АТП рим – Kurir.mk

Турнирот во Рим до 2025 година го објави наградниот фонд

Бошко Тасиќ — Thu, 06 Apr 2023 04:24:12 +0000

Организаторите на тенискиот турнир во Рим соопштија дека до 2025 година наградниот фонд ќе биде израмнет и во двете конкуренции ќе се подели идентична сума. Разликата меѓу наградите за победниците кај мажите и жените минатата година беше евидентна. Ига Швјонтек за триумф во женска конкуренција инкасираше 332.260 евра додека шампионот кај мажите Новак Ѓоковиќ доби чек на сума од 836.355 што е скоро тројно повеќе. “Прв пат во историјата почнавме процес со кој во следниве три години ќе го израмниме наградниот фонд во двете конкуренции. Говориме за сума од осум милиони евра за секој турнир и сметам дека можеме да ја постигнеме оваа цел. Првиот чекор беше првата дама која ја врши функцијата на извршна директорка во една голема банка во Италија, кој ни овозможи пристап до повеќе извори на пари”, изјави претседателот на Тенискиот сојуз на Италија, Анџело Бинаго. Тенискиот турнир во Рим оваа година ќе се одржи во периодот од 10 до 21 мај и е последно загревање за најдобрите тенисер пред стартот на вториот Гренд слем во сезоната, Отвореното тениско првенство на Франција.

Ѓоковиќ триумфално низ Рим

Бошко Тасиќ — Sun, 15 May 2022 16:20:26 +0000

Српскиот тенисер Новак Ѓоковиќ е победник на овогодишеното издание на АТП Мастерсот во Рим. Во финалето српскиот тенисер беше подобар од Стефанос Циципас со 2-0 во сетови со што дојде до шестата круна во италијанската престолнина, вкупно 38 Мастерс титула, но воедно и прв триумф во оваа 2022 година.

Ѓоковиќ одигра совршен прв сет во кој не му препушти ниту еден гејм на противникот (6-0), но во вториот приказната беше сосема поинаква и Гркот беше тој што диктираше, имаше предност и беше многу блиску до изедначување.
Имено Стефанос водеше со 4-1 и пропушти една топка за позитива од 5-1, меѓутоа токму од тука Новак почна да се крева и со квалитетна игра дојде до 6-6 и тај-брејк. Во истиот Србинот за нијанса беше подобар и со 7-5 дојде до потврда за победа која е воедно јасна порака дека во супер форма ќе го дочека Ролан Гарос.

Ита Швјонтек го освои турнирот во Рим

Бошко Тасиќ — Sun, 15 May 2022 16:09:13 +0000

Полската тенисерка Ига Швјонтек ја одбрани титулата во Рим, откако во финалето беше подобра од Онс Жабер со 6-2 и 6-2. Швјонтек доминираше од самиот почеток на мечот, а првиот сет го реши во своја корист благодарение на двата брејка кои ги направи.

Нејзината противничка имаше подобар почеток на вториот сет и можеше да ја врати резултатската неизвесност, меѓутоа Швјонтек одлично се движеше на теренот и успеа да ја задржи предноста.

Крајиновиќ го шокира Рубљев на Мастерсот во Рим

Бошко Тасиќ — Tue, 10 May 2022 19:26:39 +0000

Турнирот во италијански Рим понуди големо изненадување, откако седмиот светски рекет Андреј Рубљев испадна од српскиот колега Филип Крајиновиќ. Крајиновиќ важеше за аутсајдер на хартија, но одигра перфектен дуел и го совлада ривалот со 0-2 во сетови (2-6, 4-6). Уште од стартот Србинот тргна одлично и направи два брејка во низа поради кои го доби првиот сет, додека во вториот доволен беше еден брјек за 1-2. Крајиновиќ со оваа победа се пласира во осминафиналето и чека на својот ривал.