атп листа – Kurir.mk

Ивановски го бележи најдобриот пласман на АТП листата

Дарко Андоновски — Mon, 16 Oct 2023 07:39:54 +0000

Македонскиот тенисер Калин Ивановски има напредок од 26 позиции на најновата АТП ранг-листа објавена денес. Тој сега се наоѓа на 305. место, што е негов најдобар пласман во кариерата. Ивановски прогресот го направи со освоените 15 бодови и во моментов има 176. Претходно, највисок пласман на АТП-листата за Македонецот беше 306. Место. Лидер во поредокот е Новак Ѓоковиќ (Србија), пред Карлос Алкараз (Шпанија) и Данил Медведев (Русија).

Ивановски „скокна“ 39 места, Алкараз е прв со 880 поени повеќе од Ѓоковиќ

Ристе Здравков — Mon, 17 Jul 2023 10:21:04 +0000

Калин Ивановски и Лина Ѓорческа напредуваа на најновата АТП односно ВТА листата. Ивановски „скокна“ 39, а Ѓорческа 25 места. Ивановски, минатата недела стигна до четвртфиналето на Челинџерот во Јаши, Романија. Пласманот меѓу најдобрите осум на овој турнир му овозможи напредок од 39. позиции на АТП листата. Ивановски се наоѓа на 331. место, што е негов најдобар пласман во кариерата. На врвот на АТп листата нема промени, Карлос Алкараз е прв со 880 поени повеќе од Новак Ѓоковиќ. Лина Ѓорческа напредуваше 25 позиции благодарение на пласманот во полуфиналето на Фјучерсот во Рим. Од денес, Ѓорческа се наоѓа на 224. место на ВТА листата. Кај дамите прва е Ига Швјонтек пред Арина Сабаленка и Елена Рибакина. Најголем скок направи победничката на Вилблдон, Маркета Вондрушова. Тенисерката од Чешка напредуваше 32 места, со што се најде на 10. место на листата.

Новак Ѓоковиќ ќе остане прв на АТП-листата и по турнирот во Мадрид

Бошко Тасиќ — Tue, 02 May 2023 04:41:25 +0000

Српскиот тенисер Новак Ѓоковиќ не настапи во Мадрид поради повреда на лактот, која го мачеше во Монте Карло, но и покрај тоа ќе остане прв на АТП-листата. Ѓоковиќ ја почна 385. недела на тронот на АТП-листата со 7.135 бодови и кога ќе заврши мастерсот во Мадрид, тој ќе има 6.775 поени. Засега не е познато само колку поени ќе остане пред Карлос Алкараз, кој ја брани титулата во Мадрид, а доколку загуби тоа значи дека ќе се зголеми разликата меѓу двајцата тенисери. На најновата ранг-листа, која беше објавена Србиот има 7.135 бодови, Алкараз следи со 6.770 бода, а Данил Медведев е трет со 5.240 поени.

Надал би можел да испадне од топ 10 за прв пат од 2005 година

Дарко Андоновски — Tue, 28 Feb 2023 11:35:47 +0000

Дваесет и двократниот грен слем шампион Рафаел Надал, кој моментално е бр. 8 на АТП-листата, следниот понеделник би можел да испадне од топ 10. Ова ќе се случи ако следните услови се исполнети истовремено: Деветтопласираниот Феликс Оже-Алиасим ќе стигне до полуфиналето во Дубаи; десеттиот на АТП ранг-листата Холгер Рун стигне до полуфиналето во Акапулко; 11-от Хуберт Хуркач стигне до финалето во Дубаи. Ако еден од овие услови не се исполни, а Надал го пропушти Мастерсот во Индијан Велс, тој и онака најверојатно ќе испадне од топ 10, бидејќи 600 поени од ланското финале нема д аги одбрани. Шпанецот ниту еднаш не испаднал од топ 10 откако го имаше своето деби таму на 25 април 2005 година.

Ивановски напредува на АТП-листата, прв пат меѓу најдобрите 500 тенисери

Ивана Ефремовски — Mon, 13 Feb 2023 09:03:44 +0000

Најдобриот македонски тенисер Калин Ивановски продолжи да се искачува на АТП ранг-листата на која од денеска за прв пат во кариера се наоѓа меѓу најдобрите 500 тенисери.

Младиот 18-годишен Ивановски на најновата ранг-листа е позициониран на 494. место, напредувајќи за десет места во однос на претходното рангирање.

Ивановски изминатиот период настапи на четири фјучерс-турнири во Тунис, на кои два пати дојде до финалето.

Македонскиот тенисер поради повреда вчера го откажа настапот во финалето на турнирот во Монастир.

На врвот на АТП-листата и натаму е српскиот тенисер Новак Ѓоковиќ, кому сега му недостига уште една недела на врвот да го израмни апсолутниот рекорд што го држи поранешната германска тенисерка Штефи Граф, која беше на чело на ВТА-листата 377 недели. (МИА)

Ѓоковиќ се врати на првото место на АТП ранг-листата

Ивона Петрова — Mon, 30 Jan 2023 08:10:39 +0000

Српскиот тенисер Новак Ѓоковиќ се врати на првото место на АТП ранг-листата објавена денеска. По освојувањето на Австралија опен, 35-годишниот Ѓоковиќ со 7070 поени изби пред Шпанецот Карлос Алкараз (6730). Третото место го зазема финалистот на Австралија опен Стефанос Циципас (6195). Во Топ-5 светски тенисери се уште и: Каспер Руд (Норвешка) – 5765 бодови и Андреј Рубљов (Русија) – 4200. Од првата „5“ испадна Шпанецот Рафаел Надал. Тој од второто падна на шестото место, откако не ги одбрани бодовите на Австралија опен поради раната елиминација. Надал загуби 1955 бода и сега има 3815.

АТП: Шаповалов и Нишиока во финалето во Сеул

Дарко Андоновски — Sat, 01 Oct 2022 11:55:28 +0000

Канадскиот тенисер Денис Шаповалов и Јошихито Ношиока од Јапонија ќе играат во утрешното финале на АТП турнирот во Сеул. Шаповалов, 24. рангиран на АТП листата, беше поуспешен во денешното полуфинале од американскиот тенисер Џексон Бруксби (АТП – 46) со 7-5, 6-4. Нишиока, (56. на АТП ранг-листата), во полуфиналето го совлада Александар Ковачевиќ од САД(АТП – 222) со 6-3, 4-6, 6-3. Финалето е на програмата в недела со почеток во 8:30 часот по средноевропско време.

Ѓоковиќ ја почна 368. недела на врвот на АТП листата

Ивона Петрова — Mon, 02 May 2022 10:37:04 +0000

Српскиот тенисер Новак Ѓоковиќ денеска ја почна 368. недела на првото место на АТП листата и со тоа продолжи да го подобрува сопствениот рекорд според бројот на седмици минати на врвот на светскиот тенис. Како и минатата недела, Ѓоковиќ има 8.400 бодови, 320 повеќе во однос на рускиот тенисер Данил Медведев на второто место. Зад Ѓоковиќ и Медведев се Германецот Александар Зверев, Шпанецот Рафаел Надал и Гркот Стефанос Циципас во Топ 5.

Медведев нов лидер на АТП листата, Ѓоковиќ симнат по 361 недела

Ивона Петрова — Mon, 28 Feb 2022 07:30:55 +0000

Рускиот тенисер Данил Медведев е нов лидер на светската ранг-листа. Здружението на тениски професионалци (АТП) денес го објави најновиот поредок на најдобрите на кој по рекордни 361 недела првото место го загуби Србинот Новак Ѓоковиќ. Новиот прв светски рекет има 8.615 бодови, додека Ѓоковиќ 8.465 бода. Во ТОП 10 тенисери на светот уште се: Александар Зверев (7.515 бодови), Рафаел Надал (6.515), Стефанос Циципас (6.445), Андреј Рублев (5.000), Матео Беретини (4.928), Каспер Руд (3.915), Феликс Оже-Алиасим (3.883) и Хуберт Нуркач (3.496).

Ѓоковиќ го задржа врвот, Федерер со најлош пласман на АТП ранг-листата од 2001 година

Ивона Петрова — Mon, 31 Jan 2022 09:19:15 +0000

По завршувањето на првиот годинашен Грен слем, на ранг-листата на АТП во првите десет позиции има само една промена. Беретини од седмото напредуваше на шестото место на сметка на Рубљев. И натаму лидер е Ѓоковиќ кој го пропушти Австралија опен поради проблеми со визата. Ветеранот Роџер Федерер падна на 30-то место, што е негова најлоша позиција од јануари 2001 година. Пласман на најдобрите 10 тенисери во светот: 1. Новак Ѓоковиќ (Србија) 11 015 бодови 2. Данил Медведев (Русија) 10 125 3. Александар Зверев (Германија) 7 7804. Стефанос Циципас (Грција) 7 170 5. Рафаел Надал (Шпанија) 6 875 6. Матео Беретини (Италија) 5 278 7. Андреј Рубљов (Русија) 4 830 8. Каспер Руд (Норвешка) 4 065 9. Феликс Оже-Алиасиме (Канада) 3 923 10. Јаник Синер (Италија) 3 705. з