атентат – Kurir.mk

Дваесет и осум години од атентатот врз претседателот Киро Глигоров

Тале Кристо — Tue, 03 Oct 2023 06:58:15 +0000

Пред 28 години на 3 октомври беше извршен атентат врз првиот претседател на Република Македонија Киро Глигоров, кој го преживеа со тешки повреди на главата. На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Како последица од повредите почина и случајниот минувач Христо Христоманов, а беа повредени и Климе Коробар и Јован Атанасовски. Останува непознато кој стоел зад атентатот. Истражната постапка која се води против непознат сторител се уште е отворена. Истрагата утврди дека атентатот бил добро подготвен и организиран и оти само среќна околност е што претседателот Глигоров го преживеа атентатот. Денеска се навршуваат 10 години од смртта на првиот претседател на независна Република Македонија Киро Глигоров. Нападот беше извршен со автомобил-бомба на 3 октомври 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Во автомобил „цитроен ами 8“ биле скриени 20 килограми експлозив, кој бил активиран со далечински управувач кога возилото на Глигоров се движеше кон зградата на Собранието. Пред експлозијата службеното возило на претседателот на улицата „Македонија“ го забавило едно „фиќо“. Глигоров атентат Во истрагата биле претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата. Киро Глигоров почина на 1 јануари 2012 година на 94 години.

ВИДЕО: Обид за атентат врз Зеленски при вчерашната посета на поплавениот Херсон

Тале Кристо — Fri, 09 Jun 2023 07:21:18 +0000

Русите се обиделе да го убијат украинскиот претседател Володимир Зеленски за време на неговата вчерашна посета на Херсон, тврди белорускиот портал Некста. Зеленски вчера пристигна во Херсонската област за да ги посети поплавените подрачја по уривањето на браната Нова Каховка. На првото видео што беше објавено од порталот, Зеленски може да се види како разговара со локалните жители кои се подготвуваат за евакуација, по што тој заминал за Миколаив, град кој исто така беше погоден од поплавите. Но, веднаш по заминувањето на Зеленски и неговата делегација, улицата во Херсон каде што стоеше со жителите стана цел на силно руско гранатирање, што сугерираше дека Русите знаеле дека Зеленски е таму и се обиделе да го убијат, наведе белорускиот портал Некста.

Russians tried to kill Zelenskyy during his visit to Kherson

On June 8, Volodymyr Zelenskyy arrived in #Kherson region, where dozens of settlements were flooded after the explosion of the #KakhovkaHPP.

The first video shows Zelenskyy standing with local residents near the… pic.twitter.com/xdbqLAuQ29
— NEXTA (@nexta_tv) June 8, 2023

ФБИ откри документи, во осумдесетите имало план за ликвидација на кралицата Елизабета Втора

Ристе Здравков — Fri, 26 May 2023 08:53:19 +0000

Англиската кралица Елизабета Втора, која почина минатата година, се соочила со потенцијална закана за атентат за време на посетата на САД во 1983 година, наведено е во новообјавените документи на ФБИ. Федералното биро за истраги објави документи поврзани со патувањата на покојната кралица во САД. Тие покажуваат како ФБИ, кое помогна да се осигури безбедноста на кралицата за време на нејзините посети, беше загрижено за заканите од Ирската републиканска армија (ИРА). Според пријавата, полицаец кој посетил ирски паб во Сан Франциско ги предупредил федералните агенти за повик од човек што го сретнал на местото на настанот. Полицаецот рекол дека мажот му рекол дека бара одмазда за неговата ќерка, која била „убиена од гумен куршум во Северна Ирска“, објави Би-Би-Си. Заканата дошла на 4. февруари 1983 година, еден месец пред посетата на кралицата Елизабета Втора и нејзиниот сопруг принцот Филип на Калифорнија. „Тој сакаше да се обиде да и наштети на кралицата Елизабета и ќе го стореше тоа или со фрлање предмет од мостот Голден Гејт на кралската јахта кога ќе дојде под мостот, или ќе се обидеше да ја убие кралицата Елизабета за време на нејзината посета на националниот парк Јосемити.“, се вели во документот. Објавени документи на 102 страници Како одговор на оваа закана, Тајната служба планирала „да ги затвори патеките на мостот Голден Гејт додека се приближува јахтата“. Не е јасно какви мерки се преземени во Јосемити, но посетата се одржала. ФБИ не објави детали за апсењата. Документите од 102 страници беа објавени на веб-страницата на ФБИ во понеделникот, по барањето за Законот за слобода на информации поднесено од американските медиуми. Кралицата била во Њујорк во 1976 година за да ја прослави американската двестегодишнина, а документите откриваат дека на пилот му била упатена покана да лета со мал авион над Батери Парк со натпис „Англија, губи се од Ирска“. Досиејата покажуваат дека ФБИ останал сконцентриран на тоа што го сметал за реална закана за кралицата. Нејзиниот братучед Лорд Маунтбатен бил убиен во бомбардирање на ИРА во близина на брегот на округот Слајго, Ирска, во 1979 година. Пред личната посета на покојната кралица на Кентаки во 1989 година, внатрешниот меморандум на ФБИ гласел: „можноста за закани за британската монархија е секогаш присутна од Ирската републиканска армија (ИРА)“.

ЕК најостро го осудува обидот за атентат врз бугарскиот државен обвинител

Тале Кристо — Tue, 02 May 2023 14:48:23 +0000

Европската комисија денеска соопшти дека најостро го осудува обидот за бомбашки атентат на главниот обвинител на Бугарија. Дознавме за ова недозволиво дејствие, рече портпаролот на комисијата во одговор на прашање на прес-конференција, јави БТА. Ова е бесмислен и кукавички чин на насилство за кој нема место во нашето општество. Очекуваме националните власти одлучно и брзо да ги изведат сторителите на овој грозоморен чин пред лицето на правдата. Засега не можевме да претпоставиме кои се причините за таквиот напад, додаде портпаролот. Вчера попладне одекна експлозија на патот, во момент кога автомобилот на главниот обвинител на Бугарија, Иван Гешев и неговата колона се движела на патот од Самоков кон Софија. Главниот обвинител бил цел на убиство, изјави заменик-главниот обвинител и директор на Националната истражна служба Борислав Сарафов. Тој нагласи дека не станува збор за заплашување, туку за обид за атентат. Сарафов извести дека дошло до екстремно силна експлозија и дека од експлозијата е формиран кратер со длабочина од 30-40 см и дијаметар од близу три метри. Експлозивната направа очигледно била наменета да убие. Не била со намера да заплаши, рече заменик-јавниот обвинител.

Познат идентитетот на лицето кое планирало да го убие Александар Вучиќ

Ристе Здравков — Thu, 02 Feb 2023 11:59:20 +0000

Небојша Јанковиќ е препознаен како личноста која стои зад фаталното име Хел и кој планирал напад врз претседателот Вучиќ, пишува „Република.рс“.Инаку, според обвинението, Небојша Јанковиќ е обвинет за убиства за кланот Вељко Беливук. Станува збор за маж кој е поранешен полицаец и припадник на елитната единица на Војската на Србија, единицата на 63-та падобранска бригада, кој донел снајпер кај Беливук, а потоа во шумата ги обучувал него и Марко Миљковиќ како да пукаат со тоа. Тој беше идентификуван како лицето кое стои зад кодното име „Хел“. Лалиќ вчера на судењето меѓу редови рече дека Јанковиќ требало да го убие претседателот на Србија, како највешт од тимот.

Влада на Косово: Курти знаеше дека се планира атентат врз него

Тале Кристо — Mon, 19 Sep 2022 14:53:10 +0000

Владата на Косово потврди дека имала информации оти минатата година бил планиран атентат врз премиерот Албин Курти и уште двајца други косовски функционери, за што денеска објави вест албанскиот медиум „А2Њуз“ („A2News“), јави дописникот на МИА од Приштина. Во соопштението доставено до медиумите, службата за информирање на косовската Влада наведува дека за подготовките за атентатот Курти бил известен од Агенцијата за разузнавање на Косово, но дека „случајот не е објавен со цел да не се создава паника“. – Премиерот на Република Косово, Албин Курти беше информиран за овој случај од Агенцијата за разузнавање. Безбедносните институции ги презедоа сите мерки за спречување на тоа дејство. Случајот не е објавен со цел да не се создава паника, се вели во соопштението. „А2Њуз“ информира, а медиумите во Приштина пренесоа, дека е објавен документ од страна на ирански хакери, кои велат дека бил украден од документацијата на поранешниот генерален директор на Полицијата на Албанија, Гледис Нано. Во документот се вели дека пред една година Антитерористичкиот оддел на косовската полиција открила план за убиство на премиерот Курти, а подоцна и на поранешниот шеф на Службата за разузнавање, Исмет Хаџа и на пратеникот на опозициската Демократска партија на Косово, Џавит Халити. Според документот, атентатите требало да го изврши албанскиот државјанин Прек Кодра, за кого се вели дека има „добри снајперистички способности“ и дека е осомничен за неколку убиства во Косово и Црна Гора. По Кодра, за кого има информации дека живее во Скадар, а дејствува во Тропоја во Албанија и во Урошевац и Дечане во Косово, албанската полиција распишала потерница во 2016 година, поради сомневања за убиство и неовластено поседување оружје. Повеќе државни институции во Албанија во последно време беа цел на кибернапади од страна на, како што се воспостави, ирански владини структури, поради што на 7 овој месец владата на Еди Рама го протера целиот персонал на амбасадата на Иран во Тирана.

Пропадна нов обид за атентат врз Зеленски

Дарко Андоновски — Mon, 28 Mar 2022 11:57:18 +0000

Украинскиот весник „Киев пост“ објави дека пропаднал новиот обид за атентат на претседателот на Украина, Володимир Зеленски. Весникот пишува дека недалеку од границата со Словачка и Унгарија е уапсена воена група од 25 лица предводена од руски специјални служби. „Киев пост“ тврди дека целта на групата била да го ликвидира Зеленски. Украинците веќе во неколку наврати тврдеа дека имало обид за атентат врз Володимир Зеленски.

Медиуми: Досега спречени три атентати врз Зеленски

Ивона Петрова — Fri, 04 Mar 2022 08:58:57 +0000

Претседателот на Украина, Володимир Зеленски преживеал наводно најмалку три атентати изминативе неколку дена, јавува Тајмс. Весникот пишува дека платеници од паравоената група Вагнер и чеченски специјални сили била испратени да го елиминираат Зеленски. Се смета дека Украина за некои од овие планови била предупредена од антивоени припадници на руските федерални служби на безбедност. Тајм наведува и дека Вагнер претпреле големи загуби во своите обиди, а изворот рекол и дека е неверојатно голку е добро информиран безбедносниот тим на Зеленски. Еден обид за негово убиство бил спречен во саботата.

Анонимус: Од руската служба за безбедност протекоа информации за атентат на Зеленски

Ивона Петрова — Thu, 03 Mar 2022 07:02:40 +0000

Информациите за планиран атентат на украинскиот претседател Володимир Зеленски протекоа од руската Федерална служба за безбедност, објави хакерскиот колектив Анонимус. Тие исто така соопштија дека сега започнува борбата за моќ во Кремљ за соборување на режимот на Путин. „Во меѓувреме, да продолжиме со нападите“, вели хактивистичката група. Анонимус ја презедоа и одговорноста за уривањето на веб-страницата на Руската вселенска агенција, и тоа по вторпат.

Обид за атентат врз либискиот премиер

Тале Кристо — Thu, 10 Feb 2022 07:39:51 +0000

Либискиот премиер Абдул Хамид Дбеиба остана неповреден по обид за атентат денеска во раните утрински часови кога непознати лица отворија оган врз неговиот автомобил во Триполи, објави телевизијата Ал Арабија. Неколку куршуми го погодиле автомобилот на Дбеиба, а напаѓачите успеале да побегнат.