Аурелио де Лаурентис – Kurir.mk

Тензично е во Наполи, Де Лаутентис доби полициска заштита

Бошко Тасиќ — Sun, 16 Apr 2023 06:31:07 +0000

Сопственикот и претседател на Наполи, Аурелио де Лаутентис, доби полициска заштита поради заканите од навивачите на лидерот во Серија А. Навивачите на Наполи за време на натпреварот против Милан во Серија А кој се играше минатиот викенд, протестираа против високите цени на билетите и забраната да истакнуваат транспаренти и навивачки знамиња на трибините. Незадоволството кај навивачите кон Де Лаутентис се зголеми по поразот на Наполи од Милан во првиот четвртфинален натпревар во Лигата на шампионите кој се играше во средата и поради тоа градските власти во Неапол одлучија да му доделат полициска заштита на претседателот на Наполи.

Де Лаурентис потврди: Осимен и Кварацхелија само за луди понуди може да заминат од Наполи!

Ристе Здравков — Wed, 22 Feb 2023 12:33:10 +0000

Претседателот на Наполи, Аурелио де Лаурентис се надева дека Виктор Осимен и Квича Кварацхелија уште долги години ќе бидат дел од Наполи, но не ја исклучи можноста да бидат продадени доколку за нив пристигнат некои неверојатни понуди. Наполи е вистински хит оваа сезона, не само во Серија А, туку и во Лигата на шампионите. Осимен и Кварацхелија се двајцата играчи кои импресионираат најмногу иако целиот состав на Наполитанците игра на високо ниво. „Квара и Осимен? Нема да биде тешко да ги задржиме нашите најдобри фудбалери, добри сме со договорите, но никогаш не вели никогаш во случај на луди понуди. Мислам дека тие долго време ќе останат со нас“, вели Де Лаурентис.

Де Лаурентис нареди карантин за Елмас и другарите

Бошко Тасиќ — Sun, 24 Apr 2022 18:40:48 +0000

Претседателот на Наполи Аурелио Де Лаурентис нареди карантин во тренинг-центарот за Елиф Елмас и неговите соиграчи во Наполи затоа што Наполи освои само еден бод во последните три меча. Ова буквално го отпиша Наполи од трката со Милан и Интер за Скудетото, па така Де Лаурентис јасно му порачал на Лучано Спалети и неговите соработници да останат во карантин за да се фокусираат само на фудбал и резултатите на екипата.

Претседателот на Наполи изрази желба за реформи во европскиот фудбал: Подготвен е да потроши 10 милијарди евра за да создаде турнир што ќе ги замени ЛШ и ЛЕ

Тале Кристо — Wed, 15 Sep 2021 12:48:35 +0000

Претседателот на Наполи, Аурелио Де Лаурентис изрази желба за реформи во европскиот фудбал. – Системот не работи повеќе. Лигата на шампионите и Лига Европа не генерираат доволно приход за клубовите да го оправдаат своето учество во нив. Потребни ви се повеќе играчи од највисоко ниво за да бидете конкурентни. Ова значи дека треба да потрошите повеќе пари и паричната награда на европските натпревари не го зема ова предвид. Клубовите треба да смислат помодерен и поисплатлив турнир за сите вклучени. Треба да го намалиме бројот на натпревари со намалување на големината на највисоките дивизии низ Европа. Неопходно е да се создаде европска лига со демократски систем за влез врз основа на постигнувањата на тимовите. Го проучував проектот и подготвен сум да дадам 10 милијарди евра. Ако не ги промениме правилата на игра и не го направиме спектаклот подобар, младите ќе не напуштат и фудбалот ќе престане да биде централен дел од нашиот живот, изјави Де Лаурентис за „Дејли мејл“. На 19 април беше објавен проектот Суперлига за врвните клубови во Европа. Турнирот беше планирано да се одржи паралелно со европските купови и националните првенства. Иницијативата наиде на негативни реакции од лигите, УЕФА и многу фанови. Првично, 12 екипи сакаа да учествуваат на турнирот, но два дена подоцна проектот беше суспендиран, а девет клубови се повлекоа од него. Реал Мадрид, Барселона и Јувентус одбија да го сторат тоа.

Претседателот на Наполи разгледува опции стадионот да се вика Марадона

Магдалена Андонова — Wed, 25 Nov 2020 19:46:52 +0000

Претседателот на фудбалскиот клуб Наполи, Аурелио Де Лаурентис изјави денеска дека стадионот на тој клуб може да го носи името на легендарниот аргентински фудбалер Диего Армандо Марадона. – Би сакал да го покажам лицето на Марадона на стадионот за време на утрешниот натпревар со Риека. Постои идеја да се нарече стадионот Сан Паоло-Марадона, тоа е нешто за што ќе размислиме, изјави Де Лаурентис. Поранешниот аргентински репрезентативец и фудбалер на Наполи, Диего Марадона почина денеска на 60-годишна возраст од срцев удар. Тој играше за Наполи од 1984 до 1991 година и стана легенда на клубот. Со клубот од Неапол освои две шампионски титули, Купот на Италија, Купот на Уефа и Суперкупот на Италија. (МИА)

Претседателот на Наполи купува американски клуб

Предраг Кукиќ — Wed, 23 Jan 2019 15:02:00 +0000

Претседателот на Наполи, Аурелио Де Лаурентис има намера да направи сериозна инвестиција и да стане сопственик на клуб од американската лига, соопштува „Њујорк Тајмс“. Де Лаурентис е заинтересиран да купи фудбалски клуб од Балтимор, Детроит или Лас Вегас. Учеството во МЛС на еден тим изнесува 150 милиони долари, а Де Лаурентис е подготвен да направи слична инвестиција. Од 2004 година, Де Лаурентис е сопственик на Наполи откако стана главен акционер во клубот. Тој го донесе тимот од третата италијанска дивизија до Серија „А“ за само три години, а оттогаш, Наполи двапати го освои Купот на Италија и Супер Купот.

Сопственикот на Наполи сака да го купи Хајдук

Ристе Здравков — Sat, 15 Sep 2018 08:14:56 +0000

Сопственикот на италијанскиот гигант Наполи, Аурелио де Лаурентис изрази подготвеност да го купи хрватскиот клуб Хајдук Сплит, кој има финансиски проблеми. Во моментов, клубот нема сопственик, а власта е во рацете на навивачите. - Дајте ми можност и ќе го купам Хајдук, вели Де Лаурентис, цитиран од „Спортске новости“ Хајдук е еден од најпопуларните клубови во Хрватска, откако станал 15 пати шампион на земјата вклучувајќи и во периодот на поранешна Југославија. - Подобро да купи уште играчи за Наполи, реагира градоначалникот на Неапол, Луиџи де Маџистрис на информациите. Де Лаурентис и општината во Неапол се во конфликт поради состојбата на стадионот „Сан Паоло“, а во текот на летото бизнисменот го купи Бари, кој се натпреварува во четвртото ниво на италијанскиот фудбал. Неодамна тој сподели идејата за изградба сосема нов стадион во Пуља и да го премести тимот да ги игра таму натпреварите од Европа. - Подготвен сум да платам за 1.000 автобуси што ќе превезуваат неаполитанци до „Сан Никола“. Кога дојдов за прв пат на овој стадион, сфатив дека тоа е голем објект. Беше напуштен, но во споредба со „Сан Паоло“, кој е изграден во 1959 година ..., додаде сопственикот на Наполи.

Наполи ќе го продаде Инсиње ако некој плати 200 милиони евра

Ивона Петрова — Wed, 12 Sep 2018 06:45:35 +0000

Претседателот на Наполи, Аурелио Де Лаурентис изјави дека е подготвен да го продаде лидерот на тимот, Лоренцо Инсиње, само ако некој клуб е подготвен за него да издвои 200 милиони евра. -Ние сме подготвени да го продадеме Инсиње, ако за него добиеме понуда во вредност од 200 милиони евра. Таа сума едноставно ја имаме усно договорено со неговиот агент, соопшти Де Лаурентис. Инсиње има актуелен договор со Наполи до 2022 година. 27-годишниот Инсиње кариерата ја почна во 2010 година во Наполи. На почетокот играше како позајмен фудбалер во Кавезе, Фоџа и Пескара, а од 2012 се врати во Неапол. Од 2012 година е италијански репрезентативец.

Скандал кој може да ги остави без Лига на шампиони: Сопственикот на Наполи со тешки обвинувања за Ливерпул и Рома

Матеја Петровски — Fri, 17 Aug 2018 13:32:12 +0000

Претседателот на Наполи, Аурелио Де Лаурентис повторно успеа да ја шокира фудбалската јавност во Италија. На денот кога се расправаше дали треба а се одложи или не првото коло од Серија А, поради трагедијата во Џенова и во финишот на преодниот, тој изнесе свои сомнежи за сопствениците на Рома. Де Лаурентис алудира дека сопственици на Рома и Ливерпул се исти луѓе, со сите импликации, кои доколку ова е вистина би ги довеле двата клуба во доста незавидна ситуација. Тој даде изјава со која повторно крена прашина во фудбалскиот свет. -Рома неколку пати е монтирана и демонтирана. Не знам колку тие промени се здрави за „еден“ тим. На пример, Алисон не би го продал ниту за 100 милиони евра. За него понудив 60 милиони, но Џиларосите не сакаа да ми го продадат. Секогаш сум имал сомнежи околу тоа дека вистински сопственик на Рома е истиот оној кој го поседува Ливерпул, една птичка тоа ми го кажа пред неколку години. Ако е тоа вистина двата клуба не би можеле да учествуваат во Лигата на шампионите, лансираше тешки обвинувања првиот човек на Наполи. Инаку, Ливерпул имаат добра соработка, посебно последниве две години. Прво лани за 40 милиони евра од Рим во Ливерпул се пресели моментално можеби и најдобриот фудбалер на светот, Мохамед Салах. Додека пак оваа година решението за својот долгогодишен голмански проблем англискиот великан го реши, купувајќи токму од клубот од главниот град на Италија, купувајќи го Алисон за 75 милиони евра, со што тој нешто помалку еден месец беше најскап голман на светот, пред во Челзи да пристигне Кепа Аризбалага од Атлетико Мадрид, за 80 милиони евра.

„Јувентус врши притисок врз судиите“

Ивона Петрова — Sat, 05 May 2018 12:01:56 +0000

Претседателот на Наполи Аурелио де Лаурентис, го нападна остро Јувентус, обвинувајќи го клубот дека честопати имал корист од грешките на судиите. Бизнисменот смета дека италијанскиот фудбал не се променил многу од скандалот во „Калчополи“. - Има проблем со судиите и нивните пресуди за Јувентус. Клубот го води највлијателното семејство во Италија. Тие мораа да се повлечат по „Калчополи“, но ништо не се сменило. Дали очекувате судиите да одат против семејството Ањели, против „ФИАТ“ и да застанат против силните? Пред да го сторат тоа, ќе мора да размислат повеќе од 20.000 пати, изјави шефот на „небесносините“. Тој смета дека проблемот со лошото судење постои низ цела Европа, не само во Италија. - Како е можно да не се суди игра со рака на терен? Не знам дали Баерн Минхен ќе беше воопшто елиминиран од Реал Мадрид во Лигата на шампионите. Што е со Рома? Не беа досудени два пенали за тимот против Ливерпул, додаде италијанскиот бизнисмен за „Газета Дело Спорт“.