авиони-ловци – Kurir.mk

Кирби: Американски авиони-ловци прелетаа над Кабул за безбедна евакуација

Тале Кристо — Thu, 19 Aug 2021 16:51:26 +0000

Вооружени американски борбени авиони денеска прелетаа над Кабул за да ја следат безбедноста на евакуацијата во тој град, изјави портпаролот на Пентагон, Џон Кирби. Тој на брифингот со новинарите прецизираше дека авионите-ловци не изведувале ниски летови над главниот град на Авганистан. Генерал мајор Вилијам Тејлор истакна дека сега се отворени неколку порти на меѓународниот аеродром во Кабул и досега се евакуирани околу 7.000 луѓе. Според него, повеќе од 5.200 американски војници ја следат евакуацијата на аеродромот во Кабул.

Венецуела со авиони ловци ги штити иранските танкери

Тале Кристо — Tue, 26 May 2020 16:36:10 +0000

Иранските танкери кои пловат кон Венецуела се под заштита на авиони ловци Су-30 и Ф-16. Авионите летаат над иранскиот танкер „Форест“ и разорувачот Венецуела По-13 Јекуана. Венецуела поседува 24 авиони ловци Су-30МК2. Првиот од петте ирански танкери вчера пристигна во Венецуела. Петте ирански танкери со 1,5 милиони барели нафта се испратени со цел Венецуела да ја надмине кризата со гориво, предизвикана од санкциите на САД кон јужноамериканската држава. Но, аналитичарите наведуваат дека доставената иранска нафта ќе биде доволно за две до три недели. Иранското гориво пристигнува во Венецуела и покрај санкциите на САД против двете држави, а аналитичарите оценуваат дека тоа означува нова ера во односите помеѓу Каракас и Техеран, а Иран го шири своето влијание врз Западната хемисфера. Иранскиот претседател Хасан Рохани во саботата се закани со одмазда во случај Вашингтон „да предизвика проблеми со танкерите“, додека администрацијата на американскиот претседател Доналд Трамп претходно соопшти дека разгледуваат „мерки“ што ќе ги преземат како одговор на иранската достава на нафта за Венецуела. Венецуела има најголеми резерви на нафта во светот, но мора да увезува гориви бидејќи рафинериите во земјата годинава работат со 10 отсто од своите капацитети од 1,3 милиони барели дневно.

Велика Британија и Турција ја забрзуваат работата на проектот за производство на авиони ловци

Ивона Петрова — Wed, 11 Dec 2019 09:27:59 +0000

Турција и Велика Британија се договориле да ја забрзаат работата на проектот за производство на авиони ловци, соопшти министерот за надворешни работи на Турција, Мевлут Чавушоглу за телевизијата „A Haber“, пренесоа британските медиуми.

Двете држави во 2017 година постигнаа договор вреден 133 милиони долари за разработка на турски авиони ловци. Турската компанија „Kale Group“ соошти дека создава заедничка компанија со „Ролс-Ројс“ (Rolls-Royce) што ќе работи на проектот. „Ролс-Ројс“ во март годинава соопшти дека ги намали своите активности во оваа програма.

Стејт департментот одобри продажба на авиони-ловци Ф-16 за Тајван

Ивона Петрова — Wed, 21 Aug 2019 06:34:05 +0000

Стејт департментот одобри евентуална продажба на авиони-ловци Ф-16 за Тајван во вредност од осум милијарди долари, соопшти американската Агенција за соработка во областа на безбедноста и одбраната во официјален допис до конгресот. Со таа продажба би биле опфатени 66 авиони, 75 мотори Џенерал електрикс, како и други системи, наведува Агенцијата. Во соопштението се додава дека продажбата на авионите-ловци е во национален, економски и безбедносен интерес на САД, но и да му помогне на Тајван да ја одржи кредибилна одбраната