АТП Мадрид – Kurir.mk

Карлос Алкарас го освои турнирот во Мадрид

Бошко Тасиќ — Mon, 08 May 2023 03:49:08 +0000

Шпанскиот тенисер Карлос Алкарас ја оправда улогата на фаворит и успеа да ја освои титулата на АТП Мастерсот во Мадрид. Шпанецот во големото финале важеше за апсолутен фаворит во пресметката со Јан-Ленард Штруф, но мораше добро да се испоти за да дојде до посакуваниот резултат. Два ипол часа Алкарас и Штруф водеа борба во шпанската престолнина за да на крајот се заврши со резултат 2-1 во сетови со 6-4, 3-6, 6-3. Со ова Карлос ја одбрани титулата во Мадрид со што му се приклучи на Рафаел Надал како единствени тенисери со ваков учинок на овој турнир. Воедно стана најмлад играч кој го одбранил пехарот на Мастерс од серијата 1000 по Надал во Монте Карло и Рим во 2005-06. Ова за младиот Шпанецот беше 29 сезонска победа и вкупно 10 пехар во кариерата.

Алкарас со тениска лекција за Зверев во Мадрид

Бошко Тасиќ — Sun, 08 May 2022 18:10:42 +0000

Младиот шпански тенисер Карлос Алкарас стана најмладиот шампион во историјата на АТП Мастерсот во Мадрид, и тоа е сосема заслужено со оглед на квалитетот и формата која ја прикажа во финалниот меч против Александер Зверев. Шпанецот буквално му одржа тениски час на повозрасниот Саша и го декласираше со 6:3 и 6:1, па во меч кој немаше никаква тениска возбуда, покажа дека игра неверојатно добро. Најдобар доказ за тениската лекција е тоа што мечот траеше само еден час и две минути, што доволно говори колку беше еднонасочно ова финале во Мадрид.

Алкараз го победи Надал во Мадрид за полуфинале со Ѓоковиќ

Бошко Тасиќ — Fri, 06 May 2022 19:18:17 +0000

Во шпанскиот дуел на Мастерсот во Мадрид, Карлос Алкараз приреди вистинско изненадување и го совлада Рафаел Надал со 2-1 и закажа полуфинален дуел со Новак Ѓоковиќ. Карлос Алкараз има само 19 години и го совлада Надал по 2 часа и 17 минути игра со 2-6, 6-1 и 6-3. Новак Ѓоковиќ го очекуваше Надал во полуфиналето а и светската тениска јавност, но младиот Карлос Алкараз приреди сензација и ќе игра со Србинот.

Надал ги загрижи своите навивачи пред настапот во Мадрид

Бошко Тасиќ — Sun, 01 May 2022 09:28:06 +0000

Рекордерот по бројот на гренд слем трофеи, пристигна во Мадрид, но и понатаму се чувствува најдобро, па неговиот настап останува неизвесен. Рафаел Надал од почеток на годината, имаше 20 победи по ред, дојде до 21 трофеј во гренд слем конкуренција, но работите во моментов не се баш најдобри за него. Има големи проблеми со повреденото ребро, поради кое доста тешко дишеше во Америка, а сега пред мастерс турнирот во Мадрид и понатаму не се чувствува најдобро. „Тренирав многу малку, моето ребро и понатаму ме боли, а последните две недели беа доста болни за мене. Скоро ништо не можев да работам досега, така да Мадрид ќе биде тежок турнир за мене. Но верувам дека ќе се подготвам за Ролан Гарос“, порача Шпанецот.

Александар Зверев го освои Мастерсот во Мадрид

Бошко Тасиќ — Sun, 09 May 2021 19:55:49 +0000

Германскиот тенисер Александар Зверев триумфира на мастерс-турнирот во Мадрид, Шпанија. Во мечот за титула Германецот го совлада Матео Беретини, со 2-1 во сетови (6-7, 6-4, 6-3). Првиот сет Зверев го загуби по повеќе од еден час игра. Одлучи тај-брејкот, кој му припадна на италијанскиот колега со 8-10. Во вториот сет, доволен беше еден брејк за 6-4, а потоа и сигурен сервис за изедначување на 1-1, додека во третиот, решавачки сет, брејковите за 3-2 и 6-3 го дадоа победникот. На мастерсот во Мадрид ова беше втора титула за Александар Зверев.

Трибините на АТП Мастерсот во Мадрид ќе бидат исполнети до 40 проценти од капацитетот

Бошко Тасиќ — Wed, 21 Apr 2021 19:38:08 +0000

Претстојниот АТП Мастерс турнир во Мадрид ќе биде со присуство на публика. На шест дена до почетокот на турнирот, организаторот одлучи да бидат отворени трибините и тоа со капиацитет од 40 отсто. Турнирот во Мадрид ќе се игра од 27 април до 9 мај. „Ќе се игра со 40 отсто капацитет на трибините, што значи дека најмногу на еден меч, на трибините ќе може да има до 4.800 гледачи. Ова е значително помал капацитет од тој со кој располагаме, но едноставно мора да се гарантира безбедноста на навивачите и да се запази протоколот. Ние ќе бидеме прв спортски настан во Шпанија на кој ќе има публика и мора да бидеме одговорни“, стои во соопштението на организаторот на АТП Мастерсот во Мадрид. Овој турнир минатата година не се одигра поради пандемијата со Коронавирусот.

Федерер сезоната на земјена подлога ќе ја започне од Мадрид

Бошко Тасиќ — Tue, 13 Apr 2021 17:48:21 +0000

Тенискиот Мастерс во Рим оваа сезона ќе се одигра без швајцарскиот тенисер Роџер Федерер. Швајцарскиот тенисер одлучи да ја прескокне италијанската престолнина и ќе ја започне сезоната на земја во Мадрид. 39-годишникот нема да се појави ниту во Монте Карло. Ваквите одлуки се очекувани, со оглед на тешката повреда од која се врати големиот шампион, па неговиот распоред се состои од турнири закажани на неколку недели и месеци. Натпреварите во Рим започнуваат на 9 мај, а титулата ќе ја брани Новак Ѓоковиќ кој минатата година во финалето го победи Диего Шварцман.