АТП Куп – Kurir.mk

Канада и Шпанија во финалето на АТП купот

Бошко Тасиќ — Sat, 08 Jan 2022 15:38:26 +0000

Канада и Шпанија ќе играат во финалето на АТП купот во недела, откако Канаѓаните во драматичниот одлучувачки меч во двојки беа подобри од актуелните шампиони, Русија. Денис Шаповалов и Феликс Оже-Алијасим се вратија од сет негатива за 6:4/7:5/10:7 победа над Данил Медведеви Роман Сафјулин за прв пласман во финалето на турнирот, кој претходно беше познат како Хопман куп. Претходно, светскиот број 14. Шаповалов со 6:4/5:7/6:4 го победи 167-рангираниот Сафјулин, пред светскиот број 2, Медведев со 6:4/6:0 да го декласира Оже-Алијасим.

Ѓоковиќ ќе учествува на АТП купот во Сиднеј

Магдалена Андонова — Tue, 07 Dec 2021 17:37:45 +0000

Најдобриот светски тенисер, Србинот Новак Ѓоковиќ се наоѓа на списокот репрезентативци за настап на претстојниот АТП куп во Сиднеј, закажан од 1. до 9 јануари, објавија денеска австралиските организатори. Освојувачот на 20 гренд-слем титули претходно го доведе во прашање својот настап на првиот календарски Гренд слем турнир Австралија опен, одбивајќи да одговори дали е вакциниран против коронавирус, што е услов за влез во австралиската сојузна држава Викторија. АТП купот не наметна обврска за задолжително вакцинирање, но секој патник за влез во Австралија мора да покаже потврда за вакцинирање или да мине 14 дено ви во карантин. Невакцинираните тенисери во тој случај мораат да пристигнат во Сиднеј најдоцна до 16 декември. Од 20-те најдобро рангирани светски тенисери на АТП купот во Сиднеј ќе недостигаат само двајца – Шпанецот Рафаел Надал и Швајцарецот Роџер Федерер. Титулата ја брани Русија, која во Сиднеј ќе допатува во истиот состав, кој во неделата го освои Дејвис купот со триумфот во финалето над Хрватска.(МИА)

Каспер Руд е хитот на Мастерсот во Торино

Бошко Тасиќ — Fri, 19 Nov 2021 16:48:33 +0000

Норвешкиот тенисер Каспер Руд денес се пласираше во полуфиналето на завршниот турнир во Торино откако го победи петтиот тенисер во светот Андреј Рубљев со 6:2, 5:7 и 7:6. Осмиот играч во светот победи после два часа и 23 минути игра. Рубљев во првиот сет и поведе во мечот. Добро го започна и вториот сет, направи брејк со 2:1, а Руд веднаш во наредниот гем го врати брејкот и изедначи. Потоа освојуваа гемови на свои сервиси до 12. кога Норвежанецот повторно направи брејк и изедначи во мечот. Двајцата во третиот сет направија по еден брејк и се играше тај-брејк кој Руд го доби со 7.5 и првпат во кариерата ќе игра полуфинале на завршниот турнир. Во сабота тој ќе игра против рускиот тенисер Данил Медведев. Во второто полуфинале играат Ѓоковиќ и Александар Зверев.

ВИДЕО: Македонец направи хаос на трибините на АТП купот додека играа Србија и Русија

Ивона Петрова — Mon, 13 Jan 2020 11:58:43 +0000

Вистинска еуфорија на трибините предизвика навивач на Србија за време на натпревар на АТП купот во Сиднеј. Сред драматичното полуфинале меѓу Србија и Русија, тој од трибите на труба го засвири „Маршот на Дрина“ и предизвика хаос на гледалиштето. Српските медиуми јавуваат дека се работи за Македонец Тони, кој е роден во Сиднеј. Тој самиот истакнал дека е „многу активен во локалната српска заедница“.

Naši navijači na ATP kupu u Sidneju! pic.twitter.com/yryrTjwIrL
— Bega? (@Bega_bez_Ega) January 11, 2020

Ѓоковиќ ја одведе Србија во финалето на АТП Купот

Тале Кристо — Sat, 11 Jan 2020 08:23:34 +0000

Србија е првиот финалист на АТП Купот по победата од 3-0 над Русија. Новак Ѓоковиќ го победи Данил Медведев во еден од најдраматичните и најубавите натпревари во три сета во последните години. Светскиот број 2 победи против Русинот со 6-1, 5-7, 6-4 по скоро три часа игра. Натпреварот во двојки на тој начин беше ирелевантен, откако Душан Лајовиќ, во првиот натпревар го изненади и го совлада Карен Хачанов со 7-5, 7-6 (1), со што и даде предност на Србија. Потоа тандемот Троицки / Чачиќ ги победи своите противници Габашвили / Кравчук со 6-4, 7-6 (7). Во финалето „плавите“ ќе се сретнат со победникот од дуелот Австралија – Шпанија. Натпреварот меѓу нив започнува подоцна.