атанас кировски – Kurir.mk

Новинарот Кировски излегува на протест: Ќе протестирам против одлуката на Владата да го прифати овој понижувачки предлог на Париз (Софија)

Магдалена Андонова — Sat, 02 Jul 2022 14:58:35 +0000

Да си кажам дека планирам да одам да протестирам против одлуката на Владата да го прифати овој срамен и понижувачки предлог на Париз (Софија). И никој да не одеше, јас бездруго ќе отидев. Ако треба и сам. Затоа што овој предлог не е добар за Македонија. Затоа што унилатералните проблеми што ги има Софија со нас, прифаќаме да станат европски проблем, дел од копенхагенските критериуми и дел од преговарачката рамка, стои во Фејсбук статусот на долгогодишниот ТВ новинар и уредник, Атанас Кировски. Тој напиша дека овој француски предлог не е паднат од небото, и дека е убеден дека некој ги урнисувал нашите позиции со месеци, за да стасаме од португалски ( релативно поволен) до француски ( комплетен дебалк за македонската дипломатија). - Јас сум бил, и ќе останам партиски неопределен. Но, немојте да ме убедувате дека црното е бело. Едноставно, ми ја навредувате интелигенцијата, додаде тој во својата објава.

Атанас Кировски заминува од Телма- го спремаат ли за директор на МРТВ?

Катерина Бојаџиева — Wed, 02 Jun 2021 19:25:13 +0000

Атанас Кировски, актуелниот директор на телевизија Телма, си заминува од телевизијата, од, како што вели за Фактор, лични причини. За идниот ангажман не открива многу детали, но вели дека има неколку како што рече примамливи понуди, за кои се уште размислувал. Одговорниот уредник на Телма вели дека искуството во телевизијата било одлично, но дека одлучил да замине за што веќе го известил и менаџментот. Во последно време се зборува дека токму тој е идниот директор на националниот сервис – МРТВ, но тој вели дека станува збор за чаршиски муабети, пишува Фактор, а во текстот се потсетува дека во тек е Конкурсот за избор на членови на Програмскиот совет на МРТВ, а тој совет ќе распише конкурс кој од пријавени кандидати треба да избере нов директор на МРТВ.

Кировски го избриша статусот во кој ги критикуваше Филипче и Караџовски: Кој му изврши притисок на директорот на „Телма“?

Ивана Ефремовски — Mon, 08 Jun 2020 19:44:22 +0000

Кратко време откако на социјалните мрежи го критикуваше односот на Претседателот на Комисијата за заразни болести, д-р Жарко Караџовски кон новинарите, директорот на Телма, Атанас Кировски го избриша постот од својот профил, што го поставува прашањето дали некој од власта извршил притисок врз директорот за да го тргне постот во којшто ги критикува здравствените власти, прашува „Република“. Да биде уште посимптоматично, во првичната верзија на објавата на Кировски, освен Караџовски беше спомнат и министерот за здравство, Венко Филипче. Од оваа објава на Кировски, за брзо време го снема презимето на министерот, со што првата реченица доби облик: Со навредливиот, потценувачки и манипулативен однос кон медиумите и новинарите, Караџовски единствено што ќе постигнат е да создаде моќни непријатели. Кратко време потоа целата објава ја снема од Фејсбукот на Кировски.

Кировски: Со навредлив, потценувачки и манипулаторски однос кон медиумите и новинарите Караџовски и Филипче ќе создадат моќни непријатели

Ивана Ефремовски — Mon, 08 Jun 2020 15:44:19 +0000

Откако на денешната прес-конференција епидемиологот Караџовски беше дрзок кон новинарите, се огласи Атанас Кировски од телевизија Телма. -Со навредлив, потценувачки и манипулаторски однос кон медиумите и новинарите Караџовски и Филипче единствено што ќе постигнат е да создадат моќни непријатели. Караџовски побара Телма од денеска да кажува дека Ковид 19 постои, небаре досега сме тврделе дела е измислица... Целиот статус прочитајте го во продолжение:

Кировски: Денес бројката на ново заразени ќе биде 170, избори на 5 јули не може да биде чарето

Дарко Андоновски — Fri, 05 Jun 2020 13:01:15 +0000

Новинарот и директор на ТВ Телма, Атанас Кировски, преку статус на Фејбук пишува дека во моментов имаме математичка прогресија на пораст на инфицирани, денес бројката на ново заразени ќе биде 170! Оваа бројка е веќе тенденција на експоненцијален раст. -Во моментов имаме математичка прогресија на пораст на инфицирани, денес бројката на ново заразени ќе биде 170! Оваа бројка е веќе тенденција на експоненцијален раст. Во такви услови мора државата да бара некое чаре. Избори на 5 јули не може да биде чарето. Во вакви услови одѕивот ќе биде под 30 проценти, а за иднината на државата ќе решаваат само оние што не веруваат дека има Ковид-19, што мислат дека сево ова е некаков заговор заради 5г технологијата, дека не прскаат со алуминиум и сл. Мора да се овозможи изборен процес на кој својот глас би го дале оние кои нормално размислуваат, а тие во вакви услови сигурно нема да излезат на гласачко место и да си го ризикуваат здравјето. Значи брзо некаков план Б, бидејќи планот А дефинитивно пропаѓа од сите апсекти. Не сакам да прогнозирам што не чека ако тераме со експоненцијален раст заразени, стои во неговиот пост на Фејсбук. https://www.facebook.com/atanas.kirovski/posts/10215272233391400

Директорот на Телма: Владата ќе прави емисии за перење мозок, да не довлечкале експерти од Северна Кореја?

Ивана Ефремовски — Sat, 18 Apr 2020 11:22:22 +0000

Директорот на телевизија Телма, Атанас Кировски со остри критики за начинот на кој работи Владата во последниов период. Обвинува дека во Владата ќе се прават емисии за пропаганда и перење мозок, а подолу прашува да не довлечкале експерти од Северна Кореја. Целиот статус на Кировски прочитајте го во продолжение:

Апасиев vs Кировски: Професорот обвинува за бојкот, главниот уредник на Телма вели Левица не е политички субјект

Катерина Бојаџиева — Tue, 19 Nov 2019 10:09:28 +0000

Професорот по римско право и дел раководството на „Левица“, Димитар Апасиев реагира дека неговата партија упорно се бојкотира од страна на телевизија Телма и Атанас Кировски, главен и одговорен уредник. -Левица / E majta / Levica - единствената „трета опција“ која реално има шанси да влезе во парламент и која веќе има учествувано самостојно на два изборни циклуса, со поминат цензус, трета година по ред е упорно БОЈКОТИРАНА од страна на провладината национална телевизија Телма со Атанас Кировски како главен и одговорен уредник. Не е викнат ниту еден гостин во емисија, не е пропратено ниту едно соопштение, не е проследена ниту една прес конференција за суштински општествени теми! Тоа е тој професионализам, тоа се тие новинарски стандарди за избалансирано известување. p.s. И после не се чудете оти гледаноста ви е опадната за 1/2 од времето на Грујо. Оти станавте тоа што го презиравте, напиша Апасиев на Фејсбук. На тоа, преку Фејсбук му реплицираше и главниот и одговрен уредник на Телма, Кировски.

Кировски: Граѓаните не се согласуваат со даночните политики на власта

Дарко Андоновски — Wed, 21 Nov 2018 19:50:44 +0000

Во најновата анкета на телевизија Телма која беше објавена вечерва стои дека добар дел од Македонците се разочарани од погрешните политики на оваа влада. -Тоа значи дека има сепак добар дел од Македонците кои што се разочарани од компромисот со Грција и сметаат дека се предадени некакви национални интереси. Второ има незадоволни и заради одредени најави за пазарење и за ради одредени даночни политики за кои што граѓаните не се согласуваат и тоа се рефлектира на тие рејтинзи, потенцира Кировски. Тој додава дека огромен е бројот на Македонци кои што се разочарани од сите овие политички процеси и пазарења и таа бројка изнесува дури 26 проценти од етничките Македонци кои рекле дека нема да гласаат за ниту една партија.

Телма анкета: ВМРО-ДПМНЕ води кај Македонците, СДСМ стана најпопуларна партија кај Албанците

Дарко Андоновски — Wed, 21 Nov 2018 19:47:09 +0000

До неодамна ВМРО-ДПМНЕ и СДСМ кај Македонците беа изедначени, сега разликата е 5 проценти во полза на ВМРО-ДПМНЕ, ова во вечерашната емисија „Топ Тема“ го истакна Атанас Кировски. -Тоа значи дека има сепак добар дел од Македонците кои што се разочарани од компромисот со Грција и сметаат дека се предадени некакви национални интереси. Второ има незадоволни и заради одредени најави за пазарење и за ради одредени даночни политики за кои што граѓаните не се согласуваат и тоа се рефлектира на тие рејтинзи, потенцира Кировски. Тој додава дека огромен е бројот на Македонци кои што се разочарани од сите овие политички процеси и пазарења и таа бројка изнесува дури 26 проценти од етничките Македонци кои рекле дека нема да гласаат за ниту една партија.

ЗНМ со остра осуда до Телма: Правите најбрутално кршење на слободата на говорот

Ивана Ефремовски — Wed, 17 Oct 2018 13:09:07 +0000

Здружението на новинарите на Македонија (ЗНМ) преку соопштение истакна дека остро ја осудува практиката на Атанас Кировски, директор и главен и одговорен уредник на „Телма“, кој на новинарите од телевизијата им забранува да објавуваат било какви коментари, мислења и анализи на социјалните мрежи и им се заканува со казни ако не ја почитуваат ваквата наредба. „Општо и арбитрарно забранување на секакви коментари и мислења на новинари во социјални мрежи повикувајќи се на почитување на наводна неутралност од политичките процеси, претставува најбрутално кршење на слободата на говорот, кое е загарантирано со македонското и меѓународното право. Оваа забрана е еклатантен пример на цензура на интернет, која има за цел да поттикне самоцензура кај новинарите на Телма за да го прилагодат нивното известување согласно вкусот на главниот и одговорен уредник Кировски“, наведе ЗНМ во соопштението. Здружението додава дека во светот има практики каде новинарите се повикуваат да се воздржат да коментираат за политичките процеси на социјалните мрежи со цел да се сочува угледот на медиумот и тоа претежно се применува во јавните радиодифузни сервиси. Меѓутоа, како што велат, таквото ограничување е предвидено во внатрешните етички кодекси на медиумот, кои се јавно објавени и каде јасно се прецизира за кои новинари се однесува и во кои ситуации можат да се применат ограничувањата. „Самиот факт дека забрана за коментирање на социјални мрежи не го опфаќа и самиот директор и главен и одговорен уредник на Телма, покажува да практиката не е формализирана преку донесување на внатрешен акт, туку е своеволна одлука, која е селективна и дискриминаторска. Целта на забраната првенствено не е да се сочува угледот на телевизијата, туку да се контролира новинарската слобода“, смета ЗНМ. Здружението јавно го повика Кировски да ја повлече ваквата забрана затоа што, како што наведе, со вакви непромислени одлуки се ограничува новинарското изразување што негативно ќе се одрази на квалитетот на програмата и угледот во јавноста за „Телма“, која претендира да биде слободен и професионален медиум.