авалон продукција – Kurir.mk

Милошески се сретна со градоначалничката на Сараево

Ивона Петрова — Thu, 18 Nov 2021 11:59:40 +0000

Сопственикот на Авалон Продукција, Бобан Милошески, имаше средба со градоначалничката на Сараево Бенјамина Кариќ. На средбата, градоначалничката се заблагодари што Авалон го носи Стинг во Сараево и изрази подготвеност од градот и голема желба со сите негови ресурси во иднина, Авалон да работи што е можно повеќе концерти таму. Од друга страна, Милошески вети дека ќе се обиде во 2023-та на “Кошево” да се случи голем стадионски концерт, единствен во регионот. На крајот од средбата која траеше 45 минути, градоначалничката Кариќ му подари на Милошески монографија за Сараево.

Авалон продукција: Универзална сала треба да остане на исто место, реставрирана, со намален капацитет на 1.000 места

Дарко Андоновски — Wed, 29 Jul 2020 09:49:14 +0000

Авалон продукција преку статус на Фејсбук објавува дека Универзална сала треба да остане на исто место, реставрирана, со намален капацитет на 1000 места. -Универзална сала треба да остане на исто место, реставрирана, со намален капацитет на 1000 места (од постоечките 1572), зошто внатрешно модернизирана може да биде само со смален капацитет! И, околината не може да прими и испрати сала со поголем капацитет на тоа место. Ова го кажува професионалец кој ги работел од Словенија до Софија сите сали од тој тип: Сава Центар, Цанкарјев дом, Лисински, НДК- Софија. И како таква ем ќе врши работа, ем ќе може во ходниците да биде музеј! Не треба многу големи пари да се дадат за неа, реално. Големите пари треба да се дадат за нова сала, 3000 капацитет, седење, со нова локација. Вин Вин ситуација. Универзална е културното срце на Македонија и нејзин нестанок е креативно злосторство. Бобан Милошески, стои во нивниот пост на Фејсбук.

Универзална сала треба да остане на исто место, реставрирана, со намален капацитет на 1000 места (од постоечките 1572),... Posted by Avalon Produkcija on Wednesday, July 29, 2020

OHRID CALLING се одложува за следната година!

Ивана Ефремовски — Wed, 01 Jul 2020 17:47:17 +0000

Иако Комисијата за заразни болести во земјава дозволи да се одржуваат јавни open-air настани со 50% намалени капацитети, земајќи ја предвид масовноста на публиката, фестивалот и воопшто, неговиот концепт, одлучивме OHRID CALLING да го одложиме за следната година, истакнуваат од Авалон Продукција. „Сепак, периодов интензивно работевме на тоа истите артисти да ги префлиме за следната година, па така, јубилејното издание на OHRID CALLING ќе биде ТРИ дена и ќе се одржи од 30-ти јули до 01-ви август 2021 година на истата локација, во касарната во Охрид. Поминавме заедно четири незаборавни фестивалски изданија, проследени со многу магични моменти, насмевки, емоции и незаборавни забави. Ќе ја надминеме и оваа кризна и тажна година- обединети! Дотогаш, подготвувајте се за OHRID CALLING 2021 и заедно да ги надоместиме сите пропуштени забави на следното издание на вашиот омилен фестивал! А, кога зборуваме за културата и музиката во Македонија... ние сме секогаш тука да го пронајдеме лекот“-велат од продукцијата!