АТП Мајами – Kurir.mk

Данил Медведев го освои Мастерсот во Мајами

Бошко Тасиќ — Mon, 03 Apr 2023 04:27:16 +0000

Рускиот тенисер Данил Медведев го освои АТП Мастерс 1000 турнирот во Мајами, откако во финалето го совлада италијанецот Јаник Синер со 2-0. Првиот сет започна одлично за италијанецот кој направи брејк за водство од 3-2. Сепак, Медведев веднаш врати и се играше изедначено се до 6-5. Тогаш Русинот со нов брејк успеа да го освои првиот сет со 7-6. Вториот сет започна исто како што заврши првиот, со брејк за Медведев и водство од 2-0. Синер веднаш врати, но тоа беше се од италијанскиот тенисер на овој натпревар, бидејќи Медведев продолжи во одличен стил и го освои сетот со 6-3. Ова за рускиот тенисер е 19-ти АТП трофеј во кариерата, но и шестти Мастерс 1000. Трофејот во Мајами е четврти оваа сезона за Медведев, откако претходно беше најдобар и во Дубаи, Доха и Ротердам.

Ига Швјонтек се повлече од турнирот во Мајами.

Бошко Тасиќ — Thu, 23 Mar 2023 06:06:10 +0000

Најдобрата тенисерка на светот, Ига Швјонтек се повлече од турнирот од ВТА серијата во Мајами. Полската шампионка поради повреда на градниот кош ја очекува пауза на неопределено време. Исто така, Швјонтек нема да настапи ниту на Били Џин Кунг купот. Последниот настап Швјонтек го имаше во полуфиналето на Индијан Велс, каде што загуби од Рибакина.

Надал се повлече од мастерсот во Мајами

Бошко Тасиќ — Sun, 13 Mar 2022 07:44:52 +0000

Рафаел Надал веќе најави дека нема да игра на следниот турнир од серијата 1.000 во САД, што ќе се одржи во Мајами од 23 март. Шпанецот вели дека мора да го темпира календарот и одиграните мечеви за да може да ја продолжи својата кариера. „Моето стапало не 100 проценти заздравено, имам болки, а веројатно никогаш нема да се ослободам од неа. Во моментов можам да бидам среќен како се одвиваат работите, но јасно ми е дека во еден момент морам да направам пауза. Морам да најдам вистински баланс помеѓу натпреварите и одморот. Ако успеам вистински да го распоредам календарот на турнири, тогаш не можам да побарам ништо повеќе“, рече Надал.