атлетик билбао – Kurir.mk

Како дојде до тоа Валверде да се врати на клупата на Атлетик Билбао?

Ивана Ефремовски — Thu, 30 Jun 2022 17:07:24 +0000

Шпанскиот стратег Ернесто Валверде (58) денеска официјално седна на клупата на Атлетик Билбао што беше најавено минатиот петок, кога Јон Уриарте победи на изборите за претседател на баскискиот клуб. Валверде беше главен кандидат за тренерското место на Уриарте и неговиот против кандидат Рикардо Баркала, додека третиот претседателски кандидат Инаки Аречебалета сакаше на клупата да го донесе аргентинскиот тренер Марсело Биелса. Валверде, кој трет пат се враќа во Атлетик Билбао, ја почна својата тренерска кариера во баскискиот прволигаш како помошник во сезоната 2001/02, а две години подоцна беше назначен за шеф на стручниот штаб. По ангажманите во Еспањол, Олимпијакос, Виљареал и Валенсија, во 2013 година Валверде се врати во Атлетик и седеше на клупата во следните четири години. Потоа дојде повик од Барселона, кој Валверде не можеше да го одбие, и остана во каталонскиот клуб до 2020 година. Барселона беше негов последен ангажман. (МИА)

Валверде се врати на клупата на Атлетик Билбао

Ивана Ефремовски — Sat, 25 Jun 2022 16:07:30 +0000

Третпат во својата тренерска кариера шпанскиот стратег Ернесто Валверде седнува на клупата на Атлетик Билбао, објавија денеска шпанските медиуми. Назначувањето на Валверде доаѓа по претседателските избори во баскискиот клуб на кои победи Јон Уријарте. Валверде беше негов главен кандидат за нов тренер и наскоро треба официјално да биде промовиран во шеф на стручниот штаб на шпанскиот прволигаш од Билбао. Валверде ја почна својата тренерска кариера во Атлетик како помошник во сезоната 2001/02, а две години подоцна беше назначен за шеф на стручниот штаб. По ангажманите во Еспањол, Олимпијакос, Виљареал и Валенсија, во 2013 година Валверде се врати во Атлетик и седеше на клупата во следните четири години. Потоа дојде повик од Барселона, кој Валверде не можеше да го одбие, и остана во каталонскиот клуб до 2020 година. Барселона е негов последен ангажман. (МИА)

Биелса го носи Гризман во Атлетик Билбао

Тале Кристо — Fri, 17 Jun 2022 12:45:02 +0000

Аргентинскиот фудбалски стратег Марсело Биелса најави дека доколку биде поставен за тренер на Атлетик Билбао ќе го донесе во редовите на баскискиот клуб францускиот напаѓач Антоан Гризман. Името на Биелса се споменува како можен нов тренер на Атлетик Билбао, откако еден од кандидатите за претседател на клубот, Инјаки Аречабалета, го најави тоа во случај да победи на претседателските избори. Биелса е без ангажман од февруари годинава кога доби отказ во премиерлигашот Лидс. Според шпанските медиуми, Биелса веќе се договорил со Гризман, кој му ветил на аргентинскиот стратег дека ќе ја продолжи кариерата во клубот од Баскија. Гризман има договор со Атлетико Мадрид до 30 јуни.

УЕФА го прогласи најдобариот професионален клуб во сезоната

Ивона Петрова — Tue, 05 Apr 2022 07:46:08 +0000

Шпанскиот Атлетик од Билбао ја доби наградата на Европската фудбалска асоцијација, „Grassroots Football Awards“ која се доделува за најдобар професионален клуб на континентот во сезоната, објавено е на веб-страницата на организацијата. Како што е наведено, Атлетик извршува важни општествени задачи. Конкретно, клубот има вграден систем за тренирање и одлично работи со младите играчи. Фудбалските награди Грасрутс се доделуваат од 2010 година. Меѓу претендентите за неа годинава беа унгарскиот Ференцварош и литванскиот Вилнус. Белгиецот Ик Дин беше прогласен за најдобар аматерски клуб.

Чави: Две загубени титули се два тешки удара

Тале Кристо — Fri, 21 Jan 2022 08:30:58 +0000

Тренерот на Барселона, Чави ги сподели своите размислувања по натпреварот со Атлетик (2:3, продолженија) во 1/8 финалето од Купот на Шпанија. – Две загубени титули се два тешки удара. Мора да продолжиме да се бориме, нема друг излез, рече тренерот. На прес-конференцијата по синоќешниот пораз Чави беше прашан и што мисли за неуспехот на Барселона. – Не ми се допаѓа тој збор. Ако е така, тогаш ќе извлечеме поука. Ни остануваат уште две војни за да се бориме до крај, Ла Лига и Лига Европа, одговори Чави. Покрај Атлетик, синоќа место во четвртфиналето во Копа дел Реј обезбеди и Реал Мадрид.

Играчот на Билбао постави нов рекорд, 5 години без пропуштен натпревар во Ла Лига

Ивона Петрова — Sat, 02 Oct 2021 13:38:56 +0000

Дуелот на Атлетик Билбао и Алавес влезе во историјата на шпанскиот елитен фудбал. Баскијците на „Сан Мамеш“ победија до 1:0 но во прв план изби остварувањето на нивниот напаѓач. Инаки Вилијамс го одигра 203 меч во низа во Ла Лига, а серијата ја започна во април 2016 година. Со ова тој влезе во историјата на Ла Лига.

🤯 He hasn't missed a league game since April 2016! #bbcfootball
— BBC Sport (@BBCSport) October 1, 2021

Инаки Вилијамс нов рекордер во Ла Лига

Бошко Тасиќ — Fri, 01 Oct 2021 20:43:02 +0000

Фудбалерот на Атлетик Билбао, Инаки Вилијамс, постави нов рекорд во шпанското фудбалско првенство. Со вечерашниот настап против Алавес, Вилијамс стигна до 203 настап по ред во Ла Лига, со што го надмина досегашниот рекорд на Јон Андони Ларанага од Реал Сосиедад, кој беше актуелен од 1992 година. Инаки Вилијамс ја започна серијата во 34. коло од сезоната 2015/16, што значи дека нема пропуштено натпревар во домашното првенство од април 2016 година. Рекордот на Инаки е далеку зад тие во другите квалитетни лиги во Европа, па во Германија сопственик е Сеп Мајер со 442 настапи по ред, додека во Англија Бред Фридел е рекордер со 310 настапи во серија.

Куман: Ремито со Атлетик е реално

Ивона Петрова — Sun, 22 Aug 2021 07:36:07 +0000

Тренерот на Барселона, Роналд Куман го оцени како реален нерешениот резултат на синоќешниот натпревар со Атлетик Билбао од второто коло во шпанското првенство. – Тоа беше одличен меч од многу аспекти на фудбалот. Мислам дека го направивме животот премногу тежок за себе на почетокот на средбата. Ни недостасуваше смиреност во првите 15 минути. Треба да се забележи расположението на играчите, особено по таква игра. Мислам дека ремито е фер. Имавме можност да победиме, но Атлетик беше на високо ниво. Не можам да бидам незадоволен од резултатот, изјави Куман за „Марка“. По овој натпревар, Барселона има четири бода, додека Атлетик два. Каталонците во следното коло ќе се сретнат со Хетафе на 29 август, баскискиот клуб ќе игра на гости кај Селта ден порано.

Овој фудбалер стана првиот играч за врска кој постигнал 100 гола во Ла Лига во 21. век

Дарко Андоновски — Tue, 26 Jan 2021 07:53:49 +0000

Играчот за врска на Атлетик Билбао, Раул Гарсија беше двоен стрелец синоќа на мечот од 20. коло на Шпанското првенство против Гетафе (5:1). Триесет и четиригодишниот Шпанец стана првиот играч за врска кој постигнал 100 гола во Ла Лига во 21-от век. Гарсија има 54 гола за Атлетик, 26 за Атлетико Мадрид и 20 за Осасуна. Во тековната сезона, Гарсија одигра 21 натпревар, постигна шест гола и направи две асистенции.

Марселињо: Секогаш е убаво да се победи Реал

Тале Кристо — Fri, 15 Jan 2021 07:38:51 +0000

Тренерот на Атлетик Билбао, Марселињо Торал ги сподели своите емоции по триумфот (2:1) над Реал Мадрид синоќа во полуфиналето на шпанскиот Суперкуп. – Големи емоции, да се победи Реал е секогаш задоволство. Фудбалерите покажаа одлична концентрација и кохезија. Јас сум многу задоволен. Атлетик нема победа на 11 натпревари против Реал Мадрид. Драго ми е што од моментот на моето пристигнување, работата со играчите беше веднаш подобрена изјави Марселињо за „Марка“. Атлетик во финалето на Суперкупот на Шпанија ќе игра против Барселона. Натпреварот ќе се одржи на 17 јануари во Севилја. Почетокот е во 21 часот.