авиобилети – Kurir.mk

Владата ќе потроши 325 илјади евра за авиобилети

Предраг Кукиќ — Thu, 31 Oct 2019 15:28:26 +0000

Владата планира да потроши 20 милиони денари, односно 325 илјади евра за набавки на авиобилети. Огласот на Електронскиот систем за јавни набавки е распишан на 4 октомври, а ставката која што е наведена е набавка на услуги за воздушен транспорт на луѓе и товар.

Откако набави луксузни фотелји од телешка кожа, МЕПСО распиша тендер за авиобилети вреден 84 илјади евра

Предраг Кукиќ — Fri, 01 Feb 2019 11:34:50 +0000

АД МЕПСО распиша оглас за набавка на авио билети – резервација и набавка на услуги за воздушен транспорт на луѓе за временски период од 2 години. Проценетата вредност на договорот без ДДВ е 5.166.000 денари или 84.000 евра. Инаку, пред 20-тина дена МЕПСО склучи договор вреден 212 илјади евра, со „Леснина ми“, фирма од која ќе купат кујни, канцелариски мебел и гарнитури. Во договорот за јавна набавка, највпечатливи се 39-те парчиња клуб фотелји, за кои е потенцирано дека мора да бидат тапацирани со природна телешка кожа. За нив компанијата ќе плати речиси 14 илјади евра. Од компанијата тврдат дека нема недомаќинско трошење пари, а мебелот не бил наменет за директорите, туку за состаноци и прием на странките. МЕПСО често е во фокусот на јавноста по скандали дека вработува партиски кадри. Последниот случај е вработувањето на сестрата на министерот за економија Крешник Бектеши.

Во рок од неколку дена втор тендер на Владата: За авиобилети ќе бидат потрошени 345 илјади евра

Предраг Кукиќ — Fri, 28 Sep 2018 15:21:37 +0000

Втор тендер на Владата во рок од неколку дена за набавка на авиобилети. На официјалната страна на Јавни набавки објавен е оглас од страна на Службата за општи и заеднички работи на Владата на Република Македонија. Така во огласот во делот предмет на договорот за јавна набавка стои набавка на авиобилети со проценета вредност на договорот од 1.271.186 денари, односно нешто над 20 илјади евра. Во техничката спецификација за тендерот е наведено дека ќе биде потребна 24-ри часовна дежурна линија за ургентни резервации и секогаш кога ќе биде побарано користење на аеродромскиот ВИП – клуб да биде обезбедено бесплатно, за патниците во бизнис класа. Да потсетиме, КУРИР вчера објави дека Владата на Република Македонија ќе потроши 20 милиони денари за авиобилети. Огласот за јавната набавка е објавен на 19 септември, а крајниот рок за доставување понуди е 05.11.2018. Како што е наведено во електронскиот систем за јавни набавки, предмет на договорот е резервација на авиобилети. Договорен орган е Генералниот секретеријат на Владата на Република Македонија. Предмет на овој договор за јавна набавка претставува услугата резервација и набавка на авионски билети во бизнис и економска класа за службени патувања на вработените во Владата на Република Македонија. Со овој тендер како и тој кој го објавивме вчера јасно е дека Владата ќе потроши околу 345 илјади евра, пари на граѓаните.

Владата ќе патува во бизнис класа: Од буџетот ќе „летнат“ 325 илјади евра за авионски билети

Предраг Кукиќ — Thu, 27 Sep 2018 20:51:53 +0000

Владата на Република Македонија ќе потроши 20 милиони денари за авиобилети. Огласот за јавната набавка е објавен на 19 септември, а крајниот рок за доставување понуди е 05.11.2018. Како што е наведено во електронскиот систем за јавни набавки, предмет на договорот е резервација на авиобилети. Договорен орган е Генералниот секретеријат на Владата на Република Македонија. Предмет на договорот за јавна набавка претставува услугата резервација и набавка на авионски билети во бизнис и економска класа за службени патувања на вработените во Владата на Република Македонија.