Авицена Женска Трка – Kurir.mk

За 2000 жени дождот не беше пречка! Се истрча 10тото јубилејно издание на Авицена Женска трка

Катерина Бојаџиева — Sun, 10 Apr 2022 10:49:30 +0000

Сојузот на спортови на Скопје, под покровителство на Град Скопје, денес го одржа jубилејното десетто издание наАвицена Женската трка. Повеќе од 2000 учеснички трчаа на дожд и го разубавија Градски Парк и Град Скопје. Трката со години е доказ дека жените без разлика на возрастаимаат спортски дух, а здравите навики се дел од нивното секојдневие. „Денешната 10та по ред, Авицена Женска трка со над 2000 учеснички, што е 50% повеќе од очекуваното, е порака дека припадничките на понежниот пол се грижат за себе си, за своето здравје и среќа. Горда сум дека го надминавме рекордот на заинтересирани жени од цела земја, кои докажаа дека динамиката се гради преку спорт. Испраќам порака до сите жени, во уште поголем број да се пријават и да земат учество инекои од наредните настани во следниот период или наредната година на 11тото издание на Авицена Женска Трка.“,изјави Гордана Николовска од Сојуз на Спортови на Скопје. Учесничките на Авицена Женската трка трчаа 3 километри, а стартот и целта на трката беа во Градски парк. Оваа година, од вкупниот број учесники прва до целта пристигнаВесна Кираџиеваза 12минути и 22секунди, второто место ѝ припадна на Бојана Наумовска со 12 минути и 35 секунди и на трето место се најде Вера Украдевска,која ја истрча патеката за 12 минути и 35 секунди. По прогласувањето на најдобрите учеснички следуваше лотарија со извлекување на стартни броеви и најсреќните се здобија со подароци од партнерите на Авицена Женска трка 2022. Конечните резултати од овогодинешната Авицена Женска трка може да се проследат на tagtiming.mk. Авицена Женска трка и оваа година покажа дека спортската култура кај женската популација се зголемува од година во година и дека со добра организација секој може да води здрав живот.

Последни подготовки за јубилејното 10-то издание на Авицена Женска Трка

Ивана Ефремовски — Thu, 07 Apr 2022 14:43:43 +0000

Здрав живот, рекреација, ослободување од стрес, но и љубов кон трчањето се само дел од причините поради кои многу дами оваа недела ќе ги истрачаат своите 3 километри на АВИЦЕНА ЖЕНСКА ТРКА, а со тоа се промовираат здравите навики и физичката активност, кои се клучни фактори за здрави, среќни и продуктивни личности. Во организација на Сојуз на спортови на Скопје, а под покровителство на Град Скопје, во недела на 10 април, ќе се одржи јубилејно 10то издание на АВИЦЕНА ЖЕНСКА ТРКА, која е единствената масовна, не само спортска манифестација во нашиот град, посветена исклучиво на жените. Покрај одбележувањето на важноста на физичката активност, особено трчањето и пешачењето, како примарна превенција за здравјето на женската популација, оваа рекреативна атлетска трка, која е дел од трките на Виз Ер Скопски Маратон, има за цел и да ја промовира заштитата на животната средина. Стартот и целта на трката, ќе биде паркингот на Градски парк, а од пријавените 2000 натпреварувачки, бидејќи станува збор за трка од натпреварувачки карактер, ќе се прогласат најдобрите, со што ќе следува лотарија со извлекување на среќни стартни броеви од сите учеснички. Пријавените дами своите стартни пакети ќе можат да ги подигнат на 8ми и 9ти април од 11 до 19 часот, во спортскиот центар Борис Трајковски, спроти хокеј лизгалиште. Организаторите на настанот на сите учеснички им посакуваат добри резулатати и да уживаат во ова 10то издание на Авицена Женска Трка!

Декада исполнета со здрави навики и рекорди: Денес започнува пријавувањето на 10та Авицена Женска трка

Дарко Андоновски — Wed, 16 Feb 2022 13:36:52 +0000

Најпознатата и најголема трка за жени во земјата, оваа година заокружува една цела декада исполнета со големи успеси, резултати, рекорди, зголемена свесност за негување на здрави навики и здрав животен стил, како и сè побројни учеснички со секоја нова стартна линија. Во организација на Сојуз на Спортови на Скопје и под покровителство на Град Скопје, на 10 април 2022 (недела), ќе се одржи 10то издание на Авицена Женска трка во Скопје. Денес, (16.02.2022) во 12:00 часот и официјално започнуваат пријавите за оваа 3 км трка, а секоја заинтересирана има можност да се пријави најдоцна до 4 април 2022. Овој рок за пријавување ќе се смета и како рок за уплата на котизацијата. Котизацијата до 07 март 2022 ќе изнесува 250 денари, а до 04 април 2022 ќе изнесува 350 денари. Пријавувањето и регистрацијата за Авицена Женска трка 2022, секоја ќе може да го направи истото преку официјалната веб страница на Авицена Женска трка www.zenskatrka.mk или преку www.smartrace.club. Стартот, како и целта на трката ќе бидат позиционирани на паркингот во Градскиот Парк во Скопје (во близина на Ресторан „Балканика Рустикана“), а се планира да се трча еден круг од 3 км низ Градскиот Парк. На 10 април, трката се очекува да започне во 09:00 часот, прогласувањето на најдобрите ќе започне во 09:45 часот , а лотаријата ќе започне во 10:00 часот. На денот на оваа трка со натпреварувачки карактер, нема да биде дозволено пријавување, а организаторот ги повикува сите дами и спортски ентузијастки да се пријават најдоцна до 30 март 2022 година, со цел да добијат можност своето име да биде испишано на стартниот број. Трите најдобро пласирани учеснички во генералниот пласман, а воедно и победнички, ќе се здобијат со награди, а ќе има награди и за најдобрите три по возрасни категории (според Chip Time). Категориите на учесничките ќе бидат поделени во 7 групи, или поточно, категорија 1 – учеснички до 12 години, категорија 2 – учеснички до 14 години, категорија 3 – учеснички до 18 години, категорија 4 – учеснички до 30 години, категорија 5 – учеснички до 40 години, категорија 6 – учеснички до 50 години, и категорија 7 – учеснички над 50 години. По стартот на трката и прогласувањето на најдобрите, за учесничките ќе биде организирана и лотарија со извлекување на среќни стартни броеви од сите учеснички, па затоа организаторот ја охрабрува секоја учесничка да остане до самиот крај на настанот, - можеби среќната 10ка оваа година ќе донесе подароци на оние, кои најмалку очекуваат. Подароците ќе бидат обезбедени од партнерите на трката. Подигнувањето на стартните пакети ќе се оддржи на 8 и 9 април 2022, а секој пакет вклучува, - стартен број со чип, дигитален стартен пакет, вода, учество во лотарија, осигурување, подароци од спонзорите. Од Сојуз на Спортови на Скопје, потсетуваат, - подигнувањето на стартниот пакет ќе може да биде направено лично од секоја учесничка. Право на учество во Авицена Женска трка 2022 имаат сите припаднички на женскиот пол, без ограничување на возраст. Сојуз на Спортови на Скопје за претстојната Авицена Женска трка 2022, најавува организација под протоколи, коишто ќе бидат актуелни во моментот на одржување на трката, а се пропишани од Комисијата за заразни болести. Секој учесник ќе треба да ги прифати условите за учество при самиот процес на пријавување. Во случај на презакажување на трката, заради влошена епидемиолошка состојба во државата, уплатените средства не се рефундираат, пријавата ќе важи за следната трка. Повеќе информации за Авицена Женска трка 2022 може да се добијат ТУКА.

Започнува пријавувањето за „Авицена Женска Трка“

Катерина Бојаџиева — Wed, 29 Jan 2020 15:36:53 +0000

Битката за втемелување на здравите навики во секојдневието не е завршена. Токму затоа и оваа година жените ќе трчаат со цел да ја поткренат свеста за здравјето. Авицена Женската Трка стана симбол на Скопје, случување кое со задоволство го прегрнуваат жените од сите возрасти, во име на здравјето, но и во име на добрата дружба. Во организација на Сојуз на Спортови на Скопје, а под покровителство на Град Скопје како дел од промотивните трки на Виз Eр Скопски Маратон 2020, на 5 април ќе се одржи новото, 8 по ред, издание на АВИЦЕНА ЖЕНСКА ТРКА. Пријавувањето започнува од денеска, 29 јануари преку веб страната www.zenskatrka.mk. Во првите 3 дена од пријавувањето ќе можете да си го изберете вашиот омилен стартен број. Имајте на ум дека на денот на трката не е можно пријавување (пријавувањето се затвара на 30 март), затоа пријавете се на време. При самото пријавување ќе имате можност да си набавите и dry-fit маичка па да го средите и аутфитот, а воедно да сторите добро дело. Имено, 100 денари од секоја продадена маичка ќе бидат донирани во хуманитарни цели. И оваа година, дамите ќе трчаат стартувајќи од бул. Илинденска пред Фонтана Лотус и ќе се трча еден круг од 3 км на бул. Илинденска. Патеката ќе биде обезбедена и обележена и ќе има поставено волонтери, а на 1,5 км ќе има и контролна точка за чиповите. Единствен предуслов за да се вклучите во трката е да сте жени, но со себе понесете и многу спортски дух. Во случај да не можете да се потпрете на својата физичка спремност, тогаш Ве очекуваме во публика. Не изненадува фактот што секоја година бројот на учеснички на Авицена женска група рекордно расте, оваа година се очекува на настанот да учествуваат повеќе од 2.500 натпреварувачки, инспирирани и мотивирани симболично да докажат дека се грижат за здравјето. Тимот што победува не се менува, така што и во 2020-та организаторите ја продолжуваат соработката со Авицена Лабораторија како насловен спонзор 4-та година по ред.