атлетичар – Kurir.mk

Атлетичар го продава првиот олимписки медал во историјата на Боцвана

Ивона Петрова — Thu, 11 May 2023 17:55:40 +0000

Атлетичарот од Боцвана, Најџел Ејмос, најави дека го продава првиот олимписки медал во историјата на оваа африканска држава, кој го освои на Игрите 2012 во Лондон, бидејќи мора да го издржува своето семејство по изречената тригодишна суспензија поради допинг. Ејмос беше суспендира на 3 мај, откако беше позитивен на метаболит на тестирањето пред ланското Светско атлетско првенство во Јуџин. „Имав средба со тим кој сака да го купи олимпискиот медал за 4.5 милиони боцвански пули (339.750 долари), но кога документарецот за мојот живот ќе биде достапен на Нетфликс, вредноста би можела да порасне на 7.5 милиони пули“, изјави 29-годишниот атлетичар. Ејмос на трката на 800 метри на Игрите 2012 во Лондон го освои среброто, што беше прв олимписки медал во историјата за Боцвана.

Атлетичар во Супермен стил стигна до победа (ВИДЕО)

Ристе Здравков — Mon, 04 Jul 2022 12:57:38 +0000

На Атлетскиот шампионат на Португалија присутните беа сведоци на малку неверојатна ситуација во која атлетичарот Жоао Витор Оливеира дојде до победа со тоа што „се фрли главечки“ и стигна до целта пред својот противник. Оливеира, претставник на популарниот локален клуб СЛ Бенфика, во финишот на трката се бореше со Абдел Ларинага, натпреварувач на Спортинг од Лисабон, а трката беше решена на филмски начин бидејќи Оливеира буквално се фрли главечки и на тој начин претекна неговиот противник и стигна до победата.

Dejar todo para ganar, nivel Vítor Oliveira en la final del Campeonato de Atletismo de Portugal. La inteligencia (y la picardía) al poder.pic.twitter.com/MZRmkti9mJ
— VarskySports (@VarskySports) July 2, 2022

Тој ја мина целта со време од 13:83, што беше за 0,03 секунди побрзо од Ларинага. Тамошните медиуми пишуваат дека се работи за спортист роден во Бразил, кој во тимот на Бенфика се приклучил во декември 2017 година. Три години откако стана член на овој клуб, тој доби португалско државјанство. Тие исто така додаваат дека ова не му било првпат да се фрли така во финишот на трката, наведувајќи дека истото го направил на Олимписките игри во Рио во 2016 година и на трката од португалскиот шампионат во 2019 година.

When you literally do whatever it takes to win...

Vítor Oliveira held nothing back the final of the Athletics Championship of Portugal 😮

h/t @VarskySports pic.twitter.com/UGXno7yg18
— CBS Sports (@CBSSports) July 2, 2022

„Сакам да ја направам Македонија горда“ – за Стојоски е чест да настапува под македонско знаме во Токио

Ивана Ефремовски — Wed, 28 Jul 2021 08:42:21 +0000

Македонскиот атлетичар ги прави последните подготовки пред настапот на Олимписките Игри во Токио. Трката на 400 метри е закажана за први август. Јован Стојоски веќе во Токио. Македонскиот атлетичар со нетрпение го очекува својот деби настап на едни Олимписки Игри, сонот на секоја спортист. Стојоски на ЛОИ во Токио ќе настапи на трката на 400 метри која е закажана за први август, во 3:45 часот. Тој ги користи последните денови за максимална подготовка за најголемиот предизвик во неговата кариера. Добро знае што значи да се настапува под знамето на една земја. - Задоволен сум од подготовките кои што ги одработив. За Токио се подготвував две години. Олимписките игри се сон за секој спортист, голем предизвик. За мотивот не треба да се зборувам премногу. Предизвикот е голем, имам голема чест, да настапувам под македонското знаме, тоа ми дава обврска да дадам се од себе. Никогаш не сум се штедел, вака ќе биде и на трката. Сакам да ја направам Македонија горда. Конкуренцијата ќе биде голема, но тоа го прави чувството посебно. Имам искуство на другите натпреварувања, се надевам дека ќе успеам да остварам резултат за почит, истакна атлетичарот Јован Стојоски. Настапот на ЛОИ во Токио ќе биде дополнително искуство за предизвиците кои ги има поставено македонскиот атлетичар. - Иако е рано, но моја следна цел се Олимпијадите во Париз и Лос Анџелес. Нема да застанам, сакам да носам успеси, сакам да ја правам Македонија горда, додаде атлетичарот. РЕДАКЦИЈАТА НА КУРИР МУ ПОСАКУВА УСПЕШЕН НАСТАП

Атлетската јавност во шок: Во сообраќајна несреќа загина светскиот шампион на 400 метри со пречки

Дарко Андоновски — Wed, 08 Aug 2018 09:02:27 +0000

Поранешниот светски шампион на 400 метри со пречки, кениецот Николас Бет почина на 28-годишна возраст во сообраќајна несреќа. Бет само што се врати од Националното првенство во Нигерија, загина во судир со автомобил во градот Нанди, северозападна Кенија. Ќе остане запаметен по тоа што пред три години на Светското првенство во Пекинг на Кенија и го донесе првото злато на патека покуса од 800 метри. Атлетската федерација на Кенија ја потврди смртта на Бет преку социјалните мрежи, а тамошниот министер за спорт Рашид Ешес изрази сочувство до семејството.