атлетика – Kurir.mk

Атлетичарка од Етиопија за две минути го подобри светскиот рекорд во маратон

Бошко Тасиќ — Mon, 25 Sep 2023 04:27:22 +0000

Атлетичарката од Етиопија, Тигст Асефа, е нова рекордерка во најтешката дисциплина во женска конкуренција, маратонот, со време од 2:11.55. Таа ова постигнување го оствари на маратонот во Берлин, трчајќи за повеќе од две минути побрзо од претходната сопственичка на рекордот, Косгеи од Кенија, која имаше време од 2:14.04. Асефа со овој резултата се надмина себеси и постави време кое ќе биде тешко да се подобри во блиска иднина. Интересно, нејзиниот резултат беше за само девет минути послаб од победникот на машкиот маратон, Елиуд Кипчоге од Кенија, кој патеката во Берлин ја мина за 2:02.42.

ВИДЕО: Ваков скок ретко се гледа, атлетичар ја шокираше публиката

Ивона Петрова — Fri, 25 Aug 2023 18:32:44 +0000

Неверојатна сцена се случи на Светското првенство во атлетика во Будимпешта. Јамајканскиот атлетичар Кери Меклеод го одбележа вчерашниот натпреварувачки ден со својот скок. Имено, за време на скокот во далечина, Меклеод изгуби рамнотежа, се сврте и прилично незгодно падна. Скокот веднаш стана популарен на социјалните мрежи, а Меклеод префрли осум метри, но поради прекршокот скокот не беше регуларен.

Jamaica's Carey McLeod 𝙎𝙇𝙄𝙋𝙎 before his jump and lands hard in the pit 😖💥 pic.twitter.com/jDQ6QsCyNQ
— Eurosport (@eurosport) August 24, 2023

Шпанец го освои првото злато на СП во атлетика

Бошко Тасиќ — Sat, 19 Aug 2023 15:06:02 +0000

Шпанецот Алваро Мартин го освои првиот златен медал на Светското првенство во атлетика кое од денеска се одржува во Будимпешта. Мартин триумфираше на трката во дисциплината 20 километри брзо одење со време од 1:17:32 час што претставува најдобар резултат во светот сезонава. Сребрениот медал му припадна на Швеѓанецот Персеус Карлстрем, а бронзениот медал отиде кај Бразилецот Каио Бонфим.

Светската рекордерка на 400 метри се повлече од СП

Бошко Тасиќ — Sun, 13 Aug 2023 15:45:51 +0000

Американската атлетичарка Сиднеј Меклафлин-Леврон, светската рекордерка и актуелна олимписка шампионка во трката на 400 метри со пречки, објави дека поради повреда на коленото нема да учествува на претстојното Светско првенство во Будимпешта. „По разговорот со моите лекари и тренери, треба да решам мал проблем со моето колено за да бидам целосно подготвен за Олимпијадата во 2024 година. Со нетрпение очекувам да се вратам на патеката наскоро“, напиша 24-годишниот спортистката на својот Инстаграм профил.

Поставен нов македонски рекорд во скок во далечина

Бошко Тасиќ — Thu, 25 May 2023 04:48:48 +0000

Македонскиот атлетичар Андреас Трајковски кој долги години живее и тренира во Данска денес постави нов рекорд во скок во далечина. Трајковски на атлетискиот митинг во Калитеа, Грција во третата серија прескокна 7.79 метри и така го собори претходниот државен рекорд (7.60) кој исто така беше во негова сопственост. На митингот Трајковски го совои четвртото место, повеќе од него скокнаа Мураил Сришинкар од Индија (8.18), Џејсин Андрин Џонсон исто така од Индија (7.87) и Џален Рукер (7.80) од Австралија.

Седмо државно првенство во атлетика за основни и средни училишта во Куманово

Катерина Бојаџиева — Tue, 16 May 2023 15:21:20 +0000

Околу 450 ученици од над 20 основни и 16 средни училишта, од осум градови во државава учествуваа на денешното седмо државно првенство во атлетика кое се одржа на атлетскиот полигон во Куманово, соопштија денеска од секторот за образование од општина Куманово. Државното првенство во атлетика за средни и основни училишта, го организира Федерацијата на училишен спорт, преку општински сојуз на училишен спорт и атлетски клуб Куманово. Првенството го отвори Александар Јовановиќ, раководител на Сектор за образование при општина Куманово, кој истакна дека спортските активности претставуваат стекнување на вештини и навики, кои водат кон подобрување на здравствената состојба и развој на физичката кондиција како потреба за здрав живот. Градоначалникот Максим Димитриевски на средбата со организаторите на државното првенство потенцираше дека општина Куманово ќе продолжи да инвестира во развој на училишниот спорт, кој ќе ги задоволи интересите и потребите за спортување. - Целта е постигнување на ефекти врз севкупниот статус кај учениците, кои ќе можат да ги покажат спортските капацитети во системот на натпреварување во училишниот спорт, информираат од секторот за образование.

Ша Кери Ричардсон во Доха го урна рекордот на легендарната Тори Боуви

Бошко Тасиќ — Sat, 06 May 2023 05:07:39 +0000

Американската спринтерка Ша’Кери Ричардсон истрча 10.76 секунди на 100 метри на митингот од Дијамантската лига во Доха и го сруши рекордот на митингот на нејзината сонародничка, 32-годишната Тори Боуви, која неодамна беше пронајдена мртва во својата куќа додека била бремена во седми месец. Ричардсон постави најдобро време оваа сезона, победувајќи ги Јамајчанката Шерика Џексон (10.85) и Британката Дајна Ашер-Смит (10.98).

Атлетиката во ШОК- на 32 години почина светска шампионка на 100 метри и освојувач на олимписко злато

Бошко Тасиќ — Thu, 04 May 2023 04:44:17 +0000

Атлетиката е во жалост и завиена во црно. Како што јави Би-Би-Си, на 32-годишна возраст почина американската спринтерка Тори Боуви, трикратна олимписка медалистка и светска шампионка на 100 метри. Боуви освои олимписко злато во штафетата 4х100 метри на Олимписките игри во Рио де Жанеиро во 2016 година, како и сребро во трката на 100 метри и бронза на 200 метри. Следната година, таа стана светски шампион во трката на 100 метри, како и во штафетата 4h100, на шампионатот одржан во Лондон.Информациите за тоа како оваа позната 32-годишна жена починала толку млада се уште не и се познати на јавноста. -Срцето ми се кине за семејството на Тори Боуви. Таа беше голем конкурент и извор на светлина. Твојата енергија и насмевка секогаш ќе бидат со мене. Почивај во мир – порача на социјалните мрежи актуелната светска шампионка на 100 метри Шели-Ен Фрејзер-Прајс.

Поранешен светски шампион во атлетика ја загуби битката со леукемијата

Бошко Тасиќ — Sat, 18 Feb 2023 05:09:28 +0000

Поранешниот светски шампион во скок со стап, Тим Лобингем, почина на 51-годишна возраст. Германецот во последните пет години боледуваше од леукемија, а по првите третмани, во 2018 година успеа да ја добие првата битка. Тогаш објави дека ја победи болеста, но две години подоцна, Лобингер објави дека леукемијата се врати. Минатата година Лобингер во изјава за „Билд“ зборуваше за болеста и откри дека лекарите му порачале да се прости од најблиските бидејќи не може да ја добие битката. „За мене повеќе нема спас, болеста премногу напредуваше. Докторите во февруари ми рекоа дека смртта се ближи. Ми рекоа да се простам од семејството и пријателите. Разговорот со децата беше многу тежок, но знаат колку е тешка ситуацијата“, изјави тогаш Лобингер. Лобингер во 2003 година триумфира на Светското првенство во сала што се одржа во Бирмингам, а во 1998 година стана и Европски шампион.

Бирмингем домаќин на Европското првенство во атлетика во 2026 година

Бошко Тасиќ — Mon, 14 Nov 2022 06:26:25 +0000

Конгресот на Европската атлетска федерација во Варшава донесе одлука за некои големи настани од „кралицата на спортовите“ во иднина. Европското атлетско првенство на отворено во 2026 година ќе се одржи во Бирмингем. Овој град ќе биде прв англиски домаќин на ова натпреварување. Европското првенство ќе се одржи на неодамна реновираниот стадион „Александер“, на кој претходно оваа година се одржаа Игрите на Комонвелт. „Британската јавност исклучително ја цени врвната атлетика, а гледачите се меѓу најголемите познавачи во светот. Уверени сме дека најдобрите европски атлетичари ќе се натпреваруваат пред полни трибини“, рече претседателот на Eвропската атлетска федерација (ЕА), Добромир Карамиранов. Следното Европско првенство ќе се одржи во Рим од 7 до 12 мај 2024 година.