АТП ранг листа – Kurir.mk

Пад за три позиции на Калин Ивановски на АТП ранг листата

Бошко Тасиќ — Mon, 23 Oct 2023 12:15:43 +0000

Новото рангирање на АТП листата не донесе поголеми поместувања за македонските тенисери особено што сите останаа на истиот број на поени од претходната недела. Калин Ивановски има пад од три позиции и сега се наоѓа на 308 место со 176 поени. Горазд Србљак има скок од шест места за моментно 1066 позиција со 10 поени, додека Обрад Марковски е на 1474 место со три поени (скок 11 позиции). Пад на последната ВТА листа забележа и најдобрата македонска тенисерка Лина Ѓорческа. Таа е во моментот е 187. најдобра тенисерка на светот што е за едно место подоле од последната ранг листа. А, пак Магдалена Стоилковска забележа напредок од седум места и во моментот е на 1227. позиција.

Калин Ивановски скокна 46.места за најдобар пласман во кариерата на АТП-листата

Бошко Тасиќ — Mon, 15 May 2023 19:58:08 +0000

Најдобриот македонски тенисер Калин Ивановски со пласманот во финалето на турнирот во Куршумлиска Бања освои бодови кои му донесоа голем скок на АТП-листата. Македонецот скокна за 46 места на АТП-листата, односно го зазема 413. место во светот. Промена ќе има и на самиот врв, каде што Карлос Алкараз ќе го преземе тронот од Новак Ѓоковиќ.

Нишикори испадна од АТП ранг-листата

Ивона Петрова — Tue, 18 Oct 2022 08:09:32 +0000

Поранешниот светски рекет број 4, Кеи Нишикори и официјално отпадна од ранг-листата на АТП. Јапонецот до оваа недела остана во топ 800, но ги изгуби бодови од второто коло од минатогодишниот Мастерс во Индијан Велс. Последен пат тој немаше рејтинг во пролетта 2006 година. Да потсетиме дека во јануари Нишикори беше опериран на колкот и планираше да се врати на турнејата оваа есен.

Ѓоковиќ се искачи на третото место по бројот на недели на чело на АТП ранг листата

Ивона Петрова — Mon, 30 Sep 2019 09:27:37 +0000

Србинот Новак Ѓоковиќ се искачи на третото место според бројот на поминати недели на прво место на АТП рангирањето, објавено е на веб-страницата на тениската организација. Ѓоковиќ има поминато 271 седмица на лидерската позиција и го надмина легендарниот чешки тенисер Иван Лендл кој 270 недели бил на врвот на АТП ранг листата. Подолго време од српскиот тенисер на врвот имаат само Американецот Пит Сампрас (286 недели) и Швајцарецот Роџер Федерер (310).