубови кои ќе играат во Европа. Сопствениците на Милан „RedBird Capital Partners“ се сопственици и на француски Тулуз. Газдите на Астон вила имаат дел од акциите во португалската Викторија Гимараеш, додека сопственикот на Брајтон, Тони Блум има акции во белгискиот Унион Сен Жилоа. Проблемите беа фокусирани на англиските клубови затоа што Брајтон и Унион Сен Жилоа ќе играат во Лигата на Европа, додека Астон вила и Викторија Гимараеш ќе бидат дел од Конференциската лига. Милан ќе игра во Лигата на шампиони, а Тулуз е во Лигата на Европа и мали се шансите да се сретнат овие два клуба меѓу себе. Според правилата на УЕФА ниту еден клуб не може да игра против друг клуб во кој еден ист човек или фирма имаа акции во двата клуба.

Емери најдобар тренер во Премиер лигата во април

Ивона Петрова — Fri, 12 May 2023 16:45:08 +0000

Предводникот на Астон Вила, Унаи Емери, е прогласен за најдобар тренер во Премиер лигата во месец април. Емери изминатиот месец ја предводеше Астон Вила до пет победи на седум натпревари на кои неговата екипа постигна 11 голови, а прими три. Астон Вила го почна април со победа над Челзи на „Стемфорд Бриџ“, а три денови подоцна забележа и гостинска победа против Лестер. Потоа на домашен терен беше совладан Нотингем Форест, по што уследи реми со Брентфорд и победа над Фулам. Победничката серија на Астон Вила ја прекина Манчестер јунајтед.

Баерн Минхен прави трансфер на напаѓач на Астон Вила и ќе плати 70 милиони евра

Бошко Тасиќ — Mon, 01 May 2023 04:18:25 +0000

Во германскиот шампион се заинтересирани за потписот на Оле Воткинс кој е член на Астон Вила. Напаѓачот игра инзворедно во клубот од „Вила Парк“ по доаѓањето на Унаи Емери и е еден од играчите во најдобра форма во Премиер лигата, помагајќи му на својата екипа да стигне до европските квалификации. Тој постигна 11 гола во последните 15 натпревари за својата екипа, која по лошиот почеток на сезоната под водство на Стивен Џерард сега е на шестата позиција во Премиер лигата. Техничкиот директор на Баерн, Марко Непе, наводно бил во „Вила Парк“ во вторникот за да го гледа настапот на 27-годишниот Воткинс против Фулам. Според „Сан“, Астон Вила за својот најдобар фудбалер ќе бара 70 милиони евра, а Баерн веќе размислува да испрати понуда додека бара нов фронтмен кој ќе го води нивниот напад. Покрај Воткинс, на радарот на Баерн Минхен се и Виктор Осимен од Наполи, Хари Кејн од Тотенхем.

Данило во Нотингем форест, Дуран во Астон Вила

Ивана Ефремовски — Tue, 17 Jan 2023 15:39:11 +0000

Англиските фудбалски прволигаши, Нотингем форест и Астон вила, ги засилија своите редови за продолжението на сезоната во Премиер лигата со играчи од Јужна Америка. Нотингем Форест го донесе во своите редови 21-годишниот бразилски дефанзивец Данило, додека Астон вила се засили со 19 – годишниот колумбиски напаѓач Џон Дуран. Форест со Данило потпиша договор на шест и пол години и за неговите услуги на бразилскиот прволигаш Палмеирас му плати обесштетување од 20 милиони евра. Дуран се пресели во Вила од редовите на американскиот клуб Чикаго во кој мина една година и постигна осум голови на 27 натпревари. За комплетирање на трансферот ќе се почека Дуран да добие работна дозвола. (МИА)

Мегваер ќе потпише за Астон Вила?

Бошко Тасиќ — Mon, 09 Jan 2023 05:47:07 +0000

Англискиот репрезентативен стопер Хари Мегваер сака да си замине од Манчестер јунајтед, зашто е незадоволен од статусот кој го има во клубот и кај менаџерот Ерик Тен Хаг, а според последните најави од Островот, следна дестинација може да му биде – Астон Вила. Мегваер досега сезонава има вкупно 13 настапи за „црвените ѓаволи“, од кои само седум во англиската Премеирлига, па е незадоволен што не игра и затоа сега бара алтернатива за својата кариера. Тој е најскапиот светски дефанзивец, кого Јунајтед го плати пред безмалку четири години за скоро 90 милиони евра, ангажирајќи го од Лестер.

Џерард: Многу сакав да ги вратам достигнувањата на Астон вила, но не било судено да биде така

Дарко Андоновски — Sat, 22 Oct 2022 14:35:19 +0000

Стивен Џерард реагираше на неговото отпуштање како менаџер на Астон вила. – Би сакал да им се заблагодарам на сите поврзани со фудбалскиот клуб Астон вила за поддршката што ми беше дадена за време на мојот престој таму. Би сакал лично да им се заблагодарам на управниот одбор, играчите и целиот персонал за нивната напорна работа. Штета што не успеав на крајот, но должен сум им на навивачите за тоа како ме пречекаа и продолжија да го поддржуваат тимот во тешките моменти. Астон вила е клуб со посебна историја, многу сакавме да ги вратиме тие незаборавни достигнувања, но, за жал, тоа не беше предодредено. На сите во клубот им посакувам се најдобро во иднина, напиша Џерард на социјалната мрежа. Четириесет и двегодишниот Англичанец е во Астон вила од ноември 2021 година. Под негово водство, тимот одигра 40 натпревари – 13 победи, 8 нерешени и 19 порази. Сезонава Астон вила на 11 натпревари освои девет бода и се наоѓа на 17. место во Премиер лигата.