аватар – Kurir.mk

„Мета“ со нови алатки за видеоповици со „аватари“

Катерина Бојаџиева — Wed, 12 Jul 2023 11:58:49 +0000

На луѓето, понекогаш, видеоповиците им се одбивни, или барем несоодветни кога не сакаат соговорникот да ги види во разни и најразлични „домашни изданија“... Затоа, сега „Мета“ нуди низа нови алатки за веќе познатите цртани ликови вообичаено наречени „аватари“. Компанијата наведува дека корисникот сега може да учествува во видеоразговорите, така што неговото лице ќе биде заменето со негов „аватар“ и другите учесници во тој разговор ќе го гледаат така. Опцијата е веќе достапна за корисниците на Месинџер и Инстаграм. Во дигитално-виртуелниот свет, „аватар“ е личен графички приказ, т.е. дигитално олицетворение на личноста на корисникот. Изворно, „аватара“ е именка од Санскрит-јазикот, што во хиндуизмот означувала земна инкарнација на божествата. Корисникот сам си го создава „аватарот“ овозможувајќи обликување речиси совршена дигитална копија на својот лик и тело. Системот првично беше направен за употреба во програми за виртуелна реалност, но потоа се појави и на паметните телефони. Дополнително, нема правило дека дигиталниот лик мора да одговара на вистинскиот изглед на корисникот. Создавањето „аватар“ денес дозволува и „додавање“ нозе на цртаниот лик, но тие нема да бидат видливи за време на видеоповикот. Од Мета велат дека постојано работат на подобрување на системот и наредниов период ќе има пореални и текстурирани анимации.

Аватар 2 заработи неверојатни 2,3 милијарди долари

Ристе Здравков — Thu, 20 Apr 2023 12:02:07 +0000

Продолжението на Аватар доминираше на светските топ-листи долго откако почна да се прикажува во киносалите, заработи неверојатни 2,3 милијарди долари и се проби на третото место на филмови со најголема заработка на сите времиња. Меѓутоа, заработката е една работа, а профитот е нешто сосема друго. Според Deadline, режисерот Џејмс Камерон не профитирал од Аватар: The Way of Water, заработувајќи помалку од една четвртина од вкупната заработка. Филмот оствари добивка од само 531,7 милиони долари, а причина се огромните трошоци за снимање. Продукцијата на филмот чинеше 400 милиони долари, околу 300 милиони долари отидоа за платите на актерите, а трошоците за маркетинг беа околу 175 милиони долари. Кога ќе се додадат и другите трошоци, Аватарја достигнува погоре споменатата бројка од 531,7 милиони долари профит. Инаку, Камерон најави три нови филмови Аватар кои ќе излезат во 2024, 2026 и 2028 година.

Аватар носи епска битка: Ѕирнете во деталите пред светската премиера (ВИДЕО)

Ивана Ефремовски — Wed, 23 Nov 2022 14:08:06 +0000

Објавен е нов трејлер за долгоочекуваниот филм „Avatar: The Way of Water“, кој за само десет часа собра два милиони прегледи на платформата Јутјуб. Трејлерот ја прикажува епската битка меѓу племето Нејви и луѓето и ни дава мал увид на тоа што ќе нѐ очекува во киносалите од 16-ти декември, датумот кога ќе почне да се прикажува овој филм. Патем, многу малку детали се споделени за долгоочекуваното продолжение на режисерот Џејмс Камерон. Она што се знае е дека приказната временски е сместена една деценија по настаните од првиот филм. Пред да го погледнете филмот, уживајте во неговата видео најава:

ЗА ЕДЕН ДЕН: Трејлерот за новиот „Аватар“ прегледан 24 милиони пати

Ивона Петрова — Fri, 04 Nov 2022 11:29:31 +0000

Новиот, долг трејлер им дава на обожавателите увид во долгоочекуваното продолжение на „Аватар“ на Џејмс Камерон, кој првпат се појав пред 13 години. Обожавателите ширум светот, очигледно со нетрпение го очекувало, бидејќи за еден дел истиот е прегледан над 24 милиони пати. Трејлерот почнува со првите сцени од главните јунаци на првиот дел, Џејк и Нејтири кои сега имаат неколку деца. Продолжението очигледно ќе се занимава со истражување на водниот свет Пандора.

Познато е колку ќе трае новото продолжение на филмот АВАТАР

Ристе Здравков — Thu, 03 Nov 2022 10:04:08 +0000

Новиот филм на Џејмс Камерон „Avatar: The Way of Water“ ќе ја држи публиката на нивните места, пишува People. Минатиот петок, The Hollywood Reporter објави дека долгоочекуваното продолжение ќе трае околу три часа и 10 минути, цитирајќи неименувани извори. Според овој портал, „Avatar: The Way of Water“ ќе трае околу 29 минути подолго од оригиналниот филм „Аватар“ на сценаристот и режисер Камерон (68) од 2009 година, кој сè уште е четврти филм со најголема заработка во историјата на Американски бокс офис, a траеше два часа и 41 минута, пишува BoxOfficeMojo. 20th Century Fox и Disney се уште официјално не го објавија времетраењето на претстојниот филм. Во јули, режисерот Камерон рече дека не сака да слушне никакви поплаки за времето на траење на „Avatar: The Way of Water“ кога филмот ќе се појави во кината. – Не сакам никој да се жали на должината кога седат и пијани осум часа гледаат (телевизија). Дајте ми одмор. Ги гледав моите деца како седат и гледаат пет едночасовни епизоди по ред. Еве една голема промена на социјалната парадигма што треба да се случи: во ред е да станете и да мочате – изјави Камерон за Empire. „Avatar: Path of Water“ ќе се прикажува во кината ширум светот на 16 декември. Третиот филм од франшизата „Аватар“ се очекува да дебитира во 2024 година, додека четвртиот во кината треба да се појави во 2026 година, а петтиот во 2028 година. Погледнете го трејлерот:

АВАТАР ЕКСПЛОДИРА НА КАРЛЕУША – дискотеката во Струмица ново жариште на ковид-19, наместо 30% од капацитетот, вчера таму имаше дури 5.000 луѓе!

Дарко Андоновски — Fri, 13 Aug 2021 09:10:03 +0000

Струмичката дискотека Аватар буквално не прекинато работи како никогаш да немало коронавирус во земјава. Дискотеката, т.е ноќниот клуб зад кого стои како што тврдат некои медиуми роднина на премиерот Зоран Заев речиси да не почитува ниту една мерка донесена од страна на Комисијата за заразни болести, а се однесува на капацитетот на гостите на затворено. Имено според новите мерки кои беа донесени минатата недела угостителските објекти во затворениот дел треба да работат само со 30% од капацитетот, додека на иста маса во кафеана може да седат само четири лица. Оваа нова мерка сепак се „коси“ со ситуацијата во дискотеката Аватар која е во затворен објект, а наместо 30 проценти од капацитетот, таму вчера на гостувањето на Јелена Карлеуша (но и секојдневно) гледаме публика од приближно 5.000 луѓе. Зошто институциите не реагираат на оваа неодговорност во врска со ширењето на вирусот засега останува енигма. Она што е повеќе од јасно е дека полицијата и Државниот пазарен инспекторат останаа глуви и слепи пред новото потенцијално жариште на коронавирусот. Инаку ова не е прв пат дискотеката да се однесува неодговорно. Минатата година исто така власта и надлежните институции потфрлија со случајот „Аватар“. Дискотеката односно кафе барот Аватар и по бројните апели и реакции на граѓаните не се затвори, секоја вечер се правеа забави спротивни по прописите на Комисија за заразни болести. По бројните забави во Аватар спротивни на прописите на Комисија за заразни болести Струмица минатата есен стана најголемо жариште на КОВИД-19 во Македонија.

ВИДЕО: Струмичкото кафуле Аватар “грмеше”, ниту дистанца, ниту маски

Ивана Ефремовски — Sun, 04 Oct 2020 09:18:13 +0000

Журка до рани утрински часови, преполна дискотека, без заштитна маска, без никаква дистанца и српскиот пејач Девито. Ваква е сликата од вчерашната забава во струмичкиот кафе бар Аватар. Од снимките се гледа дека во кафулето гостите на забавата не ги почитуваат мерките за заштита од пандемијата односно ниту се одржува дистанца, а ниту пак се носат маски. И додека бројот на заразени и починати од КОВИД 19 секојдневно расте, Аватар организира забави, а централните и локалните власти не преземаат ништо за спречување на ваквата состојба за организираат журки без почитување на препораките. Струмичкиот Аватар не го спречи да работи ниту кривична пријава и пломба на врата. Ова место важи и за едно од омиленоте места на семејството Заеви, а е често посетувано и од децата на премиерот Зоран Заев и неговиот брат Вице Заев. Сличен пример за непочитување на препораките и протоколите за работа имаше вилендов и во скопското кафуле Мош, како и Три кичен, каде што беа објавени фотографии и видео клипови на кои се гледа дека големиот број на посетители на кафулето ги забавуваше српскиот пејач Владо Георгиев. Но, и ова кафуле, по примерот на струмичкиот Аватар, иако доби забрана за работа продолжи и вчера вечер со работа. Здравствените работници предупредуваат дека можно е повторно да се случи бројот на заболени и починати рапидно да порасне ако не престанат забавите од овој тип, како и дека доколку повторно болниците се преполнат со заразени граѓани нема да може здравствениот систем да го издржи товарот. Зошто надлежните институции не постапуваат согласно законите и не реагираат на ваквите непочитувања останува се уште неодговорено.

Струмички „Аватар“ над законите: За другите локали клуч, журка за омиленото место на Заеви

Ивана Ефремовски — Sat, 03 Oct 2020 14:51:09 +0000

Портата на ексклузивниот бар Мош во центарот на Скопје денеска беше затворена, внатре вработените расчистуваа по синоќешната забава со српскиот пејач. На социјалните мрежи беше објавено видеото од синоќешниот настан кое покажува дека имало многу луѓе, немало дистанца, не се носеле маски. Во барот се одржал концертот иако уште минатата недела била изречена забрана за работа и била поднесена кривична пријава. Директорот на Пазарниот инспектар Стојко Пауновски за Сител вели дека скопскиот бар Мош не е единствен што ги крши задрвствените протоколи и не постапува по решенијата за затворање. Мош очигледно ќе биде соодветно казнет, но во Струмица журките се секојдневие, а казни нема. Во „Аватар“ кое е омилено место за излегување на Заеви, имаше забава и синоќа. Без маски и без дистанца. Но, ова место очигледно е над законите бидејќи децата на премиерот често се забавуваат таму. Деновиве во Македонија има алармантни бројки на новозаразени. Журките во ваквите локали сигурно се една од причината за ова. Еве како течеше синоќа забавата во струмички „Аватар“.

ВИДЕО: „Авата“ повторно на сцена, мерките не се почитуваат, власта молчи

Ристе Здравков — Sun, 27 Sep 2020 12:23:34 +0000

На Филипче меркиве во Струмица и Аватар не важат

Аватар бидејќи е на Радиша Бојовиќ Заев продолжува со журки среде корона

Магдалена Андонова — Sat, 12 Sep 2020 11:34:51 +0000

Дискотека Аватар во Струмица изгледа е над законите и не престанува со работа. Струмичкиот клуб „Аватар“, кој во јули беше затворен поради непочитување на меркита за заштита од корона вирусот и организираше масовни журки, повторно работи, но овојпат како кафуле. Бидејќи е на Радиша Бојовиќ Заев продолжува со журки среде корона. Најпосетениот кафич во Струмица.