атп турнир – Kurir.mk

Петто сезонско АТП финале за Зверев

Тале Кристо — Sat, 30 Oct 2021 18:20:59 +0000

Германецот Александер Зверев и Американецот Френсис Тијафо ќе играат во утрешното финале на АТП турнирот во Виена. Зверев, кој претходно оваа недела ја запиша својата 300. победа во кариерата, обезбеди петто АТП финале оваа сезона со триумфот над Шпанецот Карлос Алкараз со 6-3, 6-3 за 68 минути игра. Негов противник во финалето ќе биде 49. рангираниот на АTП листата Тијафо, кој со 2-1 во сетови (3-6, 7-5, 6-2) беше поуспешен од Италијанецот Јаник Синер.

Зверев обезбеди пласман на завршниот АТП турнир

Ивона Петрова — Mon, 11 Oct 2021 11:29:33 +0000

Четвртиот светски рекет, Александар Зверев, избори место на завршниот АТП турнир, кој годинава првпат ќе се одржи во Торино. Германецот ќе игра на финалниот турнир петти пат по ред. Во 2018 година, тој ја освои титулата. Зверев е четвртиот играч кој се пласираше во Торино. Пред него тоа го направија Новак Ѓоковиќ, Даниел Медведев и Стефанос Циципас. Оваа година Германецот освои четири трофеи – на Олимпијадата во Токио, Мастерсот во Мадрид и Синсинати и турнирот во Акапулко.

АТП турнирот во Марсеј нема да се одржи во февруари

Дарко Андоновски — Tue, 08 Dec 2020 14:09:06 +0000

Тенискиот турнир во францускиот град Марсеј којшто требаше да се одржи од 15 до 21 февруари, нема да се игра во закажаните термини, бидејќи тие сега се совпаѓаат со втората недела на Грен слемот Австралија опен. Француските организатори соопштија дека турнирот најверојатно ќе се одржи во периодот 8-14 март. Точниот термин ќе зависи од тоа дали Мастерсот во Индијан Велс предвиден да започне на 10 март ќе биде откажан. Претходно беше објавено дека организаторите на турнирот во Индијан Велс се подготвени да бидат домаќини само доколку властите во Калифорнија дозволат влез на најмалку 25% од публиката.

Медведев победи на завршниот АТП турнир

Ивона Петрова — Mon, 23 Nov 2020 07:32:02 +0000

Рускиот тенисер Данил Медведев го победи Австриецот Доминик Тим во финалето на АТП завршниот турнир во Лондон. Во меч што траеше 2 часа и 42 минути Медведев до трофејот стигна по 2-1 во сетови (4:6, 7:6 и 6:4). Русинот направи 12 аса и три двојни грешки. Австриецот шест аса и една двојна грешка. Медведев стана вториот Русин во историјата кој победил на завршниот турнир на АТП. Претходно тоа му успеа на Николај Давиденко во 2009 година. Наградниот фонд на турнирот изнесуваше 5,7 милиони долари.

За прв пат од 2015 година, Надал се пласираше во полуфиналето во Лондон

Ивона Петрова — Fri, 20 Nov 2020 08:23:31 +0000

Вториот светски рекет Рафаел Надал, синоќа на завршниот АТП турнир во Лондон го победи минатогодишниот шампион Стефанос Циципас (6:4, 4:6, 6:2) и се пласираше во полуфиналето. Шпанецот по десетти пат е дел од завршниот турнир, а по шести пат ја минува групата. Последен пат тој успеа да ја помине групната фаза во 2015 година. Во полуфиналето Надал ќе игра со Данил Медведев од Русија. Во меѓусебните мечеви 20-кратниот Грен слем шампион води со 3-0. Минатата година тој се соочи со Медведев во групната фаза и се врати по спасена меч топка и 1-5 во третиот сет. Дуелот ќе Надал – Медвдев ќе се игра утре.

Циципас го совлада Зверев за полуфинале во Лондон

Ивона Петрова — Thu, 14 Nov 2019 09:28:34 +0000

Грчкиот тенисер Стефанос Циципас синоќа го совлада Германецот Александар Зверев со 2-0, по сетови 6:3 и 6:2. По оваа победа Циципас обезбеди место во полуфиналето на завршниот АТП Мастер во Лондон. На првиот меч од 2.коло во А-групата, Надал беше поуспешен од Данил Медведев со 2-1. Вториот учесник во полуфиналето ќе се знае по дуелите од 3.коло во кое Циципас игра со Надал, Медведев со Зверев. Наградниот фонд на турнирот во Лондон изнесува девет милиони долари.

Тим го победи Ѓоковиќ и обезбеди полуфинале на Мастерсот во Лондон

Ивона Петрова — Wed, 13 Nov 2019 07:14:46 +0000

Австрискиот тенисер Доминик Тим синоќа го победи Србинот Новак Ѓоковиќ и се пласира во полуфиналето на завршниот АТП турнир во Лондон. Мечот беше решен во три сета по речиси три часа игра. На крајот резултатот беше 2-1, по сетови 6:7, 6:3 и 7:6. На другиот меч од 2. коло во Б-групата на Мастерсот во британската престолнина, Роџер Федерер го совлада Матео Беретини со 2-0. На табелата води Тим со максимални две победи, Ѓоковиќ и Федерер имаат по една победа и еден пораз и во директен дуел ќе одлучуваат за вториот патник во полуфиналето. Без шанси за влез помеѓу четворицата најдобри е Италијанецот Беретини кој ги загуби двата досегашни меча.

Зверев го победи Надал на завршниот АТП турнир

Ивона Петрова — Tue, 12 Nov 2019 07:58:29 +0000

Шпанскиот тенисер Рафаел Надал загуби од Германецот Александар Зверев со 0-2 (2:6 и 4:6) синоќа во меч од групната фаза на завршниот турнир АТП турнир во Лондон. Претходно во 1.коло од А-групата, Гркот Стефанос Циципас го совлада Русинот Данил Медведев исто така со 2-0. Во Б-групата Новак Ѓоковиќ и Доминик Тим се на првите две места по стартните победи над Матео Бертини, односно Роџер Федерер. Наградниот фонд на турнирот изнесува девет милиони долари.

Надал одлучи да учествува на завршниот турнир во Лондон

Ивона Петрова — Tue, 05 Nov 2019 11:45:53 +0000

Шпанскиот тенисер Рафаел Надал на својот Твитер објави дека ќе учествува на завршниот АТП турнир во британската престолнина. – Здраво на сите, вчера направив детални медицински прегледи во Палма де Мајорка и решив, покрај мала повреда на десниот дел на стомакот, да учествувам на турнирот во Лондон, напиша Надал. Шпанецот најави дека во четврток или петок ќе почне со подготовката за настапот на Островот. Претходно, Надал се повлече во полуфиналето од турнирот во Париз поради оштетување на стомачните мускули.