Аталанта – Kurir.mk

Хојлунд се поблиску до Манчестер Јунајтед

Бошко Тасиќ — Wed, 26 Jul 2023 04:09:25 +0000

Манчестер Јунајтед е во напредни преговори со Аталанта за трансфер на младиот напаѓач, Расмус Холунд, пренесуваат медиумите на Апенините. Приоритет на Манчестер Јунајтед во летниот преоден рок ќе биде нов напаѓач, а најголема желба на Тен Хаг е токму Хојлунд. 19-годишниот Данец одигра одлично во првата сезона во Серија А, па се етаблираше во еден од најголемите таленти во Европа. Аталанта ја одби првата понуда на „црвените ѓаволи“, но Јунајтед не се откажува и наскоро ќе испрати нова понуда од 55 милиони евра плус бонуси.

Мејсон Гринвуд ќе оди на позајмица во Аталанта

Бошко Тасиќ — Sat, 08 Jul 2023 06:26:10 +0000

Како дел од дилот во кој Расмус Хојлунг треба да се пресели од Аталанта во тимот на Манчестер Јунајтед, информациите се дела Мејсон Гринвуд треба да се упати накај Бергамо. Проблематичниот напаѓач едвај се извлече од затвор, откако беше обвинет за насилство од страна на неговата девојка, па изминатиов период мислеше на се само не на фудбал. Тој проблем за него имаше среќна завршница, па сега Гринвуд кој сеуште е екстремно млад бара решение како да ја продолжи неговата кариера.

Аталанта се засили со Лукман

Магдалена Андонова — Fri, 05 Aug 2022 10:14:07 +0000

Нигерискиот фудбалски репрезентативец Адемола Лукман (24) ги напушти редовите на Лајпциг и потпиша четиригодишен договор со Аталанта, објави денеска италијанскиот прволигаш од Бергамо. Аталанта за услугите на 24-годишниот крилен играч ќе му плати на неговиот поранешен клуб обесштетување од 15 милиони евра, како и дополнителни бонуси. Лукман, кој може да игра на двете крила, како и во нападот, изминатата сезона беше позајмен на Лестер, каде на 42 натпревари постигна осум голови со пет асистенции. – Лукман е многу брз, вешт во дриблингот и длабоко во нападот, способен да покрие повеќе позиции во офанзивата, соопшти Аталанта. (МИА)

Американски бизнисмени сакаат да ја купат Аталанта за 350 милиони евра

Бошко Тасиќ — Fri, 18 Feb 2022 19:05:03 +0000

Аталанта наскоро би можел да добие нови газди, затоа што инвестицискиот фонд од САД сака да го откупи тимот од семејството Перкаси за 350 милиони евра. Оваa семејство го презема тимот во 2010 година, кога беа во Серија Б, а сега на чело со тренерот Гасперини се борат за самиот врв во Серија А. Инвестицискиот фон од САД планира со 350 милиони евра да купи 85 отсто од акциите додека остатокот ќе го задржи семејството Перкаси. Антонио Прекаси е поранешен фудбалер на Аталанта, а досега беше и претседател на клубот, но по доаѓањето на новите газди ќе стане директор.

Виљареал ја победи Аталанта во Бергамо и оди во осминафиналето на ЛШ

Бошко Тасиќ — Thu, 09 Dec 2021 20:24:59 +0000

Поради големиот снег во Бергамо, дуелот меѓу Аталанта и Виљареал денеска се играше.Данџума уште во третата минута кога постигна гол за водство на Виљареал од 1-0. Пред крајот на првиот дел Капуе реализираше за предност и од 2-0, а по шест минути игра во вториот дел Данџума со својот втор гол донесе убедливо водство за Виљареал од 3-0. Во 71. минута Малиновски намали на 1-3, а девет минути подоцна Запата реализираше за 2-3 и надеж дека до крајот на мечот може да се случи чудо, но не се случи. 2-3 беше конечниот резултат. Манчестер јунајтед и Виљареал продолжуваат во Лигата на шампионите, а Аталанта ќе се префрли во Лига Европа.

Мечот Аталанта-Виљареал одложен поради снег

Бошко Тасиќ — Wed, 08 Dec 2021 21:16:05 +0000

Поради снежната бура која го зафати Бергамо, домаќините се обидоа да го исчистат теренот, ама на крај не успееаа да го подготват за да се игра нормален меч во ЛШ, па после едно пролонгирање, на крај вечерва предвреме беше свирнат крај. Дуелот е презакажан за утре, а УЕФА допрва треба да реши во кој термин ќе се игра во зависност од временските услови, но и прогнозата за времето.

Џан Пјеро Гасперини го продолжи договорот со Аталанта

Бошко Тасиќ — Tue, 30 Nov 2021 21:45:10 +0000

Тренерот на Аталанта Џан Пјеро Гасперини ќе остане во оваа екипа и до 2024 година. Тоа за италијанските медиуми го потврди претседателот на клиубот од Бергамо, Лука Перкаси. „Договор постигнавме летоска. Тој е централна фигура на нашиот проект“, изјави Перкаси. Гасперини доби нов договор до 2024 година со опција да биде продолжен на уште една. Тој успеа да ја трансформира Аталанта од клубот кој се бори за опстанок во редовен учесник во Лигата на шампионите. Со оглед на тоа дека претходниот договор му истекуваше на крајот на сезоната, челниците на Аталанта побрзаа да му понудат нов договор. Тој за пет години ја предводеше Аталанта на 259 натпревари со тоа што впиша 136 победи и 65 ремија.

Аталанта го шокира Јувентус во Торино

Бошко Тасиќ — Sat, 27 Nov 2021 19:38:29 +0000

Италијанскиот фудбалски гигант Јувентус го доживеа петтиот пораз оваа сезона во Серија А, откако Аталанта му зададе уште еден удар на тимот на Алегри кој игра лоша оваа сезона. Единствениот гол на мечот беше дело на Запата во 28. минута од натпреварот. Во судиското продолжение Дибала ја погоди пречката од голот на Аталанта, малку фалеше да го спаси Јуве од пораз, но тоа не се случи. Овој пораз за Јувентус е враќање чекор назад во борбата за местата кои водат во Лигата на шампионите.

Гасперини: Можев да бидам побогат во Премиер лигата, но помалку среќен

Ивана Ефремовски — Sun, 07 Nov 2021 11:07:57 +0000

Тренерот на Аталанта, Џан Пјеро Гасперини ја прослави победата број 200 во Серија А, откако неговиот тим вчера го совлада Каљари со 2:1. Гасперини изјави дека е среќен во Бергамо. -Се надевам дека ќе успеам да извојувам уште многу победи, бидејќи не паметам ниту една лесна. Среќен сум во Италија, во Бергамо, начинот на живот е од големо значење. Понекогаш размислувам за Премиер лигата и понудите што ги добивам. Можев да одам во Англија и да бидам побогат, но помалку среќен. Јас не живеам само на теренот, изјави Гасперини. Под негово водство Аталанта бележи одлични резултати последните години и постојано е при врвот на табелата и со изборено учество во евро-куповите. (МИА)

Гасперини: Оваа сезона Аталанта има потешка група во Лигата на шампионите

Дарко Андоновски — Tue, 14 Sep 2021 06:42:06 +0000

Тренерот на Аталанта, Џанпјеро Гасперини ги сподели своите очекувања за групната фаза во Лигата на шампионите пред почетокот на сезоната 2021/22. Италијанскиот тим вечер од 21 часот ќе гостува во Шпанија кај Виљареал. – Знаеме колку е силен Виљареал, особено на домашен терен. Ќе биде важен натпревар за оваа Лига на шампиони. Ние мора да бидеме подготвени. Играме со многу квалитетни тимови, но во Лигата на шампионите се секогаш најдобрите. Ја делиме истата желба за напредок. Имаме многу тешка група, потешка од претходните години. Ќе направиме се што е во наша моќ, истакна Гасперини за „Фудбал Италија“. Аталанта во групата Ф ќе се соочи со Виљареал, Манчестер јунајтед и Јанг Бојс.