атлански океан – Kurir.mk

Исчезна подморница која туристите ја користеле за да го разгледаат потонатиот брод Титаник

Ивона Петрова — Mon, 19 Jun 2023 15:27:06 +0000

Подморницата што туристите ја користеа за да го видат потонатиот брод Титаник исчезна денеска во Атлантскиот Океан. Започната е мисија за пребарување и спасување. Крајбрежната стража на Бостон објави дека ја бара подморницата, јави Би-Би-Си. Засега нема информации дали имало патници во подморницата кога исчезнала. Малите подморници се превозно средство за туристите да ги разгледаат остатоците од познатиот брод, кој се наоѓа на длабочина од 3.800 метри, на околу 600 километри од брегот на Њуфаундленд, Канада. Патничкиот брод, кој беше најголемиот брод во своето време, удри во санта мраз на своето прво патување од Саутемптон до Њујорк во 1912 година. Од 2.200 патници и членови на екипажот, повеќе од 1.500 загинаа. Потонатиот брод Титаник беше откриен во 1985 година и оттогаш е внимателно испитан.

ВИДЕО: Погледнете како изгледа тунелот со кружен тек на дното на Атланскиот Океан

Ивона Петрова — Sun, 06 Dec 2020 13:54:44 +0000

Завршени се подводните работи на тунелот со кружен тек кој е изграден во Атланскиот Океан и истиот ќе биде отворен за неколку недели. Како дел од новиот 11 километри долг тунел на дното од океанот кој поврзува два од 18 Фарски острови, кружниот тек не е само функционален туку е и вистинска архитектонска скапоценост. За неговото уредување се погрижил фарскиот уметник Трондур Патурсон. Најниската точка на тунелот се наоѓа на 189 метри под морската површина. Фарскиот парламент во 2014 година ги одобри плановите за изградба на тунелот кој е втор по големина во светот. Тунелот ќе го скрати времето на патувањето меѓу двете места од 64 на само 16 минути, односно од 55 километри патување на 17 километри.

Силен земјотрес во Атлантскиот Океан

Дарко Андоновски — Tue, 11 Dec 2018 06:44:00 +0000

Земјотрес со интензитет од 7,1 степен според Рихтерова скала го погоди денеска јужниот дел на Атлантскиот Океан, северно од Антарктикот, соопшти Геофизичкиот институт на САД. Засега нема информации за евентуални жртви и причинета материјална штета, ниту е издадено предупредување за опасност од цунами. Според некои западни медиуми, првичниот потрес бил 7,5 степени.

Силен земјотрес регистриран во јужниот дел на Атлантски Океан

Ивона Петрова — Tue, 14 Aug 2018 07:50:45 +0000

Земјотрес со интензитет од 6,1 степени според Рихтеровата скала денеска е регистриран во јужниот дел на Атлантски Океан, соопшти Американскиот геофизички институт. Земјотресот бил на длабочина од 35 километри под океанското дно, со епицентар на 126 километри североисточно од островот Бристол, кој е во состав на Јужните Сендвички Острови, бритаска прекуморска територија без постојано население. Не е објавено предупредување за појава на цунами. МИА