Атланта Хоукс – Kurir.mk

Атланта Хоукс го продолжи договорот со Дежонте Мари

Бошко Тасиќ — Sun, 09 Jul 2023 06:59:51 +0000

Екипата на Атланта Хоукс ќе го задржи во своите редови еден од најдобрите кошаркари, Дежонте Мари. Тој ќе потпише нов четиригодишен договор, кој му гарантира заработка од 120 милиони долари. 26-годишниот бек-шутер е една од ѕвездите на тимот и минатата сезона бележеше одличен просек од 20.5 поени, 5,3 скокови и 6,1 асистенции по натпревар. Мари пристигна во Аталанта од редовите на Сан Антонио Спарс и оттогаш се наметна како еден од лидерите на тимот. Навивачите на клубот се среќни и задоволни од потписот, а управата на „јастребите“ официјално ја објави новата соработка.

Игор Кокошков се приклучува на Атланта Хоукс

Бошко Тасиќ — Sat, 27 May 2023 04:27:34 +0000

Поранешниот селектор на српската кошаркарска репрезентација Игор Кокошков е нов помошник на Квин Снајдер во Атланта Хокс. По епизодите со Маверикс и Нетс, следната работна задача на Игор Кокошков ќе биде Атланта Хокс. Исто така, тој повторно ќе се сретне со познатото лице и сонародник, Богдан Богдановиќ. Тие двајца некогаш заедно работеа во Сакраменто Кингс. Кокошков ќе биде најблискиот соработник на Снејдер и главна задача ќе биде да го спроведе она со што го одликуваше години наназад, а тоа е да го унапреди тимот заедно со остатокот од стручниот штаб и да ги направи Хокс поконкурентна екипа.

Милвоки Бакс е шампион на Источната Конференција (ВИДЕО)

Бошко Тасиќ — Sun, 04 Jul 2021 07:31:10 +0000

Милвоки Bакс е противникот на Феникс санс во големото НБА финале, кое ќе започне на 7 јули во 3 часот наутро по средно европско време. Бакси ноќеска се израдуваа на трофејот наменет за најдобрата екипа на Истокот, откако со 118:107 на гости триумфираа против Атланта и со вкупни 4:2 во победи стигнаа до финалето. Тоа како да ги налути гостите, кои иако играа без првата ѕвезда Јанис Адетокумбо, покажаа шампионска игра. со серија од 13:0, прво стигнаа до 60:45, а пред крајот на третиот квартал имаа и највисоки 89:70. Тогаш беше јасно дека Милвоки ќе победи и ќе игра во големото финале, кое го чека речиси половина век. Одново блесна Крис Мидлтон кој заврши со 32 поени, а одличен беше и Џру Холидеј со 27 поени и девет асистенции.За домашната екипа се врати Трае Јанг, но ниту тоа не помогна да се избори „мајсторка“. Клучен период за поразот на Атланта беше очајната одбрана во третата четвртина, кога дозволи да прими дури 44 поени. https://www.youtube.com/watch?v=LLigNSe-hIM

Милвоки ја растури Атланта на домашен терен (ВИДЕО)

Бошко Тасиќ — Sat, 26 Jun 2021 06:43:13 +0000

Екипата на Милвоки во вториот финален меч во Источната конференција ја победи Атланта со високи 125-91 и изедначи во серијата на 1-1. Бакси до триумфот ги предводеше Јанис Адетокумбо со 25 поени , девет скока и 6 асистенции, Холидеј имаше 22 поени додека на другата страна Јанг имаше 15 поени. Кошаркарите на Милвоки доминираа во текот на целиот меч, поведоа со 12-3, по првата четвртина беше 34-28. Главниот удар го зададоа во следниот период, го добија со 43-17. По водството од 77-45 на одморот беше повеќе од јасно кој ќе излезе како победник од оваа пресметка. https://www.youtube.com/watch?v=Z_EGSP2mi1k

Атланта се пласираше во финалето на Источната Конференција

Бошко Тасиќ — Mon, 21 Jun 2021 06:56:53 +0000

Тимот на Атланта Хоукс ќе игра во финалето на источната конференција во НБА лигата против Милвоки Бакс, откако Јастребите ја добија мајсторката против фаворизираната Филаделфија со 103-96. Тре Јанг имаше 21 поен (десет поени во последната четвртина) и 10 асистенции, а џокерот на Хокс беше Кевин Хуртер кој постигна 27 поени. На 76-ките не им помогна добрата игра на Џоел Ембид кој имаше 31 поен и 11 скока. Центарот имаше и осум од 17-те загубени топки на Филаделфија која повторно ги разочара своите навивачи кои очекуваа пласман во конференциското финале. Потфрли Бен Симонс кој заврши со само пет поени. Атланта има два дена одмор, а в среда гостува во Милвоки на првиот меч од финалето на Истокот.

Монструозното издание на Девин Букер кој имаше 40 поени, 13 скока и 11 асистенции, го предводеше Феникс санс до победа над Лос Анџелес клиперс од 120-114 во првиот меч од западното финале. Букер е трет најмлад играч во историјата на НБА зад Лука Дончиќ и Оскар Робертсон кој направил трипл-дабл во плејофот, во меч на кој постигнал 40 поени. Букер е првиот играч на Феникс после Стив Неш од 2005 година, кој направил трипл-дабл на плејоф натпревар.

Атланта и ЛА Клиперс на чекор до пласман во конференциско финале

Бошко Тасиќ — Thu, 17 Jun 2021 06:22:05 +0000

Атланта поведе со 3:2 во победи против Фиалделфија, откако стигнаа до победа на гости од 109:106. На следниот меч Атланта на свој терен ќе има меч топка за да стигне до финалето на Источната конференција. На четири минути до крајот, Филаделфија имаше предност од 104:94, а потоа следи шоу на гостите. Во решавачките минути, Јастребите направија неверојатна серија од 15:0, за водство од 109:104 и чудесна победа. Само три пати претходно во историјата на НБА плејофот еден тим успевал да се победи, ако по три четвртини имал заостанување од дури 18 разлика. Во останатите 476 случаи, победувала екипата која имала предност. Тре Јанг со 39 поени беше најефикасен кај гостите, додека Ембид даде 37 поени и 13 скока за Филаделфија. На гости победи и Лос Анџелес клиперс и тоа кај Јута со 119:111. Пол Џорџ беше незадржлив и заврши со 37 поени и 16 скока, додека кај Јута најпрецизен беше Богдановиќ со 32 поени. Следниот меч се игра во Лос Анџелес, а Клиперс ќе има шанса да се радова на пласман во финалето на Западот.